Ɛksodɔs 30:14 - EBƆRƐ BE KAWƆL

¹⁴ Esa kama nɛ b karga nɛ e ji fanɛ nfɛ adunyɔ a yɔ, daga fanɛ e ka loŋ be amansherbi na n sa ma, Enyɛnpe Ebɔrɛ na fanɛ sarga.

Ɛksodɔs 30:14 ပူးပေါင်းရင်းမြစ်များ

Ɛksodɔs 30:13

Ekama nɛ e ti basa nɛ baa karga na so daga fanɛ e ka amansherbi fanɛ kananɛ baa ka lampo ashi Enyɛnpe Ebɔrɛ be wajɛbu na to na.

Ɛksodɔs 30:15

Loŋ be toto na to, a daga fanɛ damawura nɛ etirpo kikɛ e ka a sasa, ŋkpal manɛ so ekama bee ka nna ŋkpal mbe ŋkpa so.

Ezikɛl 45:12

Kusɔ nɛ menyeeŋ baa ta asɔ be egbɛ a ber e la kadɛrbi. Kadɛrbi koŋwule malɛ la fanɛ kilo be bargato malɛ be bargato malɛ be bargato nna.

Ezikɛl 45:16

Basa nɛ b wɔ kasawule na so na kikɛ beeŋ lara esarga ere m ba sa Israɛl be ewura na.

Nɔmbɛs 1:18

n tre Israɛlebi kikɛ n shɛr n shin nɛ b ŋini mbuna mbuna nɛ nnaŋ nɛ b shi to nɛ b sibɛ benyɛn nɛ b fo nfɛ adunyɔ ŋko m baŋ so na kikɛ be atre kukoko to.

Nɔmbɛs 1:20

B daŋ sibɛ benyɛn nɛ b fo nfɛ adunyɔ ŋko m baŋ so nsaa beeŋ tiŋ ŋ kɔ fo kena na kikɛ be atre mbuna mbuna nɛ kanaŋ kanaŋ so nna. Jeekɔb pibinyɛn nimuso Ruben be yiri to nɛ b daŋ fara a karga: Ruben be yiri to ebi daa la basa ŋgboŋ adena nɛ ashe nɛ alfa anu nna. Nɛ Simiɔn be yiri to ebi daa la basa ŋgboŋ adunu nɛ akpanu nɛ alfa asa. Nɛ Gad be yiri to ebi daa la basa ŋgboŋ adena nɛ anu nɛ alfa ashe nɛ adunu. Nɛ Juda be yiri to ebi daa la basa ŋgboŋ adushunu nɛ ana nɛ alfa ashe. Nɛ Isaaka be yiri to ebi daa la basa ŋgboŋ adunu nɛ ana nɛ alfa ana. Nɛ Zebulun be yiri to ebi daa la basa ŋgboŋ adunu nɛ ashunu nɛ alfa ana. Nɛ Efreim be yiri to ebi daa la basa ŋgboŋ adena nɛ alfa anu. Nɛ Manase be yiri to ebi daa la basa ŋgboŋ adesa nɛ anyɔ nɛ alfa anyɔ. Nɛ Bɛnjamin be yiri to ebi daa la basa ŋgboŋ adesa nɛ anu nɛ alfa ana. Nɛ Dan be yiri to ebi daa la basa ŋgboŋ adeshe nɛ anyɔ nɛ alfa ashunu. Nɛ Ashɛr be yiri to ebi daa la basa ŋgboŋ adena nɛ kako nɛ alfa anu. Nɛ Naftali be yiri to ebi daa la basa ŋgboŋ adunu nɛ asa nɛ alfa ana. Benyɛn nɛ Mosis nɛ Ɛɛrɔn nɛ Israɛl be bejuŋkparpo kudu anyɔ na daŋ karga na kikɛ daa la basa ŋgboŋ alfa ashe nɛ asa nɛ alfa anu nɛ adunu nna.

Nɔmbɛs 1:3

Men sibɛ bekama nɛ b fo nfɛ adunyɔ ŋko m baŋ so nsaa beeŋ tiŋ ŋ kɔ kena na kikɛ be atre.

Nɔmbɛs 14:29

Menyeeŋ wu n dese n dese keshishɛrsawule ere so ŋkpal men ka malga ŋ gbiti ma so. Menyi be ekama nɛ e fo nfɛ adunyɔ m baŋ so

Nɔmbɛs 26:2

“Men karga Israɛlebi nɛ b fo nfɛ adunyɔ ŋko m baŋ so na kanaŋ kanaŋ so saŋɛ na so menyeeŋ pin bumo nɛ b fo kena to be keyɔ.”

Nɔmbɛs 32:11

‘Ma e naa kaŋɛ na fanɛ, ŋkpal b ka maŋ ji kashenteŋ n sa ma na so, bumo be bekama nɛ b shi Ijipt be kasawule so m ba nseŋ fo nfɛ adunyɔ ŋko m baŋ so na be ekama maaŋ yɔ kasawule nɛ n nase kɔnɔ fanɛ meeŋ sa Eebraham nɛ Aizek nɛ Jeekɔb na so.’