Ɛksodɔs 30:12 - EBƆRƐ BE KAWƆL

¹² “Fo kaa karga Israɛl be basa nɛ fo pin bumo be kɔnɔ, fo shin nɛ bumo be ekama e ka kusɔ ko ŋkpal mbe ŋkpa so, saŋɛ na so kulubi kama maaŋ tu mo kekarga na to.

Ɛksodɔs 30:12 ပူးပေါင်းရင်းမြစ်များ

1 Kronikɛls 21:1

Setani daa sha kebar tɔrɔ Israɛl be basa so nna, amoso e daŋ sa ewura Deevid nfɛra nna fanɛ e karga basa na.

1 Kronikɛls 21:12

Akoŋgboŋ be ketɔr fo kasawule so nfɛ asa ŋko fo keshile fo doŋana afɔl asa ŋko kulɔ be aleblawu ko be keba fo kasawule so m ba mɔ basa nchɛnsa? Fɛ kumo be asheŋ nseŋ kaŋɛ ma kusɔ nɛ fee sha fanɛ ŋ kaŋɛ Enyɛnpe Ebɔrɛ.”

1 Kronikɛls 21:14

Amoso Enyɛnpe Ebɔrɛ daŋ shin nna nɛ kulɔ be aleblawu ba Israɛlebi so nɛ bumo be basa ŋgboŋ adushunu kikɛ wu.

1 Kronikɛls 21:3

Nɛ Jɔab kaŋɛ ewura Deevid le: “Yiramu, hale nɛ Enyɛnpe fo Ebɔrɛ na shin nɛ Israɛl be benapo wora kishi n ti so fanɛ ntuŋ kalfa a chɔ kananɛ b du naniere gba bumo kikɛ kra la fo nyɛrbi nna. Manɛ e ba nɛ fee sha fanɛ fo wora le be kesheŋ nɛ k maŋ shi Ebɔrɛ kutɔ ere n shin nɛ nfɛra lubi ere e ba efuli ere so?”

1 Kronikɛls 27:24

Jɔab nɛ mo nio daa la Zeruwa na, e daŋ fara a karga bumo ama e maŋ tiŋ n loge ŋkpal Ebɔrɛ ka daa gberge Israɛlebi kusoe ŋkpal kabasakarga na so so. Amoso b daa maŋ sibɛ kananɛ basa na sa n nase ewura Deevid be nwɔl to.

2 Kronikɛls 24:6

Amoso e daŋ shuŋi nna n tre Jehowada nɛ e la bɔrɛmatapo nimuso na m bishi mo le: “Manɛ nna nɛ fo maŋ shin nɛ Livaiebi na sɔ lampo ashi Juda nɛ Jerusalɛm be basa na kutɔ fanɛ kananɛ Enyɛnpe Ebɔrɛ be kenya Mosis daŋ shin nɛ baa ka nɛ baa ta a chɛ Enyɛnpe be Nshɛr be wajɛbu na be kushuŋ to na?”

2 Kronikɛls 24:9

E daŋ sa ebɔl Jerusalɛm nɛ Juda kikɛ to nna fanɛ b ta bumo be etoto m ba bɔrɛlambu nɛ k wɔ Jerusalɛm na to fanɛ kananɛ Ebɔrɛ be kenya Mosis daŋ yili kumo kiyi to fanɛ b baa sɔ Israɛlebi na kutɔ a sa Enyɛnpe Ebɔrɛ na.

Job be kawɔl 33:24

Malaika na beeŋ wu bumo kuwɔr ŋ kaŋɛ luwu fanɛ e yige bumo, ŋkpal manɛ so, b teŋ ka alubi na be kukɔ.

Job be kawɔl 36:18

baa da so nɛ esa kikɛ maaŋ ta asɔ n fule fo ŋko kakɛ ko n lɔlɔ fo n wɔtɔ kulubi to.

Nshɛ 49:7

Esa maaŋ tiŋ ŋ ka dimɛdi kukɔ n sɔ mo barkasa n yige, ŋko ŋ ka Ebɔrɛ kukɔ n wora loŋ.

Ɛksodɔs 30:11

Ade kikɛ be kaman nɛ Enyɛnpe Ebɔrɛ na kaŋɛ Mosis le:

Nɔmbɛs 31:49

n ya kaŋɛ le: “Fo nyɛrbi ya karga benapo nɛ baa keni so na nseŋ wu fanɛ bumo be ekoŋwule gba maŋ foe.

Nɔmbɛs 31:50

Amoso an kɔ shuwa be abitasɔ nɛ enɔ to be mpinibi nɛ enɔ to be ashembi nɛ mpinibi nɛ akonde nɛ abɔtoshembi a ba nɛ an ba sa Enyɛnpe Ebɔrɛ ŋkpal e ka kuŋ anyi ashi kena na to so.”

Matiu 20:28

fanɛ kananɛ ma, Nyiŋgbasa Pibinyɛn gba maŋ ba nɛ b ba shuŋ ma na. M ba nna nɛ m ba shuŋ nseŋ ta ma ŋkpa n sɔ basa damta n yige.”

Maak 10:45

Ŋkpal manɛ so, ma, Nyiŋgbasa Pibinyɛn gba maŋ ba nna nɛ b shuŋ ma. M ba nna nɛ m ba shuŋ n ta ma ŋkpa n sɔ basa damta n yige.”

1 Timoti 2:6

Mo e ta mbe kumu n sɔ basa kikɛ n yige. Kumo e naa ŋini kumo be jemanɛ na gbagba chap fanɛ Ebɔrɛ bee sha basa kikɛ ka nya kumɔlga.