Ɛksodɔs 32:1 - EBƆRƐ BE KAWƆL

¹ Mosis ka daŋ chɛr kebee na so nsaa maŋ ba manaŋ na nɛ basa na ba shɛr ŋ kulti Ɛɛrɔn nseŋ kaŋɛ mo: “Koso n lɔŋɛ ebɔrɛ ko n sa anyi nɛ e baa juŋkpar anyi. Ŋkpal manɛ so, anyi maŋ nyi kusɔ nɛ k wora Mosis, nɛ e juŋkpar anyi n lar Ijipt be kasawule so na.”

Ɛksodɔs 32:1 ပူးပေါင်းရင်းမြစ်များ

Jɛnesis 19:14

Ndoŋ nna nɛ Lɔt yɔ benyɛn nɛ mbe bibichesobi na daa sha kekil na kutɔ n ya kaŋɛ bumo le: “Men wora manaŋ n lar nfe, ŋkpal manɛ so, Enyɛnpe na bee sha kemur kade ere nna na.” Ama b daŋ fɛ fanɛ e bee pɛl nna.

Jɛnesis 21:26

Ndoŋ nna nɛ Abimelɛk kaŋɛ Eebraham le: “Ma ere maŋ nyi esa nɛ e wora loŋ. Naniere nɛ m baa nu kumo be asheŋ na, ŋkpal manɛ so, fo maŋ wule ŋ kaŋɛ ma.”

Jɛnesis 39:8

Nɛ Josɛf kini nseŋ kaŋɛ kache na: “Ŋ ka bee ji kejuŋkpar laŋ ere to ere, n nyɛnpe maŋ naa fɔŋ shɛŋ so, kusɔ kama nɛ e kɔ e ta kumo nna m bɔɔ ma enɔ.

Jɛnesis 44:15

Nɛ Josɛf bishi bumo: “Manɛ be kushuŋ lubi nɛ men shuŋ loŋ? Men maŋ nyi fanɛ esa kama nɛ e du fanɛ ma le beeŋ tiŋ m bishi so m pin asheŋ to a?”

Jɛnesis 44:4

B ka lar kade na to b daa maŋ naŋ fo kufɔ nɛ Josɛf kaŋɛ mbe kayɛrbi nimuso le: “Ju m bɛ basa na so epul ere to. Nɛ fo ya tu bumo fo bishi bumo le: ‘Manɛ e ba nɛ menyee ta kulubi a ka kelela be kukɔ?

Nshɛ 106:19

B ka ya fo kebee nɛ baa tre Sainai na ase, b daŋ ta shuwa nna n lɔŋɛ gbolu fɔlbi nna a bunyaŋ kumo.

Ɛksodɔs 13:21

Karechɛ kikɛ Enyɛnpe Ebɔrɛ daa shin nɛ kuwɔlpa bee juŋkpar mbe basa kapaso nna nsaa shin nɛ edɛ be kabulpi malɛ bee juŋkpar bumo kanyɛso.

Ɛksodɔs 14:11

Kumo be kaman nɛ b kilgi m bishi Mosis le: “Nchaŋana ka maŋ wɔ Ijipt to bre so nɛ fo keta anyi m ba keshishɛrsawule ere so fanɛ an baa wu ere a? Manɛ so nɛ fo wora anyi loŋ n lara anyi ashi Ijipt to ere?

Ɛksodɔs 16:3

a kaŋɛ le: “Enyɛnpe Ebɔrɛ daŋ shin nɛ an wu ashi ljipt be kasawule so gba, k daa bɔ, ŋkpal manɛ so, an ka daa wɔ ndoŋ, an daa nya eblaŋ nɛ ajibi kanaŋkamaso nɛ anyee sha a ji. Ama kumo nɛ men bar anyi keshishɛrsawule ere so m ba ka shin nɛ men ta akoŋ m mɔ anyi kikɛ na.”

Ɛksodɔs 20:23

Men sa maŋ kaŋ ta shuwa ŋko gbiti n lɔŋɛ agbir kikɛ a shuŋ amo n ti ma so.

Ɛksodɔs 24:12

Nɛ Ebɔrɛ kaŋɛ Mosis: “Dii m ba kaa jo ma kebee ere be esoso nɛ n sa fo ajembu pantraŋ pantrambi nɛ n sibɛ mbra nɛ ma mmalga n deŋi so nɛ a baa ŋini Israɛlebi kananɛ baaŋ ba wora asheŋ.”

Ɛksodɔs 24:18

Ndoŋ nna nɛ Mosis luri kuwɔlpa na to n yɔ kebee na be esoso n ya ji kebee na so nchɛ adena nɛ nnyɛ adena.

Ɛksodɔs 32:11

Ama Mosis daŋ kule mo Nyɛnpe nɛ mbe Ebɔrɛ na nna ga, nseŋ kaŋɛ: N Nyɛnpe, manɛ e ba nɛ fo shin nɛ fo kagbene kaa ŋkpal fo basa mo nɛ fo ta fo eleŋgboŋ nɛ fo enɔ lempo na n lara ashi Ijipt be kasawule so so?

Ɛksodɔs 32:22

Nɛ Ɛɛrɔn kaŋɛ mo le: “Sa maŋ kaŋ shin nɛ fo agbo e koso. Fo nyi kananɛ basa ere be nfɛra baa yuu kulubi so.

Ɛksodɔs 32:23

Amoso kusɔ nɛ b daŋ kaŋɛ ma nde: ‘Lɔŋɛ ebɔrɛ ko n sa anyi nɛ e baa juŋkpar anyi, ŋkpal manɛ so anyi maŋ naa nyi kusɔ nɛ k wora Mosis nɛ e juŋkpar anyi n lar Ijipt be kasawule so na.’

Ɛksodɔs 32:7

Ndoŋ nna nɛ Enyɛnpe Ebɔrɛ kaŋɛ Mosis: “Gbelge to manaŋ n yɔ, ŋkpal manɛ so, fo basa nɛ fo keta n lar Ijipt be kasawule so na wora kulubi m pal kaman n sa ma.

Ɛksodɔs 33:3

Ama ma ere gbagba bre maaŋ naŋ tu menyi n yɔ, nɛ mannɛ aloŋ meeŋ mur menyi ekpa to n loge, ŋkpal men be amukpakpaso so.”

Ezikɛl 20:8

Ama b pal kaman n sa ma nseŋ kini kenu n sa ma. B daŋ maŋ lara asɔ nɛ b ta ŋ ki agbirana ashuŋ nseŋ ta bumo be anishi n yuu amo so na ashi bumo to. Bumo alɛ daa maŋ naŋ kini Ijipt be efuli so be agbirana na gba. Amoso nɛ n daŋ kaŋɛ fanɛ meeŋ shin nɛ ma agbo a ba bumo so nɛ ŋ gberge bumo kusoe ashi Ijipt ndoŋ na.

Hoziya 12:13

Enyɛnpe Ebɔrɛ e shuŋi anebi Mosis fanɛ e ya mɔlga Israɛl be basa kenyaya to ashi Ijipt be kasawule so nseŋ keni bumo so nɛnɛ.

Maika 6:4

Ma e lara menyi nseŋ mɔlga menyi ashi kenyaya to ashi Ijipt be efuli so. Mosis nɛ Ɛɛrɔn nɛ Miriam nɛ n daŋ shuŋi fanɛ b ya juŋkpar menyi n lar ndoŋ.

Nɔmbɛs 14:22

basa ere b ekama maaŋ yɔ kasawule nɛ n nase kɔnɔ n sa bumo na so. Ŋkpal manɛ so b wu ma kemaŋkura nɛ emamachisheŋ nɛ n wora ashi Ijipt be kasawule so nɛ keshishɛrsawule na so, ama b kini kenu n sa ma nseŋ wora ma ŋ keni alɛ damta.

Matiu 24:43

Men baa nyi fanɛ laŋwura kama baa nyi kanyɛso be saŋɛ nɛ eyu beeŋ ba mbe laŋ to, e maaŋ di n shin nɛ eyu na e ba tintiŋ n luri mbe kowu to m ba yuri.

Matiu 24:48

Ama nɛ fanɛ kenya dalubiwura na kaŋɛ mbe kumu le: ‘N nyɛnpe beeŋ chɛr ga pɔɛŋ nseŋ bɛta m ba,’

Ashuŋ Shunso 17:29

Ŋkpal anyi alɛ ka la mbe mbia so, an sa maa fɛ fanɛ Ebɔrɛ du fanɛ shuwa be kusɔ pɔrso ŋko gbiti be kusɔ pɔrso ŋko kejembu be kusɔ pɔrso ko nɛ nyiŋgbasa ta mo gbagba be kenyi be nfɛra n wora nna.

Ashuŋ Shunso 19:26

Menyi alɛ gba bee wu nseŋ naa nu kusɔ nɛ kanyɛn nɛ baa tre Pɔɔl na wɔtɔ a wora. E wɔtɔ nna a kaŋɛ basa fanɛ agbirana nɛ baa lɔŋɛ na maŋ la ebɔrɛana kikɛ. Mo alɛ tiŋ n shin nɛ basa damta ashi Ɛfeses nfe nɛ Eeshia be kasawule ere so be basa damta shuli fanɛ mbe kamalga na la kashenteŋ nna.

Ashuŋ Shunso 7:40

Ŋkpal loŋ so ŋ kaŋɛ Ɛɛrɔn: ‘Lɔŋɛ agbir ko n sa anyi nɛ a baa juŋkpar anyi, ŋkpal manɛ so, anyi maŋ naa nyi kusɔ nɛ k wora Mosis nɛ e bar anyi ashi Ijipt na.’

Ditɛronɔmi 31:8

Enyɛnpe Ebɔrɛ na gbagba beeŋ baa wɔ fo kutɔ a juŋkpar fo. Mo alɛ maaŋ lar fo kaman ŋko ŋ kplaŋ fo so kikɛ; amoso sa maa pɔ aba ŋko a lɔ kufu.”

Ditɛronɔmi 9:1

Israɛlebi, men nu nfe! Menyee sha kedii lɔrgboŋ nɛ baa tre Jɔɔdan na nna n ya kɔ n sɔ efuliana nɛ amo be basa kɔ eleŋ a chɔ menyi be kasawule n chena so na. Bumo be ndegboŋ kɔ egbalana nɛ amo be jeŋgreŋ du fanɛ a kaa bee chute awɔlpa nna.

Ditɛronɔmi 9:9

Ma e daŋ dii n yɔ kebeegboŋ na be awɔlto n ya sɔ ajembu peŋgeleŋ peŋgelembi nɛ menyi nɛ Enyɛnpe Ebɔrɛ na be kɔnɔkoŋwule be ŋkre nɛ baa tre amo Mbra Kudu na deŋ so na. Nchɛ adena nɛ nnyɛ adena nɛ n wɔ ndoŋ a maa ji ŋko a nuu.

Joshuwa 7:13

Kaŋɛ fo basa na fanɛ b lara alubi ashi bumo be ŋgbene to ŋ ki cheembi, saŋɛ na so, ma nɛ bumo beeŋ tiŋ n shɛr echefo, ŋkpal manɛ so, ma, Enyɛnpe Israɛl be Ebɔrɛ na kɔ le nɛ ŋ kaŋɛ: ‘Menyi Israɛlebi ka kɔ asɔ nɛ a maŋ daga men ka ta ŋ ki menyi peya so na so nɛ men doŋana pɔɔ menyi so na. Men maaŋ tiŋ n tu men doŋana ŋ kɔ, ama men baŋ lara amo efuli nna m mur amo!’

2 Pita 3:4

Baaŋ kaŋɛ le: “Mannɛ mo e nase kumo fanɛ e beeŋ naŋ ba na a? To, nɛ e wɔ nnɛ? An tutoana ka baŋ wu kikɛ, asheŋ baa du kananɛ a du yili durnya be faraŋko na kikɛ nna.”