Ɛksodɔs 37:20 - EBƆRƐ BE KAWƆL

²⁰ Kefitilatɔl na be nteto na malɛ gbagba daa kɔ asɔ nɛ a du fanɛ atoto be alambu na be ana nna.

Ɛksodɔs 37:20 ပူးပေါင်းရင်းမြစ်များ

Ɛksodɔs 25:31

“Shin nɛ b ta shuwa gbagba m bɛl kefitilatɔl, nɛ kumo be ayabi nɛ a kɔ asɔ ko fanɛ atoto be alambu na nɛ amo kikɛ e baa la kukoŋwule.

Ɛksodɔs 25:33

Ayabi ashe na be kekama daga fanɛ k baa kɔ asɔ ko nɛ a du fanɛ atoto be alambu na be asa.

Ɛksodɔs 25:34

Kefitilatɔl na be nteto na malɛ gbagba daga kebaakɔ asɔ nɛ a du fanɛ atoto be alambu na be ana.

Ɛksodɔs 37:19

Ayabi ashe na be kekama daa kɔ asɔ ko nɛ a du fanɛ atoto be alambu na be asa nna.

Ɛksodɔs 37:21

Nɛ ayabi asa nɛ a bee barga to a ki anyɔnyɔ na be kekama be kaseto gba daa kɔ atoto be kelambu na be kukoŋwule.

Kaŋinichiŋgeliŋ 12:5

Feeŋ baa ŋana kedii kakpa jeŋgreŋ ŋko a nite ekpaana to be mboŋ nɛ e bee keta kufu. Fo emin beeŋ kilgi n fuli nɛ enite gba e baa nu fo; shɛŋ malɛ maaŋ naa yɛlga fo. Loŋ be jemanɛ na bee ŋini fanɛ anyi be ekama bee yɔ epe nɛ k wɔtɔ mbaanaayɔ na nna, nɛ basa e sɔ abɔrbi so a shu nli.

Jɛremaya 1:11

Ade be kaman nɛ Enyɛnpe Ebɔrɛ na shin nɛ ŋ ku bɔrɛdare nɛ e bishi ma le: “Jɛremaya, manɛ nɛ fo wu?” Nɛ ŋ kaŋɛ mo le: “Kedibi nɛ baa tre amɔnd na be kesɔrso nɛ k bee bel a pere manaŋ nɛ n wu.”

Nɔmbɛs 17:8

Kumo be ŋklade, Mosis ka yɔ wajɛbu na to, nɛ Ɛɛrɔn be kekpabi nɛ k yili n sa Livai be kanaŋ to ebi na gbu kenishi nseŋ purge n futi n wora atoto n sɔr asɔrso nɛ baa tre amɔnd na.