Ɛksodɔs 30:10 - EBƆRƐ BE KAWƆL

¹⁰ Kafɛ kikɛ malɛ a daga fanɛ Ɛɛrɔn e ta asɔbɔya nɛ b ta n lara kulubi be sarga na be ŋklaŋ n do bɔrɛsure na so kela koŋwule nɛ k ki cheembi. Le be kesheŋ ere la kusɔ nɛ menyi nɛ menyi be kaman to ebi beeŋ baa wora nna hale mbaanaayɔ. Bɔrɛsure ere la kusɔ cheembi nna n sa ma, Eyɛnpe Ebɔrɛ na.”

Ɛksodɔs 30:10 ပူးပေါင်းရင်းမြစ်များ

1 Bewura 1:50

Nɛ kufu pɛ Adonija, ŋkpal e ka bee fɛ fanɛ Sɔlɔmɔn beeŋ mɔ mo so nɛ e shile n yɔ Enyɛnpe be wajɛbu na ase n ya pɛ bɔrɛsure na be abonfu nɛ a duli alambɛ na to ŋ keta ŋ kuŋ mbe kumu.

1 Kronikɛls 6:49

Ɛɛrɔn nɛ mbe kaman to ebi nawule e daa lara duwu be sarga nɛ esarga chɔɔso bɔrɛsure na so. Bumo be kushuŋ e daa la kebaakeni acheembiana to be kakpa cheembi na be kabɔrɛshuŋ so nsaa yili Israɛlebi be katelamu to a lara alubi be ketampaŋ be sarga fanɛ kananɛ Ebɔrɛ be kayɛrbi Mosis kaŋɛ bumo na gbagba.

Ɛksodɔs 30:11

Ade kikɛ be kaman nɛ Enyɛnpe Ebɔrɛ na kaŋɛ Mosis le:

Ɛksodɔs 30:9

Men sa maŋ kaŋ chɔɔ duwu kama nɛ a maŋ daga ashi loŋ be bɔrɛsure na so, ŋko n lara kusɔbɔya ŋko ayu ŋko asɔnuuso nɛ a maŋ daga be sarga kikɛ kumo so.

Levitikɔs 16:16

Kananɛ e beeŋ wora nɛ acheembiana to be kakpa cheembi na e nyalɛ so ŋkpal Israɛl be basa na be eyurpisheŋ nɛ alubi nɛ b wora na so nna na. Aloŋ e daga fanɛ e wora wajɛbu na gba, ŋkpal manɛ so, k wɔ keeyi nɛ bumo be eyurpisheŋ wɔ kumo to na be nferinto nna.

Levitikɔs 16:18

e beeŋ lar m ba lara sarga chɔɔso n lɔŋɛ bɔrɛsure nɛ k yil Enyɛnpe Ebɔrɛ na be anishito na so. A daga e wora gbolu na nɛ kaboe na be ŋklaŋ na be ako ŋ gbiti bɔrɛsure na be alambɛ ana na be nnɔso so.

Levitikɔs 16:2

“Kaŋɛ fo da Ɛɛrɔn fanɛ jemanɛ nɛ k daga nawule nɛ e beeŋ tiŋ n luri acheembiana to be kakpa cheembi nɛ k wɔ patisa na be kaman na to, ŋkpal manɛ so, ndoŋ nɛ mee bɔla kuwɔlpa nɛ k buu kɔnɔkoŋwule be ŋkre be deka na so a lara ma kumu a ŋini. Nɛ mannɛ aloŋ, e beeŋ wu.

Levitikɔs 4:18

Kumo be kaman nɛ e ta ŋklaŋ na be eko ŋ gbiti bɔrɛsure na be mba ana na be nnɔso pɔɛŋ nseŋ chulgi amo nɛ a ka na n wurge bɔrɛsure nɛ k wɔ wajɛbu na be kabuna ase nɛ baa chɔɔ esarga kumo so na be kaseto.

Levitikɔs 4:7

Kumo be kaman nɛ e wora ŋklaŋ na be ako ŋ gbiti bɔrɛsure nɛ baa chɔɔ duwu kumo so na be mba ana be nnɔso na be kekama so, ashi wajɛbu na to na nseŋ chulgi ŋklaŋ nɛ a ka na n wurge bɔrɛsure nɛ baa chɔɔ esarga kumo so na be kaseto ashi wajɛbu na be kabuna ase.

Hibruwebi 1:3

Ebi na nɛ Ebɔrɛ be kemaŋkura bɔla mo so n nyaŋɛ n dii efuli fanɛ kefulto na. Mo e la Ebɔrɛ be da be kaduli gbagba chap nsaa ta mbe kamalga nɛ k kɔ eleŋ ga na a kɔ durnya ere to. Mo alɛ ka daŋ kpra basa be alubi ashi bumo to n loge na, e ya chena ebɔrɛso Enyɛnpetale be jisoso nna, ebunyampo be kakpa.

Hibruwebi 9:25

Mo nawule e maŋ du fanɛ bɔrɛmatapo nimusoana nɛ b daa ta ŋklaŋ nɛ a maŋ la bumo gbagba peyaana a luri acheembiana to be kakpa cheembi kafɛ kafɛ a lar na. Mo ere daa maŋ luri n ta mbe kumu n lara sarga ale damta.

Hibruwebi 9:7

Ama bɔrɛmatapo nimuso na nawule e daa luri ebu nyɔsopo na to kela koŋwule kafɛ kama to. Mo alɛ gba daa maaŋ tiŋ n luri ndoŋ ama e ta ŋklaŋ nna n luri n ya lara mo gbagba be alubi so be sarga nseŋ naŋ yili basa na be katelamu to n lara sarga ŋkpal bumo be alubi nɛ b wora a maŋ de so na so.

Kelaraŋŋini 9:13

Ndoŋ nna nɛ malaika shesopo na foŋ mbe kabel nɛ n nu ebɔl ka shi shuwa be bɔrɛsure mo nɛ k daa yil Ebɔrɛ be anishito na n lar. Asɔ ana ko daa yuu a yuu kumo so fanɛ kumo be alambɛ