Ɛksodɔs 36:3 - EBƆRƐ BE KAWƆL

³ Ndoŋ nna nɛ Mosis ta ŋkɛ nɛ Israɛlebi na bugi ŋgbene n lara m ba fanɛ b ta n shuŋ wajɛbu cheembi na be kushuŋ na kikɛ m bɔɔ bumo enɔ. Ama karechɛ kikɛ, Israɛlebi na daŋ baa bar ŋkɛ nna m ba kaa sa Enyɛnpe Ebɔrɛ.

Ɛksodɔs 36:3 ပူးပေါင်းရင်းမြစ်များ

Nshɛ 101:8

Karechɛ kikɛ, m maaŋ sa kumukpakpasowuraana kashuli ashi anyi be kasawule so. Meeŋ ju basa lubi kikɛ ashi Enyɛnpe Ebɔrɛ be kadegboŋ na to.

Nshɛ 5:3

Kachipurso kikɛ fee nu ma kekule nna. Mee ta ma asheŋ tirso nna a ba kaa nase fo anishito, nsaa jo fo atuwebi.

Ɛksodɔs 35:27

Bejuŋkparpoana na malɛ daŋ bar yawukpakpaso be ajembu be yiriyiri nɛ baa ta amo a mata bɔrɛmatapo nimuso be ɛfɔd nɛ mbe demuji be kɔlgu na so nna.

Ɛksodɔs 35:29

Israɛlebi na be benyɛn nɛ beche nɛ b daa sha nɛ b chɛ kushuŋ na to na, daa bar bumo be ŋkɛ nna fanɛ b ta n shuŋ Enyɛnpe Ebɔrɛ na be kushuŋ nɛ e ta n sa Mosis na.

Ɛksodɔs 36:2

Kumo be kaman nɛ Mosis tre Besalɛl nɛ Oholiab nɛ benyiashempo kama nɛ Enyɛnpe Ebɔrɛ sa kasɔwora be kenyi nɛ basa nɛ baa sha kechɛto n shuŋ na kikɛ ŋ kaŋɛ bumo fanɛ b fara kushuŋ na.

Ɛksodɔs 36:4

Kumo be kaman nɛ benyiashempo nɛ b daa wora wajɛbu cheembi na be kushuŋ na yɔ Mosis kutɔ

Aŋasa 8:15

Ma e naa chɛ bewurjipo to nɛ baa keni bumo be efuliana so, nsaa chɛ bejuŋkparpo to nɛ baa wora mbra lela.

Aizaaya 50:4

Enyɛnpetale Ebɔrɛ na e ŋini ma kusɔ nɛ meeŋ kaŋɛ n leŋ esa nɛ e gben a chul to nsaa maaŋ naŋ tiŋ n wora shɛŋ na to. Mo e naa shin nɛ mee yɛla kenishi to kachipurso kikɛ a fin kenu kusɔ nɛ e kɔ nɛ e ŋini ma na.

Eemɔs 4:5

Men ta men be bodobodo nɛ a kɔ yisi na m ba lara kechɔrɔ be sarga nsaa puchi ŋkpal esarga damta nɛ men bar na so ŋkpal manɛ so, loŋ nɛ menyee sha kebaa wora.