Ɛksodɔs 32:4 - EBƆRƐ BE KAWƆL

⁴ nɛ Ɛɛrɔn sɔ amo kikɛ ŋ ŋalga n lɔŋɛ kegbir nɛ k du fanɛ kenabi. Ndoŋ nna nɛ basa na kaŋɛ le: “O Israɛlebi, menyi be ebɔrɛ nɛ e lara menyi ashi Ijipt be kasawule so na nde.”

Ɛksodɔs 32:4 ပူးပေါင်းရင်းမြစ်များ

1 Bewura 12:28

E ka fɛ loŋ n loge, nɛ e ta shuwa n lɔŋɛ egbolu fɔlbi anyɔ nseŋ kaŋɛ mbe basa na le: “Menyi be kebaayɔ Jerusalɛm n ya ka bunyaŋ Enyɛnpe Ebɔrɛ na wora kufɔ ga. Israɛlebi menyi be agbir nɛ a lara men nananyɛnana ashi Ijipt be kasawule so na nde!”

1 Bewura 12:32

Ewura Jeroboam malɛ gba daŋ naŋ yili kumo nna fanɛ b baa ji kabɔrɛshuŋ be kachɛgboŋ na kufɔl burwasopo be kachɛ kuduanusopo kikɛ fanɛ kananɛ baa ji Juda peya na. E daŋ lara esarga n sa shuwa be egbolu fɔlbi be agbir na nna ashi Bɛtɛl be bɔrɛsure na so nseŋ lara bɔrɛmatapoana n chena Bɛtɛl nɛ baa keni kagbirshuŋ be mboŋ nɛ e pɔr n yili na so.

2 Bewura 10:20

Ndoŋ na nɛ Jehu ponte ŋ kaŋɛ le: “Men kaŋɛ ekama kachɛ nɛ an lara n yili nɛ an shuŋ Baal be kegbir ere!” Nɛ b bɛ kusɔ nɛ e kaŋɛ na so.

2 Bewura 10:29

Ama ewura Jehu gba wora alubi nɛ ewura Jeroboam daŋ wora saŋɛ so nɛ e ta shuwa n lɔŋɛ egbolufɔlbi nɛ Israɛl be basa shuŋ amo ashi Bɛtɛl nɛ Dan na nna.

2 Kronikɛls 11:15

Ewura Jeroboam daŋ lara mo gbagba be bɔrɛmatapoana nna fanɛ b baa shuŋ kakpa nɛ nnyamase na bee lɔŋɛ bumo be agbir na nsaa sha fanɛ b baa shuŋ ayoyu lubi nɛ egbolufɔlbi nɛ e lɔŋɛ fanɛ agbir na.

2 Kronikɛls 13:8

Naniere, fee fɛ fanɛ feeŋ tiŋ ŋ kɔ m pɔɔ kuwurji nɛ Enyɛnpe ta n sa ewura Deevid be kaman to ebi ere so nna? Menyi alɛ kɔ benapo damta nɛ agbir nɛ Jeroboam ta shuwa n lɔŋɛ fanɛ egbolu fɔlbi na nna nɛ e baa la menyi be agbirana.

Nehemaya 9:18

fo daa maŋ lar bumo kaman.” B daa tege fo nna a kaŋɛ: “Kegbir nɛ k kɔ n suge anyi ashi Ijipt be efuli so nna na.”

Ɛksodɔs 20:2

“Ma e la Enyɛnpe Ebɔrɛ, men be Ebɔrɛ mo nɛ e lara menyi ashi Ijipt be kasawule so, kakpa nɛ men daa wɔ kenyaya to na.

Ɛksodɔs 20:23

Men sa maŋ kaŋ ta shuwa ŋko gbiti n lɔŋɛ agbir kikɛ a shuŋ amo n ti ma so.

Ɛksodɔs 20:4

Men sa maŋ kaŋ lɔŋɛ kusɔ kama nɛ k wɔ ebɔrɛso ŋko kasawule so ŋko nchu to ashi kasawule be kaseto be kaduli

Ɛksodɔs 28:11

Kumo be kaman nɛ enyipo na e nyisi ajembu na n wɔtɔ shuwa be mpinibi to m ba m mata kabɔrɛmata be piŋi be abatimu anyɔ na so. Saŋɛ na so saŋkama nɛ Ɛɛrɔn yɔ Enyɛnpe Ebɔrɛ na be anishito e beeŋ sulɔ Israɛlebi be atre mbe abatimu anyɔ so nɛ Enyɛnpe Ebɔrɛ e nyiŋi bumo be asheŋ.

Ɛksodɔs 28:9

Kumo be kaman nɛ men shin nɛ enyipo e chaŋ Jeekɔb be mbinyɛnso kuduanyɔ na be atre n deŋi yawu kpakpaso be ajembu nyɛkpɛso nɛ baa tre ɔniks na be anyɔ so.

Ɛksodɔs 32:1

Mosis ka daŋ chɛr kebee na so nsaa maŋ ba manaŋ na nɛ basa na ba shɛr ŋ kulti Ɛɛrɔn nseŋ kaŋɛ mo: “Koso n lɔŋɛ ebɔrɛ ko n sa anyi nɛ e baa juŋkpar anyi. Ŋkpal manɛ so, anyi maŋ nyi kusɔ nɛ k wora Mosis, nɛ e juŋkpar anyi n lar Ijipt be kasawule so na.”

Ɛksodɔs 32:24

Ndoŋ nna nɛ ma alɛ kaŋɛ bumo: ‘Ekama nɛ e kɔ shuwa be abitasɔ e lara amo m ba.’ Nɛ b lara n lara amo m ba sa ma nɛ n ta amo n wɔtɔ edɛ to nɛ a ŋalga. To, kananɛ kenabi na wora m ba nna na.”

Ɛksodɔs 32:3

Epul na to nɛ basa na kikɛ lara shuwa be akonde nɛ a wɔ bumo be asoe to na n sa Ɛɛrɔn

Ɛksodɔs 32:35

Kumo be kaman nɛ Enyɛnpe Ebɔrɛ bar kulɔ lubi ko m ba lɛ basa na so, ŋkpal b ka daŋ nyaŋ Ɛɛrɔn nɛ e lɔŋɛ shuwa be kenabi na so.

Ɛksodɔs 32:5

Ɛɛrɔn ka wu kusɔ nɛ k wora na nɛ e yuu bɔrɛsure n yili shuwa be kenabi na be anishito nseŋ kaŋɛ: “Echefo anyeeŋ wora bunyanso be kanyiŋi be kejigboŋ n sa Enyɛnpe Ebɔrɛ.”

Ɛksodɔs 32:7

Ndoŋ nna nɛ Enyɛnpe Ebɔrɛ kaŋɛ Mosis: “Gbelge to manaŋ n yɔ, ŋkpal manɛ so, fo basa nɛ fo keta n lar Ijipt be kasawule so na wora kulubi m pal kaman n sa ma.

Ɛksodɔs 32:8

B teŋ kini kebɛ mbra nɛ n sa bumo na so nseŋ ŋalga shuwa n lɔŋɛ kenabi a shuŋ nsaa lara esarga a sa kumo a kaŋɛ fanɛ bumo be ebɔrɛ mo nɛ a lara bumo ashi Ijipt be kasawule so na nna na.”

Aizaaya 30:22

Saŋɛ na so nɛ men ta menyi be agbirana nɛ men ŋalga shuwa nɛ gbiti n wurge amo so na n ya lɛ fanɛ epi na nseŋ kaŋɛ le: “Men baa yɔ, anyi maŋ naa sha menyi.”

Aizaaya 46:6

Basa ko bee ber ebɔyɛpo paa nna, a sa bumo shuwa nɛ gbiti fanɛ b lɔŋɛ agbirana n sa bumo nɛ b baa shuŋ amo.

Ezikɛl 23:8

Jemanɛ nɛ benyɛn jija mo nseŋ ta mo ŋ ki eche ashi Ijipt be efuli so mbe kebia to kikɛ hale nɛ mbre e maŋ naŋ yige mbe kesakalea na.

Hoziya 10:5

Kufu beeŋ pɛ basa nɛ b wɔ Samɛria be kadegboŋ to na, nɛ b shu ga ŋkpal bumo be kegbir nɛ b ta shuwa m pɔr fanɛ gbolu na ka foe ashi Bɛtɛl so. Bumo nɛ agbirwuraana nɛ baa shuŋ kumo na beeŋ shu ga ŋkpal kumo so. Saŋɛ nɛ baaŋ marga kumo so be shuwa na nɛ baaŋ shu awɔrso ga.

Hoziya 13:2

B daa wɔtɔ nna a wora alubi nsaa ta gbiti a lɔŋɛ agbir nɛ a duli anabi nna. Le nɛ b daa kaŋɛ: “Men lara sarga n sa agbir na.” Nuso malɛ nɛ esa beeŋ tiŋ n bunyaŋ agbir nɛ a du fanɛ anabi ere kashaso!

Ashuŋ Shunso 17:29

Ŋkpal anyi alɛ ka la mbe mbia so, an sa maa fɛ fanɛ Ebɔrɛ du fanɛ shuwa be kusɔ pɔrso ŋko gbiti be kusɔ pɔrso ŋko kejembu be kusɔ pɔrso ko nɛ nyiŋgbasa ta mo gbagba be kenyi be nfɛra n wora nna.

Ashuŋ Shunso 7:41

Ndoŋ nna nɛ b pɔr kegbir ko fanɛ kenabi nseŋ mɔ asɔ n wora kejigboŋ n lɔŋɛ kumo a bunyaŋ kusɔ nɛ bumo gbagba pɔr na.

1 Kɔrintebi 10:7

Men sa maŋ kaa la agbirshumpoana fanɛ kananɛ bumo be beko daa la na. Loŋ malɛ nɛ abɔrɛsibɛ na bee kaŋɛ na fanɛ: “Basa na daŋ chena nna n ji nseŋ nuu nseŋ koso n cha.”

Ditɛronɔmi 9:16

Ma alɛ daŋ wu fanɛ men daŋ maŋ wora Enyɛnpe menyi be Ebɔrɛ na be mbraana nɛ e sa menyi na kasonu. Menyi alɛ daŋ lɔŋɛ kebɛlso be gbolu fɔlbi be kegbir n wora kulubi n da mo so.

Demujipoana 8:24

Kumo be kaman nɛ e naŋ kaŋɛ: “Kusɔ koŋwule nɛ mee kule menyi e la fanɛ men be ekama e sa ma akonde nɛ e nya kena na to na. Midianebi na daa wɔtɔ shuwa be akonde daŋkare be ekpa so nna fanɛ bekama nɛ b shi keshishɛrsawule so na.”

Demujipoana 8:27

Ndoŋ nna nɛ Gidiɔn ta shuwa na n lɔŋɛ kegbir n yɔ Ofra, nɛ k la mbe kade to na. Nɛ Israɛlebi na kikɛ pal kaman n sa Ebɔrɛ nseŋ yɔ ndoŋ n ya kaa shuŋ kegbir na. Nɛ k ba ki kejigbelɛ n sa Gidiɔn nɛ mbe kanaŋ.