Ɛksodɔs 32:9 - EBƆRƐ BE KAWƆL

⁹ Kumo be kaman nɛ Enyɛnpe Ebɔrɛ naŋ kaŋɛ Mosis: “N nyi kananɛ basa ere kɔ kusoe kpakpaso.

Ɛksodɔs 32:9 ပူးပေါင်းရင်းမြစ်များ

2 Bewura 17:14

Amo nɛ amo kikɛ Israɛlebi na daa maŋ wora kasonu n sa Enyɛnpe Ebɔrɛ na. Bumo alɛ gba daa kɔ asoe kpakpaso nna fanɛ bumo nananyɛnana nɛ b daŋ kini keshuŋ Enyɛnpe bumo be Ebɔrɛ na.

2 Kronikɛls 30:8

Menyi ere e sa maŋ wora amu kpakpaso fanɛ kananɛ men nananyɛnana daŋ wora na, ama men baa nu a sa Enyɛnpe Ebɔrɛ na. Men ba men Nyɛnpe Ebɔrɛ be bɔrɛlambu cheembi nɛ k wɔ Jerusalɛm na to m ba bunyaŋ mo saŋɛ na so e maaŋ naŋ nya agbo n wɔtɔ menyi.

Nehemaya 9:16

Ama an nanaana nɛ b la ŋgbene kpakpasowuraana na daa maŋ wora fo kasonu. B daŋ teŋ emamachisheŋ nɛ fo daŋ wora n sa bumo na so nna, nseŋ daŋ yili kumo fanɛ baaŋ bɛta n yɔ Ijipt be efuli so n naŋ ya ki anya ndoŋ. Ama fo, anyi be Ebɔrɛ na bee wu kuwɔr, nsaa ta alubi a paŋ manaŋ manaŋ nna. Fo la alelaworpo nna nsaa kɔ kasha nɛ kanyiti. Jemanɛ nɛ b lɔŋɛ kenabi be kapɔrduli a bunyaŋ kumo na,

Nshɛ 78:8

Bumo ere maaŋ baa du fanɛ bumo nanaana nɛ b daŋ lar Ebɔrɛ kaman nseŋ kini kewora mo kasonu, nɛ bumo be yirda ashi Ebɔrɛ to daa maa yil to kpakpa, nɛ b maŋ ji kashenteŋ n sa mo na.

Ɛksodɔs 33:3

Ama ma ere gbagba bre maaŋ naŋ tu menyi n yɔ, nɛ mannɛ aloŋ meeŋ mur menyi ekpa to n loge, ŋkpal men be amukpakpaso so.”

Ɛksodɔs 33:5

B daŋ wora ade kikɛ nna ŋkpal Enyɛnpe Ebɔrɛ na ka daŋ kaŋɛ Mosis le so: “Men la amukpakpasowuraana nna. M baŋ tu menyi n yɔ anishito gbrɛ kama gba, meeŋ mur menyi kuraa, amoso ekama e lara mbe abitasɔ mo so pɔɛŋ nɛ n yili kusɔ nɛ meeŋ wora menyi na.”

Ɛksodɔs 34:9

nseŋ kaŋɛ: “O, n Nyɛnpe Ebɔrɛ, nɛ ma asheŋ bee par fo, kumo ere mee kule fo nna nɛ fo tu anyi n yɔ. N nyi basa ere ka kɔ amu kpakpaso, ama ta anyi be ashuŋ lubi nɛ alubi kikɛ m paŋ anyi nseŋ ta anyi ŋ ki fo gbagba be basa.”

Aŋasa 29:1

Fo baŋ wora kumu kpakpaso ŋ kini kenu kasokpele damta, k maaŋ chɛr nɛ fo mur.

Aizaaya 48:4

N nyi menyi ka la amu kpakpaso wuraana, menyi be amu du kpakpa nna fanɛ abɛlso, nɛ menyi be nsɔto malɛ du kpakpa fanɛ danyaŋ.

Jɛremaya 13:27

Ŋkpal manɛ so, e wu fo basa ka wora asheŋ nɛ e kishi nna. Kumo e la fanɛ e wu menyi nɛ menyee shuŋ nnyamase be agbirana ashi abee so nɛ adɔsawule to fanɛ kananɛ enyɛn ko bee yɛlga mo barkasa be eche nsaa shil a chɔ mo so na ŋko fanɛ kananɛ gbaŋɛ nyɛnso bee ju a bɛ gbaŋɛ cheso so na. Asheŋ maaŋ nyalɛ n sa menyi, Jerusalɛm to be basa ere! Jemanɛ mo nɛ menyeeŋ naŋ nyalɛ so a maaŋ naa kɔ eyurpi menyi so?

Hoziya 6:10

N wu asheŋ nɛ a maŋ walɛ kekeni ashi Israɛl be efuli so kikɛ. Ma basa ta bumo be amu n wɔtɔ eyurpi to ŋkpal b ka bee shuŋ agbir so.

Nɔmbɛs 14:11

Ndoŋ nna nɛ Enyɛnpe Ebɔrɛ kaŋɛ Mosis le: “Emamachisheŋ damta nɛ n wora n sa basa ere kikɛ ere, b kraŋ kini keyirda ma nsaa keni ma jiga a?

Ashuŋ Shunso 7:51

Men kɔ amu kpakpaso ga. Menyi be ŋgbene du fanɛ nnyamase peya nna, men maŋ kɔ Ebɔrɛ be kubɔya na be asoe. Menyi nɛ men nanaana baa la kukoŋwule nna. Menyi alɛ gba maa nu a sa Kiyoyu Cheeŋ na.

Ditɛronɔmi 10:16

Amoso yili kabre a yɔ, men baa wora Enyɛnpe Ebɔrɛ na kasonu nseŋ yige menyi be ŋkpensheŋ na.

Ditɛronɔmi 31:27

N nyi kananɛ bumo be amu nɛ ŋgbene du kpakpa. Jemanɛ nɛ n wɔ bumo to gba, b lar Enyɛnpe Ebɔrɛ na kaman. Ma luwu be kaman bre baaŋ wora kumo nɛ k chɔ loŋ.

Ditɛronɔmi 9:13

Kede be kaman, nɛ Enyɛnpe Ebɔrɛ na naŋ kaŋɛ ma le: “N nyi kananɛ Israɛl be basa ere kpeŋ nsaa beeŋ tiŋ n lar ma kaman.

Ditɛronɔmi 9:6

A daga men baa nyi fanɛ Enyɛnpe menyi be Ebɔrɛ na maa ta kasawule lela nɛ k bee wora adɔjibi ga na nna a sa menyi ŋkpal k ka daga menyi so. Mannɛ aloŋ nna, ŋkpal manɛ so, men kpeŋ nna.