Ɛksodɔs 36:2 - EBƆRƐ BE KAWƆL

² Kumo be kaman nɛ Mosis tre Besalɛl nɛ Oholiab nɛ benyiashempo kama nɛ Enyɛnpe Ebɔrɛ sa kasɔwora be kenyi nɛ basa nɛ baa sha kechɛto n shuŋ na kikɛ ŋ kaŋɛ bumo fanɛ b fara kushuŋ na.

Ɛksodɔs 36:2 ပူးပေါင်းရင်းမြစ်များ

1 Kronikɛls 28:21

Bɔrɛmatapoana nɛ Livaiebi na tea nyi ashuŋ nɛ baaŋ shuŋ bɔrɛlambu na to. Basa kama nɛ b kɔ enɔ to be kushuŋ be kenyi na gba kikɛ wora shiriya fanɛ baaŋ chɛ to n shuŋ kushuŋ na. Kusɔ kama malɛ nɛ fo kaŋɛ basa na nɛ bumo be bejuŋkparpoana fanɛ b wora, baaŋ wora.”

1 Kronikɛls 29:5

nseŋ ta ako malɛ n sa basa nɛ b kɔ enɔ to be kushuŋ be kenyi nɛ b lɔŋɛ asɔ warabi. Naniere, wanɛ e naŋ bugi kagbene n sa kusɔ ko nɛ b ta m pɔr Enyɛnpe Ebɔrɛ be bɔrɛlambu na?”

Ɛksodɔs 25:2

“Kaŋɛ Israɛlebi na fanɛ b bar ma ŋkɛ ashi bumo be kagbene to nɛ fo sɔ amo n sa ma.

Ɛksodɔs 25:40

Shin nɛ b wora amo kananɛ ŋ ŋini fo ashi kebee na so na gbagba chap.”

Ɛksodɔs 28:3

Shin nɛ basa nɛ ma ere Ebɔrɛ sa bumo enɔ to be kushuŋ be kenyi na, e lɔŋɛ Ɛɛrɔn be epiŋi na. Kumo be kaman nɛ b ta Ɛɛrɔn m bɔɔ ma Ebɔrɛ enɔ nɛ e shuŋ ma fanɛ bɔrɛmatapo.

Ɛksodɔs 31:6

Ma alɛ naŋ lara Oholiab nɛ e la Ahisamak malɛ pibinyɛn ashi Dan be kanaŋ to nna fanɛ e baa chɛ Besalɛl to a shuŋ. Bekama malɛ gba nɛ b ti so a kɔ enɔ to be kushuŋ be kenyi na, n sa bumo kikɛ kenyi damta, saŋɛ na so, baaŋ tiŋ n wora asɔ kama nyam nɛ ŋ kaŋɛ fo fanɛ b wora na.

Ɛksodɔs 35:10

“Amoso, menyi to be bekama nɛ b nyi ashuŋwurbi be kushuŋ na e ba m ba wora asɔ kama nɛ Enyɛnpe Ebɔrɛ kaŋɛ ere:

Ɛksodɔs 35:2

Nchɛnshe e daga fanɛ men shuŋ menyi be ashuŋ. Kachɛ shunusopo na bre la Enyɛnpe Ebɔrɛ be Kewushiachɛ cheembi nna. Esa kama nɛ e shuŋ kushuŋ kama kamɔnchɛ, daga fanɛ b mɔ mo.

Ɛksodɔs 36:1

Besalɛl nɛ Oholiab nɛ bekama nɛ mo ere Enyɛnpe Ebɔrɛ na sa kenyi nɛ kepinto nɛ b nyi kusɔ kama nɛ k daga fanɛ b wora a laŋɛ wajɛbu cheembi na be kaplɛa so na beeŋ wora asheŋ kananɛ Enyɛnpe Ebɔrɛ na kaŋɛ gbagba chap.

Ɛksodɔs 36:3

Ndoŋ nna nɛ Mosis ta ŋkɛ nɛ Israɛlebi na bugi ŋgbene n lara m ba fanɛ b ta n shuŋ wajɛbu cheembi na be kushuŋ na kikɛ m bɔɔ bumo enɔ. Ama karechɛ kikɛ, Israɛlebi na daŋ baa bar ŋkɛ nna m ba kaa sa Enyɛnpe Ebɔrɛ.

Ashuŋ Shunso 14:23

Asɔri kama to, b daa lara benimu nna a sa kumo to be basa nseŋ daa ta kabɔrɛkule nɛ ekishi a ta basa na kikɛ a bɔɔ Enyɛnpe nɛ bumo be yirda daa wɔ so na enɔ.

Kɔlɔsiebi 4:17

Men kaŋɛ Akipes le: “Baa de kushuŋ nɛ fo sɔ ŋkpal fo ka la Enyɛnpe peya na so na so a wora kumo.”

Hibruwebi 5:4

Esa kama maaŋ tiŋ n ta le be bunyaŋ be kushuŋ ere n sa mo gbagba be kumu. Ebɔrɛ nawule e naaŋ tre esa n ta loŋ be kushuŋ m bɔɔ mo enɔ fanɛ kananɛ e daŋ tre Ɛɛrɔn na nɛ e daŋ juŋkpar ŋ ki bɔrɛmatapo nimuso na.