Ɛksodɔs 33:5 - EBƆRƐ BE KAWƆL

⁵ B daŋ wora ade kikɛ nna ŋkpal Enyɛnpe Ebɔrɛ na ka daŋ kaŋɛ Mosis le so: “Men la amukpakpasowuraana nna. M baŋ tu menyi n yɔ anishito gbrɛ kama gba, meeŋ mur menyi kuraa, amoso ekama e lara mbe abitasɔ mo so pɔɛŋ nɛ n yili kusɔ nɛ meeŋ wora menyi na.”

Ɛksodɔs 33:5 ပူးပေါင်းရင်းမြစ်များ

Jɛnesis 18:21

Amoso nɛ mee yɔ nɛ n ya keni fanɛ asheŋ nɛ b yɛ baa wora na kikɛ la kashenteŋ nna a. Saŋɛ na so meeŋ pin kusɔ nɛ k wɔtɔ.”

Jɛnesis 22:12

Nɛ malaika na kaŋɛ: “Sa maŋ kaŋ mɔ kebia na. Naniere m pin fo ka bee sha ma Ebɔrɛ, ŋkpal manɛ so, fo maŋ mɔn ma fo pibinyɛn koŋwule nɛ fee sha ga na.”

Job be kawɔl 34:20

Bewura nɛ b ji eleŋ ga gba bee wu kanyɛso, tentembiri to, jemanɛ nɛ b maa fɛ fanɛ loŋ beeŋ wora, fanɛ anyi be ekama nna.

Nshɛ 139:23

O Ebɔrɛ, mige ma to ŋ keni, m pin ma kagbene to; wora ma ŋ keni m pin ma nfɛra fɛso.

Nshɛ 73:19

Baaŋ mur epul to nɛ kufu e pɛ bumo nɛ b baa chicha. Bumo be lalaloge beeŋ lubi pasaa!

Ɛksodɔs 32:9

Kumo be kaman nɛ Enyɛnpe Ebɔrɛ naŋ kaŋɛ Mosis: “N nyi kananɛ basa ere kɔ kusoe kpakpaso.

Ɛksodɔs 33:6

Amoso b ka baŋ lar Sainai be kebee na ase n yɔ anishito, Israɛlebi na maŋ naŋ wɔtɔ shuwa ŋko gbiti be abitasɔ.

Aizaaya 22:12

Enyɛnpetale Ebɔrɛ na daŋ kaŋɛ menyi loŋ be kachɛ na fanɛ men baa shu anishichubi nsaa boŋ to awɔrso, nseŋ she menyi be amu m buu keeli be asɔbuuso.

Aizaaya 48:4

N nyi menyi ka la amu kpakpaso wuraana, menyi be amu du kpakpa nna fanɛ abɛlso, nɛ menyi be nsɔto malɛ du kpakpa fanɛ danyaŋ.

Nfabel 4:6

Ma basa be kasogberge chɔ basa nɛ b daa wɔ kadegboŋ nɛ baa tre Sodɔm, nɛ Ebɔrɛ daŋ mur kumo epul to dra dra na peya.

Jowɛl 2:12

Ama naniere Enyɛnpe Ebɔrɛ na yɛ: “Men lar men be alubi to m bugi men be ŋgbene n sa ma kashenteŋto nseŋ ta ekishi nɛ anishichubi nɛ ŋgbenejija be kushu m bɛta m ba ma kutɔ.

Nɔmbɛs 16:21

“Men barga men be amu ashi basa na kutɔ saŋɛ na so, meeŋ mɔ bumo epul ere to.”

Ashuŋ Shunso 7:51

Men kɔ amu kpakpaso ga. Menyi be ŋgbene du fanɛ nnyamase peya nna, men maŋ kɔ Ebɔrɛ be kubɔya na be asoe. Menyi nɛ men nanaana baa la kukoŋwule nna. Menyi alɛ gba maa nu a sa Kiyoyu Cheeŋ na.

Ditɛronɔmi 8:2

Men baa nyiŋi kananɛ Enyɛnpe menyi be Ebɔrɛ na juŋkpar menyi ashi keshishɛrsawule so be enite tenteŋ to nfɛ adena nɛ a choŋ ere kikɛ. E daa sha kepin nna fanɛ kashenteŋto nɛ menyee sha kewora mo kasonu nseŋ ta menyi be amu n to mo so a?