Ɛksodɔs 30:13 - EBƆRƐ BE KAWƆL

¹³ Ekama nɛ e ti basa nɛ baa karga na so daga fanɛ e ka amansherbi fanɛ kananɛ baa ka lampo ashi Enyɛnpe Ebɔrɛ be wajɛbu na to na.

Ɛksodɔs 30:13 ပူးပေါင်းရင်းမြစ်များ

Jɛnesis 23:15

“Keni, n nyɛnpe, jande nu nfe. Ma kasawule na be yawu la gbiti be ndarbi alfa ana nna. Ama ade maŋ la shɛŋ ma nɛ fo be kefɛato, amoso baa puli fo basa ndoŋ.”

2 Bewura 12:4

Kachako nɛ ewura Jɔash tre bɔrɛmatapoana na ŋ kaŋɛ bumo fanɛ b sɔ etoto nɛ elampo be amansherbi nɛ b chala na kikɛ n wɔtɔ bɔrɛlambu be kpanjawu na to.

2 Bewura 12:5

E yɛ: “Bɔrɛmatapowura kikɛ kɔ ekpa nɛ e ta amansherbi na be ako ŋ ka bɔrɛlambu na be kelɔnɛ be kukɔ kama.”

Ɛksodɔs 30:14

Esa kama nɛ b karga nɛ e ji fanɛ nfɛ adunyɔ a yɔ, daga fanɛ e ka loŋ be amansherbi na n sa ma, Enyɛnpe Ebɔrɛ na fanɛ sarga.

Ɛksodɔs 38:24

Shuwa nɛ basa daŋ sa fanɛ b shuŋ Ebɔrɛ be wajɛbu na be kushuŋ na be egbɛ daa la kilo kagboŋ nna.

Ɛksodɔs 38:26

Esa kama nɛ b daŋ karga kikɛ daŋ ka kukɔ nɛ b ku na nna. Bumo alɛ daa sa fanɛ basa ŋgboŋ alfa ashe nɛ asa nɛ alfa anu nɛ adunu nseŋ ji nfɛ adunyɔ ŋko m baŋ so nna.

Ezikɛl 45:12

Kusɔ nɛ menyeeŋ baa ta asɔ be egbɛ a ber e la kadɛrbi. Kadɛrbi koŋwule malɛ la fanɛ kilo be bargato malɛ be bargato malɛ be bargato nna.

Levitikɔs 27:25

Bɔrɛmatapo na e naŋ yili kusɔ kama be yawu ashi wajɛbu na to.

Levitikɔs 27:3

Nɛ e la enyɛn nseŋ ji fanɛ nfɛ adunyɔ n ya fo nfɛ adeshe mbe kukɔ la gbiti be ndarbi adunu nna, nɛ eche kpar malɛ peya la gbiti be ndarbi adesa. Enyɛn fɔlbi nɛ e ji fanɛ nfɛ anu n ya fo nfɛ adunyɔ malɛ peya la gbiti be ndarbi adunyɔ nna. Eche fɔlbi malɛ peya la gbiti be ndarbi kudu nna, nɛ kebibi nyɛnso nɛ e maŋ naŋ fo nfɛ anu malɛ peya la gbiti be ndarbi anu. Kebibi nɛ e maŋ naŋ fo nfɛ anu peya la gbiti be ndarbi asa nna. Enyɛn kpar nɛ e fo nfɛ adeshe m baŋ so be kumu so be kukɔ la gbiti be ndarbi kuduanu nna, nɛ eche kpar nɛ e fo nfɛ adeshe m baŋ so malɛ peya la gbiti be ndarbi kudu.

Levitikɔs 5:15

“Nɛ esa maŋ ka asɔ cheembi nɛ a daga e ka n sa Enyɛnpe Ebɔrɛ na ŋkpal e ka maŋ nyi so, e wora n da so nna na. Amodoŋwura beeŋ bar kpakpa nɛ k maŋ kɔ ndulgi kikɛ ŋko bɔrɛmatapo na beeŋ ku kukɔ n sa mo nɛ e ka nɛ b ta n tɔ kakpa na.

Nɔmbɛs 18:16

Enyɛnpe be wajɛbu to be kananɛ baa karga amansherbi na be gbiti be ndarbi anu e daga fanɛ b ka n tɔ mbia nɛ b ji afɔl koko.

Nɔmbɛs 3:47

Shin nɛ b tɔ bumo be ekama gbiti be ndarbi anu fanɛ kananɛ baa karga amansherbi wajɛbu na to na.

Matiu 17:24

Yesu nɛ mbe bebɛsopo ka ba Kapɛɛniam nɛ ndoŋ be bɔrɛlambu be lamposɔpoana ba bishi Pita: “Men be Eŋinipo maa ka bɔrɛlambu be lampo na ŋko?”

Matiu 21:12

Nɛ Yesu ya luri Ebɔrɛ be lambu na to n fara a ju bekama nɛ b daa tɔ nɛ bumo nɛ b daa fa asɔ bɔrɛlambu na to be kelɔnɛ so na kikɛ. E daŋ melgi bumo nɛ b daa chɛr amansherbi na be eteebɔl nɛ alifapoana be mbɛ nna m buu

Matiu 27:24

Pailat ka wu fanɛ e maaŋ naŋ tiŋ n wora shɛŋ she kebagato e naa shin nɛ k koso basa na to nɛ e ta nchu n fɔr mbe enɔana nseŋ kaŋɛ le: “Ma enɔ maŋ wɔ kanyɛn ere be luwu to, menyi be asheŋ nna.”