Ɛksodɔs 30:7 - EBƆRƐ BE KAWƆL

⁷ Ɛɛrɔn baŋ ba nɛ e ba lɔŋɛ efitila na so, kachipurso kikɛ a daga fanɛ e chɔɔ duwu nɛ amo be efɛa wɔ ebel na bɔrɛsure na so.

Ɛksodɔs 30:7 ပူးပေါင်းရင်းမြစ်များ

1 Kronikɛls 23:13

Amram nɛ e daa la mo pibinyɛn nimuso na be mbia e daa la Ɛɛrɔn nɛ Mosis. Ɛɛrɔn nɛ mbe kaman to ebi nɛ b daŋ lara n yili fanɛ b baa keni asɔ cheembi na so mbaanaayɔ. Bumo alɛ e naaŋ baa chɔɔ duwu saŋɛ so nɛ baa bunyaŋ Enyɛnpe Ebɔrɛ na, nsaa shuŋ mo a kule mo fanɛ e baa nɛfa mbe basa.

1 Kronikɛls 6:34

nɛ Samuɛl malɛ mo tuto daa la Ɛlkana nɛ Ɛlkana mo tuto daa la Jeroham nɛ Jeroham mo tuto daa la Eliɛl nɛ Eliɛl mo tuto daa la Toa,

2 Kronikɛls 2:3

Ewura Sɔlɔmɔn daŋ ta le be kubɔya ere nna n ya sa Tayɛ be Ewura Hiram: “Shin nɛ ma nɛ fo e baa ji yawu fanɛ kananɛ fo nɛ n tuto ewura Deevid daa ji yawu na, nɛ fo baa fa ndibi nɛ baa tre sida na a sa ma fanɛ kananɛ fo daŋ fa amo n sa mo nɛ e pɔr mbe ewura be laŋ na.

2 Kronikɛls 2:4

Mee pɔr lambu nna nɛ m maŋkura Enyɛnpe Ebɔrɛ. K beeŋ baa la kakpa cheembi nɛ ma nɛ ma basa beeŋ baa bunyaŋ Ebɔrɛ nsaa chɔɔ duwu nɛ a kɔ efɛa belbelso nsaa lara bodobodo cheembi be sarga a sa mo saŋkikɛ. Ndoŋ malɛ gba nɛ anyeeŋ baa lara sarga chɔɔso kachipurso nɛ kaaseso kikɛ nɛ kewushiachɛ kikɛ nɛ kufɔl popɔr to be kachɛ juŋkparso kikɛ nɛ ewushi be nchɛ a maŋkura an Enyɛnpe nɛ an be Ebɔrɛ na. Mo e kaŋɛ Israɛlebi kenishipereso fanɛ b baa wora loŋ mbaanaayɔ.

2 Kronikɛls 26:18

nɛ b ya kuŋ mo akpa. B yɛ: “Uziya, fo maŋ kɔ ekpa nɛ fo chɔɔ duwu n sa Enyɛnpe Ebɔrɛ. Bɔrɛmatapoana nɛ b shi Ɛɛrɔn be kanaŋ to na nawule e kɔ ekpa nɛ b tiŋ n wora loŋ. Lar kakpa cheembi ere ŋkpal manɛ so fo wora kulubi ŋ gbiti Ebɔrɛ nɛ mbe nɛfa maŋ naa wɔ fo so.”

2 Kronikɛls 29:7

B daŋ ti bɔrɛlambu na be akuloŋana so nna nseŋ duŋ kumo to be efitila nseŋ yige eduwu gba be kebaachɔɔ nɛ kebaalara sarga chɔɔso a sa Israɛl be Ebɔrɛ na.

Nshɛ 141:2

Nu ma kekule fanɛ duwu be efɛa belbelso, nseŋ wu ma enɔana nɛ m maŋ so ere fanɛ kaaseso be sarga nɛ mee lara a sa fo.

Ɛksodɔs 30:34

Nɛ Enyɛnpe Ebɔrɛ naŋ kaŋɛ Mosis le: “Men ta duwu be asɔ nɛ amo be efɛa wɔ ebel nɛ amo kikɛ be keshi e baa sasa. Amo a la, stakte nɛ onika nɛ galbanum nɛ fraŋkinsensi nɛ a maŋ kɔ eyurpi amo to na.

Ɛksodɔs 30:6

Kede be kaman nɛ men ta bɔrɛsure na n yili kakpa nɛ ma nɛ fo beeŋ baa shɛr na be patisa nɛ k kuŋ kɔnɔkoŋwule be ŋkre be deka na nɛ kumo be buuso nɛ baa tre kuwɔr be kakpa na be anishito na.

Ɛksodɔs 30:8

Nɛ Ɛɛrɔn naŋ ba kaaseso malɛ nɛ e ba chɔɔ efitila na so, a daga fanɛ e naaŋ wora loŋ koŋwule na. Menyi nɛ men be kaman to ebi kikɛ beeŋ baa lara duwu be sarga ere a sa Enyɛnpe Ebɔrɛ kachɛ kama hale mbaanaayɔ.

Ɛksodɔs 40:27

nseŋ chɔɔ efɛa belbelso be duwu kumo so fanɛ kananɛ Enyɛnpe Ebɔrɛ kaŋɛ mo na.

Levitikɔs 6:5

ŋko kusɔ nɛ e ku efɛ m bɔ ntaŋ fanɛ e maŋ wu na n ya sa kusɔwura nseŋ ka kumo be ntuŋ nuso to be katuŋ koŋwule n ti so.

Nɔmbɛs 16:40

nɛ k baa la kanyiŋi n sa Israɛlebi na fanɛ esa kama nɛ e maŋ shi Ɛɛrɔn be kanaŋ to, maŋ daga e ka chɔɔ duwu n lara sarga bɔrɛsure na so n sa Enyɛnpe Ebɔrɛ na. Esa kama nɛ e wora loŋ beeŋ wu fanɛ kananɛ Koora nɛ mbe basa wu na.

Luuk 1:9

Bɔrɛmatapoana be daŋkare so nɛ b daŋ bɛ so n to beri nɛ k lara mo fanɛ e luri Enyɛnpe be bɔrɛlambu na to n ya lara sarga. Duwu mo nɛ amo be efɛa bee wora Ebɔrɛ ebel nɛ e chɔɔ bɔrɛsure na so n lara sarga. Ndoŋ nna nɛ e luri bɔrɛlambu na to.

Ashuŋ Shunso 6:4

nɛ anyi alɛ e baa wɔ kabɔrɛkule kpakpaso to nseŋ naa bɔ kubɔya na.”

Ditɛronɔmi 33:10

Bumo e naaŋ ŋini fo basa fo mbra nɛ b bɛ amo so. Bumo alɛ e naaŋ baa lara esarga fo bɔrɛsure so.

1 Samuɛl 2:28

Mo nɛ n lara Israɛl be eyiri na kikɛ to, fanɛ e baa la bɔrɛmatapo nsaa chɔɔ duwu ashi bɔrɛsure na so a sa ma nsaa buu kabɔrɛmata be piŋi nɛ baa tre ɛfɔd na saŋkama nɛ e bee ba ma anishito, nseŋ sa mbe kaman to ebi ekpa fanɛ b baa ta sarga nɛ baa chɔɔ bɔrɛsure na so na be ako.

1 Samuɛl 3:3

nɛ Samuɛl malɛ dese Ebɔrɛ be lambu to be kakpa nɛ Ebɔrɛ be ŋkre be deka na wɔ na. Saŋɛ so nɛ Ebɔrɛ be lambu to be fitila na maŋ naŋ duŋ na