Ɛksodɔs 34:5 - EBƆRƐ BE KAWƆL

⁵ Ndoŋ nna nɛ Enyɛnpe Ebɔrɛ bɔla kuwɔlpa to m ba yili Mosis kutɔ ndoŋ nseŋ ti mbe ketre cheembi na: ‘Enyɛnpetale Ebɔrɛ.’

Ɛksodɔs 34:5 ပူးပေါင်းရင်းမြစ်များ

Nshɛ 102:21

Amoso Jerusalɛmebi kikɛ e ber mbe asheŋ be kubomboŋ, nseŋ kpaŋ Enyɛnpe Ebɔrɛ be ketre na,

Ɛksodɔs 19:18

Kumo be kachɛ na, Sainai be kebeegboŋ na so kikɛ daŋ baa la edishi nna, ŋkpal manɛ so, Enyɛnpe Ebɔrɛ daŋ bɔla edɛ to nna m ba kumo so. Nɛ kumo be edishi na daŋ yɔ awɔlto fanɛ edishi nɛ a shi edɛ nɛ baa chɔɔ nɛ a shi ga na nɛ kebeegboŋ na kikɛ gbuŋgbuŋ to eleŋso.

Ɛksodɔs 19:9

Nɛ Enyɛnpe Ebɔrɛ kaŋɛ Mosis: “Keni, meeŋ bɔla kuwɔlpagboŋ ko to a malga fo kutɔ, saŋɛ na so basa na beeŋ nu ŋ ka bee malga fo kutɔ nsaa yirda fo saŋkama.” Ndoŋ nna nɛ Mosis naŋ kaŋɛ Enyɛnpe Ebɔrɛ asheŋ nɛ bejuŋkparpoana na malɛ malga kikɛ.

Ɛksodɔs 23:21

Men baa kaŋ kusoe a nu mbe ebɔl nsaa wora mo kasonu. Men sa maŋ kaŋ wora kulubi kikɛ ŋ gbiti mo. Nɛ men baŋ wora kulubi ŋ gbiti mo, e maaŋ yige m paŋ menyi, ŋkpal manɛ so, ma eleŋ wɔ mo so nna.

Ɛksodɔs 33:19

Nɛ e kaŋɛ Mosis: “Meeŋ shin nɛ ma kemankura kikɛ e bɔla fo anishito n choŋ nɛ n ti ma ketre ŋ ŋini fo. Ma e la Enyɛnpe Ebɔrɛ nɛ mee wu kuwɔr nsaa lara ma kasha a ŋini bekama nɛ n lara na.

Ɛksodɔs 33:9

Mosis malɛ baŋ luri nshɛr be wajɛbu na to, kuwɔlpa nɛ k niŋi serr fanɛ shabɔrɛ na bee ba nna m ba yili wajɛbu na be kabuna to nɛ Enyɛnpe Ebɔrɛ e bɔla kuwɔlpa na to nɛ mo nɛ Mosis e malga.

Aŋasa 18:10

Enyɛnpe Ebɔrɛ du fanɛ ketempreŋ kuŋso nna nɛ basa nɛ baa wora asheŋ niŋiso bee shile a yɔ mo kutɔ n ya kaa nya kekuŋ.

Aizaaya 1:10

Jerusalɛmebi, menyi be bewuraana nɛ basa kikɛ du fanɛ Sodɔm nɛ Gomɔra be basa nna. Men kaŋ asoe n nu kusɔ nɛ Enyɛnpe Ebɔrɛ na bee kaŋɛ nseŋ wɔtɔ lakal kusɔ nɛ Ebɔrɛ bee ŋini menyi to.

Nɔmbɛs 11:17

Meeŋ gbelge m ba ndoŋ m ba malga menyi kutɔ, nseŋ sa bumo eleŋ nɛ n sa fo na, saŋɛ na so baaŋ baa chɛ fo to a keni ma basa so nɛ esulɔ na maaŋ naa la fo nawule peya.

Nɔmbɛs 11:25

Nɛ kuwɔlpa na gbelge m ba nɛ Enyɛnpe Ebɔrɛ malga Mosis kutɔ nseŋ sa bejuŋkparpo adushunu na gba eleŋ nɛ e sa Mosis na. B ka nya eleŋ na nɛ b fara a malga a cha awɔr fanɛ anebiana na. Ama b daa maŋ malga loŋ n chɛr.

Nɔmbɛs 12:5

nɛ Enyɛnpe Ebɔrɛ na bɔla kuwɔlpa to m ba yili wajɛbu na be kabuna to nseŋ tre Ɛɛrɔn nɛ Miriam awɔrso, nɛ bumo benyɔ na lar n yɔ anishito.

Nɔmbɛs 14:17

Amoso Enyɛnpe Ebɔrɛ, mee kule fo nna nɛ fo ŋini fo eleŋ nseŋ wora kusɔ nɛ fo nase kɔnɔ fanɛ feeŋ wora na. Ŋkpal manɛ so fo e kaŋɛ le:

Ditɛronɔmi 32:3

Meeŋ fur Enyɛnpe Ebɔrɛ na be ketre, nɛ mbe basa e malga mbe keshi be asheŋ.

1 Samuɛl 3:18

Ndoŋ nna nɛ Samuɛl kaŋɛ mo kusɔ kama. E maŋ ta shɛŋ shɛŋ ŋ ŋana mo so. Nɛ Eli kaŋɛ le: “Mo e la Enyɛnpe Ebɔrɛ na, kusɔ kama nɛ k par mo e wora.”