Ɛksodɔs 35:2 - EBƆRƐ BE KAWƆL

² Nchɛnshe e daga fanɛ men shuŋ menyi be ashuŋ. Kachɛ shunusopo na bre la Enyɛnpe Ebɔrɛ be Kewushiachɛ cheembi nna. Esa kama nɛ e shuŋ kushuŋ kama kamɔnchɛ, daga fanɛ b mɔ mo.

Ɛksodɔs 35:2 ပူးပေါင်းရင်းမြစ်များ

Ɛksodɔs 16:23

Nɛ Mosis kaŋɛ bumo: “Enyɛnpe Ebɔrɛ nase mbra nna fanɛ echefo la mo gbagba be kachɛ cheembi nɛ e lara nɛ k baa la ewushi be kachɛ nna. Amoso, men tɔ amo nɛ menyee sha ketɔ edɛ to n ji nseŋ daŋɛ amo nɛ menyee sha kedaŋɛ n ji malɛ nseŋ ta amo nɛ a ka na n yili echefo.”

Ɛksodɔs 23:12

Men ta nchɛ ashe n shuŋ, nseŋ wushi kachɛ shunusopo na, saŋɛ na so men be ana dɔso nɛ ekurma gba beeŋ wushi. Nɛ men be elaŋ to be anya nɛ befɔ gba e wushi.

Ɛksodɔs 34:21

Nchɛnshe e daga fanɛ men ta n shuŋ menyi be ashuŋ nseŋ wushi kachɛ shunusopo na. Hale k la kudɔ ŋko kasɔteŋi be saŋɛ gba, a daga fanɛ men wushi kumo be kamɔnchɛ.

Aizaaya 58:13

Ade kikɛ be kaman nɛ Enyɛnpe Ebɔrɛ na naaŋ kaŋɛ le: “Nɛ men ta kewushiachɛ na fanɛ kachɛ cheembi a maa wora menyi gbagba be aparsheŋ fanɛ kebaayɔ nde ŋko a shuŋ kushuŋ be yiri kikɛ ŋko a malga mmalga jiga loŋ be kachɛ na,

Levitikɔs 23:3

Nchɛnshe nɛ menyeeŋ ta n shuŋ menyi be ashuŋ, ama men baa nyiŋi fanɛ kachɛ shunusopo na bre la Kewushiachɛ nna. Loŋ be kachɛ nɛ menyeeŋ ta n shɛr abar so m bunyaŋ ma Enyɛnpe Ebɔrɛ na. Kaplɛkama nɛ men wɔ, Kewushiachɛ na la Enyɛnpe Ebɔrɛ na be kachɛ nna.

Baru lela nɛ Jɔn kute na 5:16

Amoso, Juwebi na daŋ fara nna a tɔrɔ Yesu, ŋkpal e ka daŋ wora le be asheŋ kewushiachɛ na so.