Ɛksodɔs 31:12 - EBƆRƐ BE KAWƆL

¹² Ade kikɛ be kaman nɛ Enyɛnpe Ebɔrɛ naŋ kaŋɛ Mosis le:

Ɛksodɔs 31:12 ပူးပေါင်းရင်းမြစ်များ

Nehemaya 13:15

Ma alɛ daŋ naŋ dara m pin kusɔ nɛ Juda be basa na bee wora Kewushiachɛ na. Mannɛ kebaachichi asɔrso nɛ baa tre greep na so a wora yabra nawule nɛ b daa wora ama b daa teŋi ayu, nsaa chuge egreep nɛ figi be asɔrso nɛ adɔjibi pɔtɛana kikɛ n ti so nna Kewushiachɛ na. Bumo alɛ daa naa ta ekurma a sulɔ amo nna a yɔ Jerusalɛm n ya ka fa. Amoso n daŋ kpele bumo kusoe nna fanɛ b sa maŋ naa fa ajibi Kewushiachɛ.

Nehemaya 13:18

Ebɔrɛ daa maŋ gberge anyi nɛ Jerusalɛm be kadegboŋ be basa ere kusoe nna ŋkpal an nanaana ka daŋ wora asheŋ nɛ anyee wora ere so a? To menyee sha keŋaba Kewushiachɛ na nɛ Ebɔrɛ be agbo e koso, ŋko?”

Ɛksodɔs 20:8

Men baa ta kewushiachɛ na fanɛ ma, Enyɛnpe Ebɔrɛ be kachɛ nɛ k du cheembi.

Ɛksodɔs 31:11

nɛ ŋku nɛfaso cheembi nɛ duwu nɛ amo be efɛa wɔ ebel nɛ baa chɔ wajɛbu cheembi na to na. A daga fanɛ b wora asɔ kama nyam kananɛ ŋ kaŋɛ fo fanɛ b wora na.”

Ɛksodɔs 31:13

“Kaŋɛ Israɛlebi fanɛ b baa bɛ ma kewushiachɛ be daŋkare so nsaa ta kumo fanɛ kachɛ cheembi, ŋkpal manɛ so, kewushiachɛ na la ma nɛ menyi nɛ menyi be kaman to ebi kikɛ be kanyiŋi be kachɛ nna a ŋini fanɛ ma, Enyɛnpe Ebɔrɛ na e lara menyi fanɛ ma basa.

Baru lela nɛ Jɔn kute na 5:10

Amo be kamɔnchɛ malɛ daa la kewushiachɛ nna, amoso, Juwebi be benimu na ka wu kanyɛn na nɛ b kaŋɛ mo le: “Kabre la kewushiachɛ nna. Anyi be mbra na malɛ maa sa ekpa fanɛ fo di fo kelaŋ a na.”