Ɛksodɔs 33:9 - EBƆRƐ BE KAWƆL

⁹ Mosis malɛ baŋ luri nshɛr be wajɛbu na to, kuwɔlpa nɛ k niŋi serr fanɛ shabɔrɛ na bee ba nna m ba yili wajɛbu na be kabuna to nɛ Enyɛnpe Ebɔrɛ e bɔla kuwɔlpa na to nɛ mo nɛ Mosis e malga.

Ɛksodɔs 33:9 ပူးပေါင်းရင်းမြစ်များ

Jɛnesis 17:22

Ebɔrɛ ka malga Eebraham kutɔ n loge nɛ e yɔ ŋ ka mo.

Jɛnesis 18:33

Enyɛnpetale nɛ Eebraham ka malga n loge nɛ e choŋ nɛ Eebraham malɛ bɛta n yɔ laŋ to.

Nshɛ 99:7

E daŋ bɔla kuwɔlpa to nna m malga n sa Mosis nɛ Ɛɛrɔn; nɛ bumo alɛ daŋ wora mbe mbraana nɛ atande nɛ e ta n sa bumo na kasonu.

Ɛksodɔs 25:22

Ndoŋ nɛ ma nɛ menyi beeŋ baa shɛr nɛ m baa bɔla chɛrubim anyɔ na be nferinto ashi buuso na so a ta ma mbra nɛ ma mmalga a sa fo nɛ fo alɛ e baa ta amo a sa Israɛlebi na.

Ɛksodɔs 31:18

Ebɔrɛ ka malga Mosis kutɔ n loge ashi Sainai be kebee na so nɛ e ta ajembu pantraŋ pantrambi anyɔ nɛ mo ere Ebɔrɛ gbagba sibɛ mbe mbra n deŋi so na n sa Mosis.

Ɛksodɔs 33:10

Saŋkama nɛ basa na baŋ wu kuwɔlpa na ka yili nshɛr be wajɛbu na be kabuna to, bumo kikɛ bee gbir bumo be wajɛbu be kabuna to nna a bunyaŋ.

Ɛksodɔs 33:11

Enyɛnpe Ebɔrɛ na nɛ Mosis daa malga abar kutɔ nna fanɛ esa nɛ mo teri na. Kumo be kaman nɛ Mosis e bɛta m ba keeyi to. Mbe kayɛrbi, nɛ baa tre Joshuwa nɛ e la Nun pibinyɛn na bre daa shir a wɔ nshɛr be wajɛbu na to nna.

Ɛksodɔs 33:8

Saŋkama malɛ nɛ Mosis lar a yɔ nshɛr be wajɛbu na ase, basa na kikɛ bee lar nna n yili bumo be ewajɛbuana be mbuna to a keni mo loŋ hale nɛ e ya luri kumo to.

Ɛksodɔs 34:3

Esa kama e sa maŋ kaŋ tu fo m ba kebee na be esoso ŋko n shin nɛ n wu mo ashi kebee na ekpa kikɛ. Sa maŋ shin nɛ mbolpɔ ŋko mboe ŋko ana gba e ji m mata kebee na.”

Ɛksodɔs 34:5

Ndoŋ nna nɛ Enyɛnpe Ebɔrɛ bɔla kuwɔlpa to m ba yili Mosis kutɔ ndoŋ nseŋ ti mbe ketre cheembi na: ‘Enyɛnpetale Ebɔrɛ.’

Ɛksodɔs 34:9

nseŋ kaŋɛ: “O, n Nyɛnpe Ebɔrɛ, nɛ ma asheŋ bee par fo, kumo ere mee kule fo nna nɛ fo tu anyi n yɔ. N nyi basa ere ka kɔ amu kpakpaso, ama ta anyi be ashuŋ lubi nɛ alubi kikɛ m paŋ anyi nseŋ ta anyi ŋ ki fo gbagba be basa.”

Ezikɛl 3:22

Kumo be kaman nɛ Enyɛnpe Ebɔrɛ na be eleŋgboŋ na ba ma so, nɛ e kaŋɛ ma: “Koso n yɔ ketaŋɛ to nɛ n ya kaŋɛ fo kusɔ ko ndoŋ.”

Nɔmbɛs 11:17

Meeŋ gbelge m ba ndoŋ m ba malga menyi kutɔ, nseŋ sa bumo eleŋ nɛ n sa fo na, saŋɛ na so baaŋ baa chɛ fo to a keni ma basa so nɛ esulɔ na maaŋ naa la fo nawule peya.

Nɔmbɛs 7:89

Mosis ka yɔ wajɛbu na to nɛ mo nɛ Enyɛnpe Ebɔrɛ na e ya malga abar kutɔ, nɛ e nu Enyɛnpe Ebɔrɛ be ebɔl ka shi mpɔrduli nɛ baa tre Chɛrubim nɛ b pɔr n yili ŋkre be deka be buuso na so na be nferinto a malga mo kutɔ.

Ditɛronɔmi 31:14

Ade kikɛ be kaman, nɛ Enyɛnpe Ebɔrɛ na kaŋɛ Mosis le: “Fo maaŋ naŋ chɛr nseŋ wu, amoso keta Joshuwa m ba wajɛbu cheembi na to; saŋɛ na so, meeŋ ŋini mo asheŋ ko nɛ e ki Israɛl be ejuŋkparpo. Ndoŋ nna nɛ Mosis nɛ Joshuwa kikɛ yɔ wajɛbu cheembi na to

Ditɛronɔmi 31:15

nɛ Enyɛnpe Ebɔrɛ na bɔla kuwɔlpa nɛ k wɔ wajɛbu cheembi na be kabuna to na so n lara mbe kumu ŋ ŋini bumo.”