Ɛksodɔs 32:7 - EBƆRƐ BE KAWƆL

⁷ Ndoŋ nna nɛ Enyɛnpe Ebɔrɛ kaŋɛ Mosis: “Gbelge to manaŋ n yɔ, ŋkpal manɛ so, fo basa nɛ fo keta n lar Ijipt be kasawule so na wora kulubi m pal kaman n sa ma.

Ɛksodɔs 32:7 ပူးပေါင်းရင်းမြစ်များ

2 Kronikɛls 27:2

Kananɛ mo tuto ewura Uziya daŋ wora Enyɛnpe Ebɔrɛ be aparsheŋ na, gbagba na chap nɛ mo alɛ gba daŋ wora; ama mo ere daa maŋ wora kulubi n chɔɔ duwu bɔrɛlambu to. Basa na bre daa wɔtɔ nna a wora alubi a ti so saŋkama.

Nshɛ 78:36

Ama bumo be nnɔ to be mmalga kikɛ la efɛ nna. Asheŋ kama nɛ baa malga maa shi bumo be ŋgbene to.

Ɛksodɔs 19:24

Nɛ Enyɛnpe Ebɔrɛ kaŋɛ Mosis: “Gbelge n yɔ kaseto nɛ fo nɛ Ɛɛrɔn kikɛ e ya bɛta m ba. Ama bɔrɛmatapoana na nɛ basa na bre be ekama e sa maŋ kaŋ temba egbaŋ na ashi kebeegboŋ na be kaseto n dii m ba ma kutɔ. Nɛ b wora loŋ, meeŋ gberge bumo kusoe.”

Ɛksodɔs 32:1

Mosis ka daŋ chɛr kebee na so nsaa maŋ ba manaŋ na nɛ basa na ba shɛr ŋ kulti Ɛɛrɔn nseŋ kaŋɛ mo: “Koso n lɔŋɛ ebɔrɛ ko n sa anyi nɛ e baa juŋkpar anyi. Ŋkpal manɛ so, anyi maŋ nyi kusɔ nɛ k wora Mosis, nɛ e juŋkpar anyi n lar Ijipt be kasawule so na.”

Ɛksodɔs 32:11

Ama Mosis daŋ kule mo Nyɛnpe nɛ mbe Ebɔrɛ na nna ga, nseŋ kaŋɛ: N Nyɛnpe, manɛ e ba nɛ fo shin nɛ fo kagbene kaa ŋkpal fo basa mo nɛ fo ta fo eleŋgboŋ nɛ fo enɔ lempo na n lara ashi Ijipt be kasawule so so?

Ɛksodɔs 32:4

nɛ Ɛɛrɔn sɔ amo kikɛ ŋ ŋalga n lɔŋɛ kegbir nɛ k du fanɛ kenabi. Ndoŋ nna nɛ basa na kaŋɛ le: “O Israɛlebi, menyi be ebɔrɛ nɛ e lara menyi ashi Ijipt be kasawule so na nde.”

Ɛksodɔs 33:1

Kachako nɛ Enyɛnpe Ebɔrɛ kaŋɛ Mosis: “Fo nɛ basa nɛ fo juŋkpar n lar Ijipt be kasawule so na e koso nfe n yɔ efuli nɛ n nase kɔnɔ fanɛ meeŋ ta n sa Eebraham nɛ Aizek nɛ Jeekɔb nɛ bumo be kaman to ebi kikɛ na so.

Aizaaya 1:4

Asheŋ maaŋ nyalɛ n sa fo efuli lubi nɛ fo basa wora alubi damta nsaa nyi fanɛ b wora n da so ere. Men kini Enyɛnpe Ebɔrɛ nɛ e la Israɛl be Ebɔrɛ cheembi na nseŋ pal kaman n sa mo.

Danɛl 9:24

Nfɛ adushushunu be ntuŋ shunu e naŋ fo pɔɛŋ nɛ Ebɔrɛ e mɔlga fo basa nɛ kadegboŋ cheembi na ashi kulubi to. Baaŋ nya alubi be ketampaŋ nsaa ji asheŋ nɛ amo be ekpa so mbaanaayɔ; saŋɛ na so bɔrɛdare na nɛ kewuŋkaŋɛ na beeŋ bɔlɔ so kashenteŋto nɛ b naŋ laŋɛ n ta bɔrɛlambu cheembi na m bɔɔ Ebɔrɛ enɔ.

Hoziya 9:9

Men wora alubi alegaiso nsaa puni fanɛ basa nɛ b daa wɔ Gibia na. Ebɔrɛ yɛ e beeŋ nyiŋi bumo be alubi nseŋ gberge bumo kusoe.”

Ditɛronɔmi 31:29

Ade be kaman n nyi fanɛ ma luwu be kaman, basa na be amu beeŋ ki kpakpa nɛ b kini kusɔ nɛ ŋ ŋini bumo ere n lɛ nseŋ kini kewora Enyɛnpe Ebɔrɛ na kasonu. Kumo be loŋ malɛ beeŋ shin nɛ Enyɛnpe Ebɔrɛ na e nya agbo n wora bumo n shin nɛ kumu lubi gboŋgboŋi e ba bumo so.”

Ditɛronɔmi 32:5

Ama menyi ere maa ji kashenteŋ; menyi nɛ men la alubi nɛ efɛ be efuli so ebi ere; a maŋ daga fanɛ men baa la mbe basa gba.

Ditɛronɔmi 4:16

nɛ menyi maaŋ ya luri kagbirshuŋ be kulubi to. Men sa maŋ kaŋ lɔŋɛ agbir nɛ a duli enyɛn ŋko eche,

Ditɛronɔmi 9:12

Kumo be kaman nɛ Enyɛnpe Ebɔrɛ na kaŋɛ ma le: “Nya manaŋ ŋ gbelge kebeegboŋ na so n yɔ, ŋkpal manɛ so, basa nɛ fo juŋkpar n lar Ijipt be efuli so na ki basa jiga nseŋ wora kulubi. B teŋ kplaŋ kusɔ nɛ ŋ kaŋɛ bumo fanɛ b baa wora na so nseŋ lɔŋɛ kegbir n sa bumo be amu.”

Ditɛronɔmi 9:8

Men daŋ shin nɛ e nya agbo hale n daa sha kemur menyi gba kuraa nna ashi Sainai be kebeegboŋ na ase.

Demujipoana 2:19

Ama nɛ ejuŋkparpo na baŋ wu b naa bɛta nna a yɔ asheŋ alubi nɛ a chɔ amo nɛ bumo tutoana daa wora na gba to. Kumo e la fanɛ baa bɛ agbirana so nna a shuŋ amo nsaa kini kelar bumo be asheŋ jiga to.