Ɛksodɔs 30:23 - EBƆRƐ BE KAWƆL

^23-25 “Men ta efɛa belbelso be asɔ n wora ŋku nɛfaso cheembi. Men karga asɔ na fanɛ kananɛ baa karga asɔ ashi Ebɔrɛ be wajɛbu na to na. Men ta asɔ nɛ baa tre mir na fanɛ kilo ashe nɛ asɔ nɛ baa tre sinamɔn na kilo asa nɛ asɔ nɛ baa tre keen na kilo asa nɛ amo nɛ baa tre kashia na kilo ashe, n wea ɔlif be ŋku lita ana to n wora amo fanɛ kananɛ esa nɛ e nyi tulale be kewora bee wora na, nɛ a ki ŋku nɛfaso cheembi nɛ amo be efɛa wɔ ebel.

Ɛksodɔs 30:23 ပူးပေါင်းရင်းမြစ်များ

1 Bewura 1:39

Ndoŋ nɛ bɔrɛmatapo Zadɔk nɛ anebi Neetan chulgi ɔlif be ŋku nɛ b ta ashi Enyɛnpe be wajɛbu na to na n wurge Sɔlɔmɔn be kumu so n buu mo kuwura nseŋ foŋ kabel nɛ basa na cha awɔrso ŋ kaŋɛ: “Ebɔrɛ e sa ewura Sɔlɔmɔn ŋkpa tenteŋ!”

1 Kronikɛls 9:29

Bumo be beko malɛ e naa keni bɔrɛlambu na be asɔ cheembi nɛ b kɔ a shuŋ kumo to na, nɛ kumo to be nyifu nɛ nsa nɛ ɔlif be ŋku nɛ duwu nɛ asɔ nɛ a bee shin nɛ ajibi bee wora ebel na kikɛ so.

1 Kronikɛls 9:30

Bɔrɛmatapoana na nawule e kɔ ekpa nɛ b ta asɔ nɛ a bee shin nɛ ajibi bee wora ebel na n wea abar to.

Nshɛ 45:8

Etulale lela dufɛso nɛ baa tre mir nɛ alowe na be efɛa a wɔ fo asɔbuuso so, nɛ baa laŋ ejaŋjilaŋ nɛ alaŋsɔ a deŋi fo anishito ashi fo lambu nɛ b ta ejebotenyi n ji kumo kebita na to.

Ɛksodɔs 25:6

nɛ ɔlif be ŋku nɛ baaŋ baa ta a wɔtɔ efitila to nɛ efɛa belbelso be asɔ nɛ b kɔ a wɔtɔ ŋku nɛfaso to nɛ asɔ nɛ baa ta a wora duwu nɛ amo be efɛa wɔ ebel na

Ɛksodɔs 30:22

Nɛ Enyɛnpe Ebɔrɛ naŋ kaŋɛ Mosis le:

Ɛksodɔs 31:11

nɛ ŋku nɛfaso cheembi nɛ duwu nɛ amo be efɛa wɔ ebel nɛ baa chɔ wajɛbu cheembi na to na. A daga fanɛ b wora asɔ kama nyam kananɛ ŋ kaŋɛ fo fanɛ b wora na.”

Ɛksodɔs 35:28

B daŋ bar efɛa belbelso be asɔ warabi nɛ b ta n wea ɔlif be ŋku to a wɔtɔ efitila na nɛ ŋku nɛfaso na to.

Ɛksodɔs 37:29

Ade be kaman nɛ basa nɛ b nyi tulale be kewora wora ŋku nɛfaso nɛ efɛa belbelso be duwu.

Aŋasa 7:17

Nseŋ ta etulale nɛ baa tre mir nɛ alowe nɛ Sinamɔn na ŋ ŋmenyaŋ kumo kikɛ so.

Sɔlɔmɔn 1:13

N jipo, fo du fanɛ tulale nna ashi ma anyipo be nfɛato.

Sɔlɔmɔn 1:3

nɛ fo efɛa wɔ ebel ga. Fo ketre du viim nna fanɛ b ka chulgi tulale n wurge nna. Nɛ besuŋgurbi bee wu fo so.

Sɔlɔmɔn 4:14

nɛ amo nɛ baa tre safrɔn nɛ kalamus nɛ sinamɔn na, nɛ ndibi nɛ baa ta a wora duwu be yiri yiri fanɛ mir nɛ alowe nɛ asɔ nɛ a kɔ efɛa belbelso be yiri kikɛ na.

Aizaaya 43:24

Menyi maŋ tɔ efɛa belbelso be eduwu n sa ma ŋko n sa ma menyi be asɔbɔya be nfɔ gba. Ama menyi be alubi nɛ men bela n deŋi ma so; nseŋ shin nɛ menyi be aworandeso lar ma ebɔl.

Jɛremaya 6:20

Ma shɛŋ maŋ wɔ eduwu nɛ baa ta a shi Shɛba be efuli so, ŋko asɔ nɛ e bee shin nɛ ajibi bee wora ebel nɛ baa ta a shi efuli wɔfɔ a bar ma na to. Bumo be esarga nɛ baa lara a sa ma na maa par ma, amoso m maaŋ sɔ amo.

Ezikɛl 27:19

Nɛ Griik be basa nɛ b shi Uzal be efuli so na malɛ gba ta asɔ nɛ b ta abɛlso n wora nɛ eposɔ m ba tɔ fo asɔ faso.

Ezikɛl 27:22

Nɛ Shiba nɛ Raama be eyawujipo gba ta yawu kpakpaso be ajembu nɛ baa ta a wora abitasɔ nɛ shuwa nɛ asɔ dufɛso lela ga m ba tu fo n ji yawu.

Nɔmbɛs 4:16

Bɔrɛmatapo nimuso Ɛɛrɔn pibinyɛn, Eliaza e daga fanɛ e baa keni ŋku nɛ baa ta a wɔtɔ efitila na to nɛ eduwu nɛ esargajibi nɛ ŋku nɛfaso nɛ kusɔ kama nɛ k wɔ wajɛbu na to nsaa la Enyɛnpe Ebɔrɛ na peya na so.

1 Samuɛl 10:1

Ndoŋ nna nɛ Samuɛl ta ɔlif be ŋku kɔlbabi to n chulgi n wurge Sɔɔl be kumu so nseŋ chɔrɔ mo fanɛ kananɛ baa chɔrɔ ewura na ŋ kaŋɛ le: “Enyɛnpe Ebɔrɛ na e lara fo fanɛ mbe basa Israɛlebi be ejuŋkparpo. Feeŋ baa juŋkpar mbe basa a kuŋ bumo ashi bumo doŋana kikɛ kutɔ. Kusɔ nɛ ŋ kaŋɛ ere be tɔɔnɛ nɛ feeŋ wu nde: