Ɛksodɔs 32:22 - EBƆRƐ BE KAWƆL

²² Nɛ Ɛɛrɔn kaŋɛ mo le: “Sa maŋ kaŋ shin nɛ fo agbo e koso. Fo nyi kananɛ basa ere be nfɛra baa yuu kulubi so.

Ɛksodɔs 32:22 ပူးပေါင်းရင်းမြစ်များ

Jɛnesis 44:18

Ndoŋ nna nɛ Juda yɔ mo kutɔ n ya kaŋɛ mo: “N nyɛnpe jande, shin nɛ fo kenya e malga kamalgabi ko n sa fo, n nyɛnpe. N nyi fo nɛ ewura Fɛɛro ka sasa, ama jande, sa maŋ nya agbo n wora ma.

Nshɛ 36:4

B dese bumo be edesekpa gba alubi be kewora be ŋkre nɛ baa kre. B maa wora asheŋ lela kikɛ. Kulubi kama malɛ maa choŋ bumo so.

Ɛksodɔs 14:11

Kumo be kaman nɛ b kilgi m bishi Mosis le: “Nchaŋana ka maŋ wɔ Ijipt to bre so nɛ fo keta anyi m ba keshishɛrsawule ere so fanɛ an baa wu ere a? Manɛ so nɛ fo wora anyi loŋ n lara anyi ashi Ijipt to ere?

Ɛksodɔs 15:24

Nɛ basa na naŋ fara a fubel a kaŋɛ Mosis le: “To, nnɛ nɛ anyeeŋ nya nchu n nuu?”

Ɛksodɔs 16:20

Ama bumo be beko daa maŋ wora kasonu n sa Mosis nseŋ ta amo be ako n yili ŋklade. Kare ka chɛ nɛ a bɛ a dufɛ nɛ ashushombi bɔlɔ amo to nɛ Mosis nya agbo n wora Israɛlebi na.

Ɛksodɔs 16:28

Ndoŋ nna nɛ Enyɛnpe Ebɔrɛ bishi Mosis: “Manɛ nna nɛ men wɔtɔ a kini kebɛ ma mbraana so?

Ɛksodɔs 32:1

Mosis ka daŋ chɛr kebee na so nsaa maŋ ba manaŋ na nɛ basa na ba shɛr ŋ kulti Ɛɛrɔn nseŋ kaŋɛ mo: “Koso n lɔŋɛ ebɔrɛ ko n sa anyi nɛ e baa juŋkpar anyi. Ŋkpal manɛ so, anyi maŋ nyi kusɔ nɛ k wora Mosis, nɛ e juŋkpar anyi n lar Ijipt be kasawule so na.”

Ɛksodɔs 32:21

Kumo be loŋ be kaman nɛ Mosis bishi Ɛɛrɔn: “Manɛ nɛ basa ere wora fo nɛ fo shin nɛ le be kulubi gboŋgboŋi ere ba bumo so?”

Aŋasa 4:16

Basa lubi bre baŋ maŋ wora kulubi, b maaŋ tiŋ n di. B maaŋ tiŋ n di nɛ b maŋ wora kulubi ŋ gbiti esa ko.

Ditɛronɔmi 31:27

N nyi kananɛ bumo be amu nɛ ŋgbene du kpakpa. Jemanɛ nɛ n wɔ bumo to gba, b lar Enyɛnpe Ebɔrɛ na kaman. Ma luwu be kaman bre baaŋ wora kumo nɛ k chɔ loŋ.

Ditɛronɔmi 9:24

Ma ere ka baa nyi menyi kikɛ, men baa la basa nɛ menyee lar Enyɛnpe Ebɔrɛ kaman nna.

Ditɛronɔmi 9:7

Men sa maŋ kaŋ teŋ kananɛ men daŋ shin nɛ Enyɛnpe menyi be Ebɔrɛ na nya agbo ashi keshishɛrsawule na so na. Yili kachɛ nɛ men lar Ijipt be efuli so m ba fo nfe, men baa la basa nɛ menyee lar Enyɛnpe Ebɔrɛ na kaman nna.

1 Samuɛl 15:15

Nɛ Sɔɔl kaŋɛ: “Ma benapo na e sɔ bumo ashi Amalɛkebi na kutɔ. B ta ana nɛ mbolpɔ duliduli na kikɛ nna nɛ b ya lara sarga n sa Eyɛnpe fo Ebɔrɛ na. Ama an mur amo nɛ a ka na bre kikɛ.”

1 Samuɛl 15:21

Ama ma benapo na daa maŋ mɔ bumo be mbolpɔ nɛ ana lela na bre. B ta bumo nna m ba Gilgaal nɛ b ba lara sarga n sa Enyɛnpe fo Ebɔrɛ na.”

1 Samuɛl 15:24

Ndoŋ nna nɛ Sɔɔl kaŋɛ Samuɛl le: “N shuli fanɛ n wora kulubi. Ŋ kini kenu n sa fo nɛ Enyɛnpe Ebɔrɛ kikɛ. Benapo na nɛ n daa ŋana nseŋ nu n sa bumo.