Ɛksodɔs 30:31 - EBƆRƐ BE KAWƆL

³¹ Nɛ fo, Mosis e kaŋɛ Israɛlebi na le: ‘Ŋku ere e naaŋ baa la ma ŋku nɛfaso cheembi n sa menyi nɛ menyi be kaman to ebi kikɛ.

Ɛksodɔs 30:31 ပူးပေါင်းရင်းမြစ်များ

Nshɛ 89:20

Ma e lara ma kayɛrbi Deevid nseŋ duga ma ŋku cheembi n do mbe kumu so n ta mo ŋ ki ewura.

Ɛksodɔs 29:21

Kede malɛ be kaman nɛ men nyia bɔrɛsure na so be ŋklaŋ na be ako n wea ŋku nɛfaso na be ako to ŋ ŋmenyaŋ Ɛɛrɔn nɛ bibinyɛn na nɛ bumo be asɔbuusoana kikɛ so. Saŋɛ na so Ɛɛrɔn nɛ mbe bibinyɛnana na beeŋ ki ma, Ebɔrɛ be basa laraso nɛ bumo be asɔbuuso e ki asɔ cheembi ashi ma anishito.

Ɛksodɔs 30:30

Ade kikɛ be kaman nɛ men ta ŋku na n do n do Ɛɛrɔn nɛ mbe bibinyɛn na gba so n ta bumo m bɔɔ ma enɔ nɛ b ki bɔrɛmatapoana a shuŋ ma.

Ɛksodɔs 30:32

Men sa maŋ kaŋ ta amo m gbiti esa pɔtɛ be eyur, menyi alɛ be ekama e sa maŋ kaŋ wora amo be kaduli kikɛ, ŋkpal manɛ so, a la ŋku cheembi nna, amoso men baa ta amo fanɛ asɔ cheembi.

Ɛksodɔs 37:29

Ade be kaman nɛ basa nɛ b nyi tulale be kewora wora ŋku nɛfaso nɛ efɛa belbelso be duwu.

Levitikɔs 21:10

Ŋkpal b ka chulgi ŋku nɛfaso cheembi na n wurge mbe kumu so nɛ e ki Bɔrɛmatapo Nimuso nɛ e beeŋ baa ta kabɔrɛmata be epiŋi a buu na so, a maŋ daga e yige mbe emin nɛ e maa mɔ amo to. A maŋ daga fanɛ e kpɛa mbe asɔbuuso to a ŋini fanɛ e bee shu keeli nna.

Levitikɔs 8:12

Ade be kaman nɛ e wora ŋku nɛfaso na be ako n do Ɛɛrɔn be kumu so nɛ mo e ki Ebɔrɛ be esa laraso.