Ɛksodɔs 32:26 - EBƆRƐ BE KAWƆL

²⁶ Nɛ e yili keeyi na be kakpa nɛ baa bɔla a luri kumo to nseŋ kaŋɛ awɔrso: “Ekama nɛ e wɔ Enyɛnpe Ebɔrɛ na be kaba so, e ba ma kutɔ nfe!” Ndoŋ nna nɛ Livaiebi na kikɛ lar m ba shɛr ŋ kulti mo.

Ɛksodɔs 32:26 ပူးပေါင်းရင်းမြစ်များ

2 Samuɛl 20:11

Nɛ Jɔab be basa na be eko ba yili Amasa be kebuni na ase ŋ kaŋɛ awɔrso le: “Ekama nɛ e nyi fanɛ Jɔab nɛ Deevid nɛ e bɛso, kumo ere e bɛ Jɔab so!”

2 Bewura 9:32

Ndoŋ nna nɛ Jehu maŋ kumu so ŋ keni tokuro na ase m ponte ŋ kaŋɛ: “Wanɛ e bɛ ma so?” Nɛ ewura be laŋ to be benimuana yili tokuro na ase a jule a keni mo.

Nshɛ 94:16

Wanɛ e naŋ yili ma kaman n tu ma ŋ kɔ basa lubi ere?

Ɛksodɔs 32:25

Ndoŋ nna nɛ Mosis wu fanɛ Ɛɛrɔn e shin nɛ basa na nya bumo be aparsheŋ nseŋ ta bumo be amu n wora jenfembi ashi bumo doŋana be anishito.

Ɛksodɔs 32:27

Nɛ e kaŋɛ bumo: “Enyɛnpe Israɛl be Ebɔrɛ na yɛ: ‘Men be ekama e kre to n ta mbe tokobi m bɛta n luri keeyi na to a kulti a mɔ esa kama nɛ e tu, hale nɛ amodoŋwura la mo da ŋko mo sipo ŋko mo teri ŋko mbe bechenashapo gba nna.’ ”

Matiu 12:30

Esa kama nɛ e maŋ la n teri la n doŋ nna nɛ ekama malɛ nɛ e maa chɛ ma to a chala, bee gboŋi asɔ nɛ mee chala nna.

Ditɛronɔmi 33:9

Fo nɛ baa nu a sa a chɔ bumo kurgepoana nɛ bumo niopibiana nɛ bumo be mbia. Kusɔ nɛ fo kaŋɛ kenishipere so na nɛ baa wora kasonu, nsaa ji kashenteŋ a sa fo kɔnɔkoŋwule be ŋkre na.

Joshuwa 5:13

Joshuwa ka bee taga to Jɛriko na, epul to nɛ e wu kanyɛn ko ka yili mbe anishito a kɔ tokobi to. Ndoŋ nna nɛ e ya bishi mo le: “Fo alɛ gba la anyi to be eko nna ŋko anyi doŋ e la fo?”