Ɛksodɔs 32:16 - EBƆRƐ BE KAWƆL

¹⁶ Ebɔrɛ gbagba e daŋ lɔŋɛ ajembu pantraŋ pantrambi na nseŋ sibɛ kasibɛ na n deŋi amo so.

Ɛksodɔs 32:16 ပူးပေါင်းရင်းမြစ်များ

Job be kawɔl 19:24

B daŋ chaŋ amo n deŋi kefalta so nna, a beeŋ baa dese mbaanaayɔ.

Ɛksodɔs 31:18

Ebɔrɛ ka malga Mosis kutɔ n loge ashi Sainai be kebee na so nɛ e ta ajembu pantraŋ pantrambi anyɔ nɛ mo ere Ebɔrɛ gbagba sibɛ mbe mbra n deŋi so na n sa Mosis.

Ɛksodɔs 32:15

Ade kikɛ be kaman nɛ Mosis ta ajembu pantraŋ pantrambi anyɔ nɛ Ebɔrɛ daŋ sibɛ mbra na n deŋi amo be kekama be mba anyɔ so na n shi kebee na so ŋ gbelge to m ba.

Ɛksodɔs 32:17

Ndoŋ nna nɛ Joshuwa nu basa ka bee cha awɔr nɛ e kaŋɛ Mosis: “N nu kena be awɔr ka bee cha keeyi to.”

Ɛksodɔs 34:1

Asheŋ nɛ a wora na be kaman nɛ Enyɛnpe Ebɔrɛ kaŋɛ Mosis: “Naŋ ku ajembu pantraŋ pantrambi anyɔ nɛ a baa du fanɛ sososo peya na nɛ n naŋ sibɛ mmalga koŋwule nɛ n daŋ sibɛ adra nɛ fo bure na so na n deŋi amo so.

Ɛksodɔs 34:4

Ndoŋ nna nɛ Mosis shɛl ajembu anyɔ na fanɛ sososo peya na gbagba chap. Kumo be ŋklade kachipurso nɛ e wule ŋ koso n ta amo n yɔ Sainai be kebee na so, kananɛ Enyɛnpe Ebɔrɛ baŋ kaŋɛ mo na gbagba chap.

2 Kɔrintebi 3:3

Menyi alɛ gba bee ŋini fanɛ men la kawɔl nna n shi Kristo kutɔ a la anyi be kushuŋ ere be tɔnɔ. Mannɛ kleembi nɛ b ta n sibɛ amo, bumo alɛ maŋ sibɛ amo n deŋi ajembu so, ama Ebɔrɛ nɛ e wɔ ŋkpa to be Kiyoyu nɛ b ta n sibɛ amo dimɛdi be ŋgbene so.

2 Kɔrintebi 3:7

B daŋ sibɛ mbra na n deŋi ajembu so nna. Saŋɛ nɛ anebi Mosis daŋ ta amo n sa Israɛlebi na nɛ Ebɔrɛ be kemaŋkura lar efuli hale n shin nɛ Mosis be anishiakpa daa kpa edɛ nɛ Israɛlebi daa maŋ tiŋ ŋ keni mo. Nɛ kumo be kekpa edɛ na malɛ ka daa beeŋ ba loge gba nde!

Ditɛronɔmi 10:1

“Ade be kaman nɛ Enyɛnpe Ebɔrɛ na naŋ kaŋɛ ma le: ‘Shɛl ajembu peŋgeleŋ peŋgelembi anyɔ nɛ a baa du fanɛ sososo peya na nseŋ lɔŋɛ ndibi be deka. Kumo be kaman nɛ fo dii m ba ma kutɔ kebee na so

Ditɛronɔmi 9:15

Ndoŋ nna nɛ ŋ keta ajembu peŋgeleŋ peŋgelembi anyɔ nɛ kɔnɔkoŋwule be ŋkre na deŋ so na ŋ gbelge kebeegboŋ na so. Loŋ be jemanɛ na nɛ edɛ be adondulombi bee lar kebeegboŋ na so.

Hibruwebi 8:10

Ma, Enyɛnpe na naŋ kaŋɛ: Amo be saŋɛ na be kaman le be kɔnɔ naseso ere nɛ meeŋ nase n sa Israɛlebi fanɛ: Meeŋ ta ma mbraana n wɔtɔ bumo be nfɛraana to nseŋ sibɛ amo n deŋi bumo be ŋgbeneana so. Meeŋ baa la bumo be Ebɔrɛ nɛ bumo alɛ e baa la ma basa.