Ɛksodɔs 32:12 - EBƆRƐ BE KAWƆL

¹² Nuso nɛ Ijiptebi na beeŋ kaŋɛ a yɔ fo kaplɛa so? B maaŋ kaŋɛ fanɛ fo lara bumo nna ashi Ijipt be kasawule so nna m ba abee to nɛ fo ba mur a? Amoso shin nɛ fo kagbene e dese nɛ fo chɛrga fo nfɛra nsaa maŋ shin nɛ le be tɔrɔ ere e ba fo basa so.

Ɛksodɔs 32:12 ပူးပေါင်းရင်းမြစ်များ

Jɛnesis 6:6

Nɛ kumo be loŋ besa Enyɛnpe Ebɔrɛ na ga nseŋ jija mbe kagbene ŋkpal e ka to dimɛdi kasawule ere so so.

1 Bewura 8:51

Fo basa gbagba e la bumo nɛ b daa ji awurfoŋ ga nɛ fo lara bumo ashi Ijipt be kasawule so na.

Ɛzra 10:14

Men shin nɛ anyi be bejuŋkparpo a shir Jerusalɛm ŋ keni demu na to n sa anyi. Kumo be kaman, nɛ an yili kachɛ nɛ bekama nɛ b kɔ befɔche a kil na nɛ bejuŋkparpo na nɛ demujipoana na kikɛ e shɛr Jerusalɛm to nfe. Loŋ e naŋ shin nɛ Ebɔrɛ be agbo e wushi nseŋ lar anyi so ŋkpal demu ere so.”

Nshɛ 106:45

E daŋ nyiŋi mbe kɔnɔkoŋwule be ŋkre na nna, nseŋ kpal kashagboŋ nɛ e kɔ n sa bumo na so n chɛrga mbe nfɛra a maŋ gberge bumo kusoe.

Nshɛ 74:18

Enyɛnpe Ebɔrɛ, baa nyiŋi kananɛ fo doŋana wora fo eyurto a mushe fo na, nɛ kananɛ bewulpo keni fo ketre jiga na.

Nshɛ 78:38

Ama Ebɔrɛ kraa wu mbe basa kuwɔr. E daŋ ta bumo be alubi m paŋ bumo nna, nsaa maŋ mur bumo. Ale damta nɛ e pɛ mbe kagbene, a maŋ shin nɛ mbe agbo koso bumo so alegaiso.

Nshɛ 85:3

Fo daŋ kaa kagbene nna, n nya agbo n wɔtɔ bumo.

Nshɛ 90:13

Enyɛnpe Ebɔrɛ, chɛ anyi to! Sa maŋ naŋ jo gbrɛbi kama! Wu fo nyɛrbi kuwɔr, n shu anyi so!

Ɛksodɔs 32:14

Ndoŋ nna nɛ Enyɛnpe Ebɔrɛ chɛrga mbe nfɛra nsaa maŋ naŋ bar tɔrɔ na bumo so.

Ɛksodɔs 33:13

To, nɛ ma shɛŋ bee par fo bre, ŋini ma fo ekpaana nɛ m pin fo nfɛra, nsaa shuŋ fo a wora fo aparsheŋ. Baa nyiŋi fanɛ fo gbagba e lara basa ere nɛ b la feya.”

Aizaaya 64:7

Esa kikɛ maŋ naa tre fo kabɔrɛkule to ŋko a fin fo kechɛto gba. Anyi be alubi so, fo ta fo kumu nna ŋ ŋana nseŋ kplaŋ anyi so.

Aizaaya 64:8

Ama fo, Enyɛnpe Ebɔrɛ na e la an tuto. Anyi ere du fanɛ ebɔ nna nɛ fo alɛ du fanɛ mba nɛ mpuliya be epɔrpo. Fo e to anyi,

Jɛremaya 28:16

Amoso kusɔ nɛ Enyɛnpe Ebɔrɛ na bee kaŋɛ e la fanɛ e beeŋ lara fo ashi durnya to. Pɔɛŋ nɛ kafɛ ere e fo ekar feeŋ wu, ŋkpal fo ka ku efɛ n sa basa ere nɛ b lar Enyɛnpe Ebɔrɛ na kaman nseŋ kini mo so.”

Ezikɛl 20:14

Ama n daa maŋ wora loŋ, ŋkpal ŋ ka daa maa sha fanɛ ma ketre e jija ashi efuliana nɛ b wu kananɛ n lara bumo ashi Ijipt be efuli so na be anishito so.

Ezikɛl 20:22

Ama n daa maŋ wora loŋ, ŋkpal ŋ ka daa maa sha fanɛ ma ketre e jija ashi efuliana nɛ b wu kananɛ n juŋkpar bumo n lar Ijipt be efuli so na be anishito so.

Ezikɛl 20:9

Ama n daa maŋ wora loŋ, ŋkpal ŋ ka daa maa sha fanɛ ma ketre e jija efuliana nɛ baaŋ wu kananɛ meeŋ lara ma kumu ŋ ŋini Israɛl be basa nseŋ juŋkpar bumo n lar Ijipt be efuli so na be anishito so.

Jowɛl 2:17

Men shin nɛ bɔrɛmatapoana nɛ baa shuŋ Enyɛnpe Ebɔrɛ na e shɛr bɔrɛlambu na to be bɔrɛsure na be kabuna to n shu ŋ kule Ebɔrɛ ŋ kaŋɛ le: ‘Enyɛnpe Ebɔrɛ, wu fo basa kuwɔr. Sa maŋ shin nɛ efuli pɔtɛana so ebi e wora anyi eyurto, nseŋ bishi anyi fanɛ, men be Ebɔrɛ na wɔ nnɛ naniere?’ ”

Eemɔs 7:3

Ndoŋ nna nɛ Enyɛnpe Ebɔrɛ chɛrga mbe nfɛra nseŋ kaŋɛ le: “M maaŋ shin nɛ kusɔ nɛ fo wu ere e wora kikɛ.”

Eemɔs 7:6

Nɛ Enyɛnpe Ebɔrɛ naŋ chɛrga mbe nfɛra ŋ kaŋɛ le: “Loŋ maaŋ wora kikɛ.”

Jona 3:9

Ashere Ebɔrɛ be nfɛra beeŋ chɛrga nɛ mbe agbo e wushi nɛ e wu anyi kuwɔr nsaa maŋ shin nɛ an mur.”

Zakareya 8:14

Ade be kaman nɛ Enyɛnpetale Ebɔrɛ na naŋ kaŋɛ: “Men nanaana ka daŋ shin nɛ n nya agbo na, n daŋ kre fanɛ meeŋ shin nɛ b ji jɛrbi nna nseŋ shin nɛ loŋ wora.

Nɔmbɛs 14:19

Amoso Enyɛnpe Ebɔrɛ, keni fo kashenteŋ be kasha nɛ fo kɔ na so nseŋ ta basa ere be alubi m paŋ bumo fanɛ kananɛ fo ta m paŋ bumo, yili saŋɛ nɛ b lar Ijipt be efuli so kikɛ m ba fo kabre na.”

Nɔmbɛs 16:21

“Men barga men be amu ashi basa na kutɔ saŋɛ na so, meeŋ mɔ bumo epul ere to.”

Ditɛronɔmi 13:17

Menyi alɛ e sa maŋ kaŋ ta kusɔ kama kade na to. Aloŋ e naaŋ shin nɛ Enyɛnpe Ebɔrɛ na be agbogboŋ e wushi nɛ e wu menyi kuwɔr. Kumo be kaman nɛ e shin nɛ men wora keshi n ti so fanɛ kananɛ e nase kumo be kɔnɔ n sa men nananyɛnana na.

Ditɛronɔmi 32:36

Enyɛnpe Ebɔrɛ na beeŋ kɔ n sɔ mbe basa, jemanɛ nɛ e beeŋ wu fanɛ bumo be eleŋ loge na. E beeŋ wu bumo nɛ baa shuŋ mo na kuwɔr, jemanɛ nɛ e beeŋ wu fanɛ b maaŋ tiŋ n wora shɛŋ n sa bumo be amu na.

Ditɛronɔmi 9:28

Nɛ fo mur bumo, Ijiptebi na beeŋ kaŋɛ fanɛ fo maŋ tiŋ n ta fo basa na n yɔ kasawule nɛ fo nase bumo kumo be kɔnɔ na so nna nseŋ ya mɔ bumo keshishɛrsawule so ŋkpal fo ka kishi bumo so.

Joshuwa 7:26

B daŋ bela ajembu gboŋgboŋi damta nna n deŋi Eekan so kululu. Nɛ Enyɛnpe Ebɔrɛ be agbo nyaŋnyaŋso na wushi. Amoso nɛ b kra tre kaboŋ na Akɔɔ be ketaŋɛ to hale kabre na.

Joshuwa 7:9

Keenanebi nɛ bekama nɛ b wɔ efuli ere so kikɛ beeŋ nu kesheŋ ere nseŋ kulti anyi n wɔtɔ m mɔ anyi kikɛ! Nɛ loŋ malɛ wora, nnɛ nɛ fo bunyaŋ naa wɔ?”

1 Samuɛl 12:22

Ebɔrɛ na e lara menyi fanɛ mo gbagba be basa. Ŋkpal mbe ketre ka shibi so, e maaŋ yige menyi kikɛ.