Ɛksodɔs 32:8 - EBƆRƐ BE KAWƆL

⁸ B teŋ kini kebɛ mbra nɛ n sa bumo na so nseŋ ŋalga shuwa n lɔŋɛ kenabi a shuŋ nsaa lara esarga a sa kumo a kaŋɛ fanɛ bumo be ebɔrɛ mo nɛ a lara bumo ashi Ijipt be kasawule so na nna na.”

Ɛksodɔs 32:8 ပူးပေါင်းရင်းမြစ်များ

1 Bewura 12:28

E ka fɛ loŋ n loge, nɛ e ta shuwa n lɔŋɛ egbolu fɔlbi anyɔ nseŋ kaŋɛ mbe basa na le: “Menyi be kebaayɔ Jerusalɛm n ya ka bunyaŋ Enyɛnpe Ebɔrɛ na wora kufɔ ga. Israɛlebi menyi be agbir nɛ a lara men nananyɛnana ashi Ijipt be kasawule so na nde!”

Nehemaya 9:18

fo daa maŋ lar bumo kaman.” B daa tege fo nna a kaŋɛ: “Kegbir nɛ k kɔ n suge anyi ashi Ijipt be efuli so nna na.”

Nshɛ 106:19

B ka ya fo kebee nɛ baa tre Sainai na ase, b daŋ ta shuwa nna n lɔŋɛ gbolu fɔlbi nna a bunyaŋ kumo.

Nshɛ 78:36

Ama bumo be nnɔ to be mmalga kikɛ la efɛ nna. Asheŋ kama nɛ baa malga maa shi bumo be ŋgbene to.

Ɛksodɔs 20:23

Men sa maŋ kaŋ ta shuwa ŋko gbiti n lɔŋɛ agbir kikɛ a shuŋ amo n ti ma so.

Ɛksodɔs 22:20

Esa kama nɛ e lara sarga n sa kegbir kama m baŋ ma, Enyɛnpe Ebɔrɛ so, b mɔ mo.

Ɛksodɔs 32:4

nɛ Ɛɛrɔn sɔ amo kikɛ ŋ ŋalga n lɔŋɛ kegbir nɛ k du fanɛ kenabi. Ndoŋ nna nɛ basa na kaŋɛ le: “O Israɛlebi, menyi be ebɔrɛ nɛ e lara menyi ashi Ijipt be kasawule so na nde.”

Ɛksodɔs 34:15

Men sa maŋ kaŋ shin nɛ menyi nɛ kasawule na so be basa e wora kɔnɔkoŋwule be ŋkre kikɛ, nɛ mannɛ aloŋ, b baa lɔŋɛ bumo be agbirana, baaŋ tre menyi n fule menyi nɛ men ji agbirjibi na be ako.

Aizaaya 46:6

Basa ko bee ber ebɔyɛpo paa nna, a sa bumo shuwa nɛ gbiti fanɛ b lɔŋɛ agbirana n sa bumo nɛ b baa shuŋ amo.

Jɛremaya 31:32

Kɔnɔkoŋwule be ŋkre popɔr na beeŋ baa du fanɛ kedra nɛ ma nɛ bumo nananyɛnana daŋ wora jemanɛ nɛ n daŋ juŋkpar bumo n lar Ijipt be kasawule so nsaa ŋini bumo ekpa ashi bumo be enite to na nna. N daa du fanɛ ekul nɛ e bee sha mbe eche ga na nna n sa bumo, ama b daa maŋ bɛ ma nɛ bumo be kɔnɔkoŋwule be ŋkre na so.

Levitikɔs 17:7

Israɛlebi na e sa maa lar Enyɛnpe Ebɔrɛ na kaman n ya kaa mɔ bumo be asɔbɔya a lara esarga a sa agbir nɛ a bee ji mboe ŋko ayoyu lubi ashi bumo be ndɔana to. Mbra ere dese nna n sa bumo nɛ bumo be kaman to ebi kikɛ hale mbaanaayɔ.

Ditɛronɔmi 32:17

B daŋ lara esarga nna n sa agbirana nɛ a maŋ la Ebɔrɛ, agbir popɔr nɛ bumo nananyɛnana daa maŋ nyi, agbirana nɛ Israɛl daa maŋ naŋ wora kasonu ŋ ku so.

Ditɛronɔmi 9:12

Kumo be kaman nɛ Enyɛnpe Ebɔrɛ na kaŋɛ ma le: “Nya manaŋ ŋ gbelge kebeegboŋ na so n yɔ, ŋkpal manɛ so, basa nɛ fo juŋkpar n lar Ijipt be efuli so na ki basa jiga nseŋ wora kulubi. B teŋ kplaŋ kusɔ nɛ ŋ kaŋɛ bumo fanɛ b baa wora na so nseŋ lɔŋɛ kegbir n sa bumo be amu.”

Ditɛronɔmi 9:16

Ma alɛ daŋ wu fanɛ men daŋ maŋ wora Enyɛnpe menyi be Ebɔrɛ na be mbraana nɛ e sa menyi na kasonu. Menyi alɛ daŋ lɔŋɛ kebɛlso be gbolu fɔlbi be kegbir n wora kulubi n da mo so.

Joshuwa 22:15

B ka yɔ Giliad be kasawule so n ya tu Ruben nɛ Gad nɛ Manase be epeŋilarkpa be kaba so be basa na nɛ

Demujipoana 2:17

Ama Israɛlebi na daa maa nu a sa bumo be bejuŋkparpo ere nsaa wɔtɔ a shuŋ agbirana. Bumo tutoana bre daŋ nu n sa Enyɛnpe Ebɔrɛ na nna, ama bumo ere maa nu a sa mo.

Demujipoana 8:24

Kumo be kaman nɛ e naŋ kaŋɛ: “Kusɔ koŋwule nɛ mee kule menyi e la fanɛ men be ekama e sa ma akonde nɛ e nya kena na to na. Midianebi na daa wɔtɔ shuwa be akonde daŋkare be ekpa so nna fanɛ bekama nɛ b shi keshishɛrsawule so na.”