Ɛksodɔs 31:18 - EBƆRƐ BE KAWƆL

¹⁸ Ebɔrɛ ka malga Mosis kutɔ n loge ashi Sainai be kebee na so nɛ e ta ajembu pantraŋ pantrambi anyɔ nɛ mo ere Ebɔrɛ gbagba sibɛ mbe mbra n deŋi so na n sa Mosis.

Ɛksodɔs 31:18 ပူးပေါင်းရင်းမြစ်များ

2 Bewura 11:12

Kede be kaman nɛ Jehowada keta Jɔash n lar kowu nseŋ ta kuwurwuro m buu mo nseŋ n ta bewura be mbra be kawɔl n sa mo nseŋ chulgi ŋku n wurge mbe kumu so n ta mo ŋ ki ewura. Ndoŋ nna nɛ ekama na kpla enɔ nseŋ cha awɔr ŋ kaŋɛ le: “Ebɔrɛ e teŋi ewura na be ŋkpa so.”

Ɛksodɔs 24:12

Nɛ Ebɔrɛ kaŋɛ Mosis: “Dii m ba kaa jo ma kebee ere be esoso nɛ n sa fo ajembu pantraŋ pantrambi nɛ n sibɛ mbra nɛ ma mmalga n deŋi so nɛ a baa ŋini Israɛlebi kananɛ baaŋ ba wora asheŋ.”

Ɛksodɔs 24:18

Ndoŋ nna nɛ Mosis luri kuwɔlpa na to n yɔ kebee na be esoso n ya ji kebee na so nchɛ adena nɛ nnyɛ adena.

Ɛksodɔs 8:19

Ndoŋ nna nɛ ŋkilgiwuraana kaŋɛ Fɛɛro le: “Ebɔrɛ ko be eleŋ be aworbi nde.” Ama Fɛɛro daŋ kraŋ wora kagbene kpakpaso nna ŋ kini kewora kasonu fanɛ kananɛ Enyɛnpe Ebɔrɛ kaŋɛ na.

Jɛremaya 31:33

Kɔnɔkoŋwule be ŋkre popɔr nɛ ma nɛ Israɛl be basa beeŋ wora na e la fanɛ, meeŋ ta ma mbra n wɔtɔ bumo be nfɛra to nseŋ sibɛ kumo n wɔtɔ bumo be ŋgbene to. Meeŋ baa la bumo be Ebɔrɛ nɛ bumo alɛ e baa la ma basa.

Matiu 12:28

Kashenteŋto, Ebɔrɛ be Kiyoyu na e naa sa ma eleŋ nɛ ŋ kɔ a ju mbuibi lubi basa to, nɛ loŋ malɛ bee ŋini fanɛ Ebɔrɛ be kuwura na teŋ ba menyi to.

Luuk 11:20

Kashenteŋto, Ebɔrɛ e naa sa ma eleŋ nɛ ŋ kɔ a ju mbuibi lubiana na ashi basa to nɛ loŋ malɛ bee ŋini fanɛ Ebɔrɛ be kuwura na teŋ ba menyi to.

2 Kɔrintebi 3:3

Menyi alɛ gba bee ŋini fanɛ men la kawɔl nna n shi Kristo kutɔ a la anyi be kushuŋ ere be tɔnɔ. Mannɛ kleembi nɛ b ta n sibɛ amo, bumo alɛ maŋ sibɛ amo n deŋi ajembu so, ama Ebɔrɛ nɛ e wɔ ŋkpa to be Kiyoyu nɛ b ta n sibɛ amo dimɛdi be ŋgbene so.

Ditɛronɔmi 10:4

Nɛ Enyɛnpe Ebɔrɛ na sibɛ Mbra Kudu na n deŋi amo so fanɛ kananɛ e daŋ wora sososo na. Mbra kudu nɛ e daŋ bɔla edɛ to m malga jemanɛ nɛ an daŋ shɛr kebeegboŋ na ase na e daa la. Enyɛnpe Ebɔrɛ na ka bɛta amo n sa ma

Ditɛronɔmi 4:13

E daŋ kaŋɛ menyi kusɔ nɛ k daga fanɛ men wora, nɛ menyi nɛ mo be kɔnɔkoŋwule be ŋkre na e yili. Kumo e la fanɛ, a daga fanɛ men baa wora mbra kudu nɛ Enyɛnpe Ebɔrɛ na sibɛ n deŋi ajembu peŋgeleŋ peŋgelembi anyɔ so na kasonu.

Ditɛronɔmi 5:22

Mbraana nɛ Enyɛnpe Ebɔrɛ na daŋ ta n sa Israɛl be basa kikɛ jemanɛ nɛ men daa wɔ kebee na ase na nna na. Jemanɛ nɛ e daŋ bɔla awɔlpa lembir gbitigbiti nɛ edɛ daa lar amo to na to m malga awɔrso na, mbraana ere nɛ e daŋ ta n sa na nɛ mannɛ apɔtɛ ko. Kumo be kaman nɛ e sibɛ amo n deŋi ajembu peŋgeleŋ peŋgelembi anyɔ so nseŋ ta amo n sa ma.

Hibruwebi 9:4

Ndoŋ nɛ shuwa be bɔrɛsure nɛ baa chɔɔ duwu kumo so na wɔ. Ndoŋ koŋwule na nɛ kɔnɔkoŋwule be ŋkre be deka nɛ duwu mata m mata kumo kikɛ so na daa wɔ nɛ shuwa be kapuya nɛ k kɔ manna na. Ɛɛrɔn be kekpabi nɛ k bee purge afantaŋ na nɛ ajembu anyɔ nɛ b sibɛ mbraana na n deŋi so na malɛ kikɛ daa wɔ deka na to nna.