Ɛksodɔs 32:29 - EBƆRƐ BE KAWƆL

²⁹ Kumo be kaman nɛ Mosis kaŋɛ Livaiebi na: “Kabre men lara men be amu n sa Enyɛnpe Ebɔrɛ na nna. Ŋkpal men ka tiŋ m mɔ men be mbinyɛnbi nɛ men daana nɛ men sipoana so, Enyɛnpe Ebɔrɛ na nɛfa menyi kabre.”

Ɛksodɔs 32:29 ပူးပေါင်းရင်းမြစ်များ

2 Kronikɛls 35:3

Kusɔ nɛ e daŋ kaŋɛ Livaiebi nɛ b ta m bɔɔ Enyɛnpe Ebɔrɛ enɔ nɛ b la Israɛlebi be mbra ŋinipoana na nde: “Men maaŋ naa sulɔ Enyɛnpe Ebɔrɛ be ŋkre be deka cheembi na a nite a kilgi to, ŋkpal manɛ so k tea yil bɔrɛlambu nɛ ewura Sɔlɔmɔn nɛ e la ewura Deevid pibinyɛn na pɔr nɛ menyeeŋ baa shuŋ Enyɛnpe men be Ebɔrɛ na nɛ mbe basa Israɛlebi na to nna.

Ɛksodɔs 32:28

Ndoŋ nna nɛ Livaiebi nu Mosis be kɔnɔ nseŋ wora kusɔ nɛ e kaŋɛ fanɛ b wora na, nɛ basa beeŋ wora fanɛ ŋgboŋ asa kikɛ wu.

Ɛksodɔs 32:30

Kumo be ŋklade kachipurso nɛ Mosis kaŋɛ basa na le: “Men wora kulubi gboŋgboŋi ga, ama meeŋ naŋ bɛta n dii kebee na so n ya kule Enyɛnpe Ebɔrɛ na ŋ keni ashere e beeŋ ta men be alubi m paŋ menyi.”

Aŋasa 21:3

Kewora kusɔ nɛ k niŋi nɛ kashenteŋji bee par Enyɛnpe Ebɔrɛ a chɔ sarga be kelara.

Zakareya 13:3

Esa kama kaŋ naa kaŋɛ fanɛ mo ere bee wu abɔrɛsheŋ to nna a kaŋɛ, mo tuto nɛ mo nio gbagba e naŋ kaŋɛ fanɛ e daga luwu, ŋkpal e ka ku efɛ ŋ kaŋɛ fanɛ Enyɛnpe Ebɔrɛ na be kamalga nɛ e bee malga so. Nɛ e kraŋ kini a malga mo nio nɛ mo tuto gbagba e naaŋ da mo tokobi m mɔ.

Matiu 10:37

Esa kama malɛ nɛ e bee sha mo tuto nɛ mo nio a chɔ ma maŋ daga e ka la meya. Ekama malɛ nɛ e bee sha mo pibinyɛnso ŋko mo pibicheso a chɔ ma maŋ daga e ka la meya.