Ɛksodɔs 32:30 - EBƆRƐ BE KAWƆL

³⁰ Kumo be ŋklade kachipurso nɛ Mosis kaŋɛ basa na le: “Men wora kulubi gboŋgboŋi ga, ama meeŋ naŋ bɛta n dii kebee na so n ya kule Enyɛnpe Ebɔrɛ na ŋ keni ashere e beeŋ ta men be alubi m paŋ menyi.”

Ɛksodɔs 32:30 ပူးပေါင်းရင်းမြစ်များ

2 Samuɛl 12:9

Nɛ manɛ e ba nɛ fo kini kenu n sa ma nseŋ ŋaba ma le ere? Fo e shin nɛ Ammɔnebi na mɔ Yuriya ashi kena to nɛ fo ta mbe eche ŋ ki feya.

2 Samuɛl 16:12

Ashere Enyɛnpe Ebɔrɛ beeŋ wu kagbenejija nɛ k tɔr ma so ere nseŋ shin nɛ kɔnɔsho ere e ki nɛfa n sa ma.”

2 Bewura 17:21

Enyɛnpe Ebɔrɛ ka barga Israɛl be efuli ashi Juda be efuli to na be kaman pɔɛŋ nɛ Israɛlebi na shin nɛ Nebat pibinyɛn Jeroboam ki bumo be ewura. Jeroboam daŋ shin nna nɛ b kini Ebɔrɛ nseŋ wora alubi nɛ a maŋ walɛ kekeni kikɛ.

Nshɛ 99:6

Mosis nɛ Ɛɛrɔn daa la mbe bɔrɛmatapoana nna, nɛ anebi Samuɛl malɛ daa la esa nɛ e daa bɔla Ebɔrɛ be ketre to a kule mo. Enyɛnpe Ebɔrɛ na nɛ bumo kikɛ daa shu a tre, nɛ e daa nu a sa bumo.

Ɛksodɔs 32:29

Kumo be kaman nɛ Mosis kaŋɛ Livaiebi na: “Kabre men lara men be amu n sa Enyɛnpe Ebɔrɛ na nna. Ŋkpal men ka tiŋ m mɔ men be mbinyɛnbi nɛ men daana nɛ men sipoana so, Enyɛnpe Ebɔrɛ na nɛfa menyi kabre.”

Eemɔs 5:15

Men kishi kulubi, nsaa wora kelela. Men baa kɔ a fin asheŋ be keji nɛ amo be ekpa so ashi men be edemujikpa. Ashere Enyɛnpetale na beeŋ wu efuli ere be bekama nɛ b kraa wɔ ŋkpa to ere kuwɔr.

Jona 3:9

Ashere Ebɔrɛ be nfɛra beeŋ chɛrga nɛ mbe agbo e wushi nɛ e wu anyi kuwɔr nsaa maŋ shin nɛ an mur.”

Nɔmbɛs 16:47

Ndoŋ nna nɛ Ɛɛrɔn nu kusɔ nɛ Mosis kaŋɛ na nseŋ ta mbe kedɛtɔl n shile n yɔ jimaŋ na be nferinto. E ka wu fanɛ aleblawu na teŋ fara, nɛ e ta duwu n wɔtɔ edɛ na to n chɔɔ n lara alubi be ketampaŋ be sarga n sa basa na.

Nɔmbɛs 25:13

Mo nɛ mbe kaman to ebi beeŋ baa la bɔrɛmatapoana hale mbaanaayɔ ŋkpal e ka bee kɔ kukɔrkɔ a sa ma nseŋ shin nɛ Israɛlebi na nya alubi be ketampaŋ so.”

Luuk 15:18

Cha, meeŋ koso n yɔ n tuto kutɔ n ya kaŋɛ mo le: N tuto, n wora alubi ŋ gbiti fo nɛ Ebɔrɛ.

Luuk 7:47

Amoso, mee kaŋɛ fo nna fanɛ kashagboŋ nɛ e ŋini ma ere e naa ŋini b ka ta mbe alubi damta na m paŋ mo. Ama ekama nɛ b yige gbrɛ m paŋ be kasha gba maŋ shi.”

Romebi 9:3

Nɛ Ebɔrɛ daŋ kpal bumo so, ma yiri to ebi gbagba nɛ n de na, n so ma gbagba kɔnɔ nseŋ lara ma ashi Kristo be kebaawɔtɔ to gba, n daa beeŋ baa sha loŋ.

Galeeshaebi 3:13

Ama Kristo sɔ anyi ashi kɔnɔso nɛ mbra na bee bar na to nna n yige. E yili anyi be katelamu to nna n shin nɛ b so mo gbagba kɔnɔ n sa anyi, ŋkpal manɛ so, le nɛ abɔrɛsibɛ na bee kaŋɛ: “Ebɔrɛ be kɔnɔso wɔ esa kama nɛ baa ta a shiga kedibi so nna.”

2 Timoti 2:25

a wɔtɔ a yɔɔ mbe kumu nsaa ŋini basa nɛ baa ji mo emɔrɔ asheŋ amo be ekpa so. Nɛ e bee wora loŋ, shere Ebɔrɛ beeŋ bugi ekpa n sa bumo nɛ b tuba m bɛ kashenteŋ be ekpa na so

Jeems 5:16

Amoso, men baa bugi men be alubiana to a kaŋɛ abar nsaa kule Ebɔrɛ a sa abar nɛ Ebɔrɛ e baa chɛ menyi be alɔana. Kashenteŋto, kabɔrɛkule kama nɛ k shi esa nɛ kulubi maŋ wɔ mo to, bee tiŋ a wora asheŋgboŋ ga ŋkpal eleŋ nɛ Ebɔrɛ ta n wɔtɔ kumo to so.

1 Samuɛl 12:17

Mannɛ ketarso nde a? Meeŋ kule Enyɛnpe Ebɔrɛ nɛ e shin nɛ bɔrɛ e ba nseŋ ponte eleŋso. Le be kesheŋ kaŋ wora na, nɛ menyeeŋ pin men ka wora kulubi gboŋgboŋi ŋ gbiti Enyɛnpe Ebɔrɛ, ŋkpal men ka kule mo fanɛ e sa menyi ewura so.”

1 Samuɛl 12:19

Ndoŋ nna nɛ b kaŋɛ Samuɛl le: “Jande kule Enyɛnpe fo Ebɔrɛ na n sa anyi, saŋɛ na so anyi maaŋ wu. Naniere an pin fanɛ anyi be alubi nɛ an wora na kikɛ be kaman, anyi be kekaŋɛ fanɛ anyee sha ewura na gba la kulubi nna.”

1 Samuɛl 12:20

Ndoŋ nna nɛ Samuɛl kaŋɛ le: “Men sa maa lɔ kufu. Kashenteŋ nna fanɛ men wora kulubi, ama amo na amo kikɛ, men sa maŋ lar Enyɛnpe Ebɔrɛ na kaman ama men ta menyi be ŋgbene kikɛ a shuŋ mo.

1 Samuɛl 12:23

Nɛ m baŋ yige kebaakule Ebɔrɛ a sa menyi, kumo ere Enyɛnpe Ebɔrɛ na nɛ m maŋ wora kasonu na. Meeŋ ŋini menyi kusɔ nɛ k daga fanɛ men baa wora.

1 Samuɛl 2:17

Eli be mbinyɛnsobi na be kulubi daa shi ga ashi Enyɛnpe Ebɔrɛ be anishito ŋkpal b ka daa maa keni esarga nɛ baa lara a sa Enyɛnpe Ebɔrɛ na a bɔlɔ kenishi so.