Ɛksodɔs 30:1 - EBƆRƐ BE KAWƆL

¹ “Men ta akasiadibi n lɔŋɛ bɔrɛsure nɛ menyeeŋ baa chɔɔ duwu kumo so

Ɛksodɔs 30:1 ပူးပေါင်းရင်းမြစ်များ

1 Bewura 6:20

Ŋkpar to be ebu nɛ baa tre acheembiana to be kakpa cheembi na be nteŋ daa la ayadra adesa nna nɛ kumo be mpar gba daa la ayadra adesa nɛ kumo jeŋgreŋ la ayadra adesa. B daŋ ta shuwa lela nna m mata kumo be epunto, nɛ sida be ndibi be bɔrɛsure nɛ k yil kumo to na kikɛ so.

1 Bewura 6:22

ashi bɔrɛlambu na be epunto nɛ acheembiana to be kakpa cheembi na nɛ bɔrɛsure nɛ k wɔ ndoŋ na kikɛ daŋ baa la shuwa nna.

1 Bewura 7:48

Ewura Sɔlɔmɔn daŋ shin nna nɛ b ta shuwa n lɔŋɛ bɔrɛlambu na to be asɔwurbi. Amo e la, bɔrɛsure na nɛ teebɔl nɛ baa ta ebodobodo a deŋi so a sa Ebɔrɛ na,

1 Kronikɛls 28:18

nɛ shuwa nɛ baaŋ ta n lɔŋɛ bɔrɛsure nɛ baaŋ baa chɔɔ duwu kumo so na nɛ kananɛ e beeŋ lɔŋɛ asɔ nɛ a du fanɛ emalaika nɛ b parga bumo be aba m buu Enyɛnpe be ŋkre be deka na be buuso so na nna.

1 Kronikɛls 6:49

Ɛɛrɔn nɛ mbe kaman to ebi nawule e daa lara duwu be sarga nɛ esarga chɔɔso bɔrɛsure na so. Bumo be kushuŋ e daa la kebaakeni acheembiana to be kakpa cheembi na be kabɔrɛshuŋ so nsaa yili Israɛlebi be katelamu to a lara alubi be ketampaŋ be sarga fanɛ kananɛ Ebɔrɛ be kayɛrbi Mosis kaŋɛ bumo na gbagba.

2 Kronikɛls 26:16

Ewura Uziya ka nya eleŋ nɛ mbe ketre dii ga na, nɛ kamoowu luri mo to nɛ kumo be loŋ shin nɛ e tɔr. E daŋ wora kusoe kpakpaso nna n sa Enyɛnpe mbe Ebɔrɛ na nseŋ ya luri bɔrɛlambu na to nɛ e chɔɔ duwu bɔrɛsure nɛ baa chɔɔ duwu kumo so na so.

Ɛksodɔs 30:10

Kafɛ kikɛ malɛ a daga fanɛ Ɛɛrɔn e ta asɔbɔya nɛ b ta n lara kulubi be sarga na be ŋklaŋ n do bɔrɛsure na so kela koŋwule nɛ k ki cheembi. Le be kesheŋ ere la kusɔ nɛ menyi nɛ menyi be kaman to ebi beeŋ baa wora nna hale mbaanaayɔ. Bɔrɛsure ere la kusɔ cheembi nna n sa ma, Eyɛnpe Ebɔrɛ na.”

Ɛksodɔs 30:2

nɛ kumo be nteŋ nɛ mparto kikɛ e baa sasa fanɛ keyadra koŋwule nɛ bargato nɛ kumo be jeŋgreŋ malɛ e baa la ayadra asa. Men wora esoso be abonfu ana na nɛ a baa du fanɛ alambɛ nɛ amo nɛ kumo kikɛ e baa chɔ abar so a la kukoŋwule.

Ɛksodɔs 31:8

nɛ shuwa lela be kefitilatɔl na nɛ kumo be asɔwurbi kikɛ nɛ bɔrɛsure nɛ baa chɔɔ duwu kumo so

Ɛksodɔs 35:15

nɛ duwu be bɔrɛsure na nɛ kumo be ndibi nɛ b kɔ a ta kumo nɛ ŋku nɛfaso nɛ efɛa belbelso be duwu nɛ wajɛbu na be kabuna to be patisa na

Ɛksodɔs 39:38

nɛ shuwa gbagba be bɔrɛsure na nɛ ŋku nɛfaso nɛ duwu nɛ amo be efɛa wɔ ebel na nɛ wajɛbu na be kabuna to be patisa na

Ɛksodɔs 40:5

Kumo be kaman nɛ fo ta shuwa be bɔrɛsure nɛ baa chɔɔ duwu kumo so na m ba yili kɔnɔkoŋwule be ŋkre be deka na be anishito nseŋ ta patisa ŋ kuŋ Ebɔrɛ be wajɛbu na be kabuna.

Ezikɛl 41:22

bɔrɛsure nɛ b ta ndibi wora nna. Kumo be jeŋgreŋ daŋ fo fanɛ ayadra anu nɛ kumo be mparto malɛ daŋ fo fanɛ ayadra ana. Ndibi nɛ b ta n lɔŋɛ kumo be kaplɛkama. Ndoŋ nna nɛ kanyɛn na kaŋɛ ma le “Kede la kanyiŋi nna fanɛ Enyɛnpe Ebɔrɛ na bee keni mbe bɔrɛlambu so jemanɛ kikɛ nna.”

Levitikɔs 4:18

Kumo be kaman nɛ e ta ŋklaŋ na be eko ŋ gbiti bɔrɛsure na be mba ana na be nnɔso pɔɛŋ nseŋ chulgi amo nɛ a ka na n wurge bɔrɛsure nɛ k wɔ wajɛbu na be kabuna ase nɛ baa chɔɔ esarga kumo so na be kaseto.

Levitikɔs 4:7

Kumo be kaman nɛ e wora ŋklaŋ na be ako ŋ gbiti bɔrɛsure nɛ baa chɔɔ duwu kumo so na be mba ana be nnɔso na be kekama so, ashi wajɛbu na to na nseŋ chulgi ŋklaŋ nɛ a ka na n wurge bɔrɛsure nɛ baa chɔɔ esarga kumo so na be kaseto ashi wajɛbu na be kabuna ase.

Nɔmbɛs 3:31

Bumo e naa keni ŋkre be deka nɛ k wɔ acheembiana to be kakpa cheembi na so, nɛ teebɔl na nɛ kefitilatɔl na nɛ ebɔrɛsureana na nɛ ntishaŋ nɛ bɔrɛmatapoana na bee ta a wora asheŋ ashi Enyɛnpe be wajɛbu na to nɛ patisa nɛ k wɔ acheembiana to be kakpa cheembi na be kabuna to na kikɛ so. Bumo e naa bela le be asɔ ere a yili mboŋ nseŋ naa bela amo ashi to.

Nɔmbɛs 4:11

Kumo alɛ be kaman nɛ b parga wajɛ buru n deŋi shuwa be bɔrɛsure na so nseŋ ta kusɔbɔya be kawɔl lela m parga m buu kumo so n ti so pɔɛŋ nseŋ ta ndibi nɛ baa ta a sulɔ kumo na n wɔtɔ amo be kakpa.

Hibruwebi 9:4

Ndoŋ nɛ shuwa be bɔrɛsure nɛ baa chɔɔ duwu kumo so na wɔ. Ndoŋ koŋwule na nɛ kɔnɔkoŋwule be ŋkre be deka nɛ duwu mata m mata kumo kikɛ so na daa wɔ nɛ shuwa be kapuya nɛ k kɔ manna na. Ɛɛrɔn be kekpabi nɛ k bee purge afantaŋ na nɛ ajembu anyɔ nɛ b sibɛ mbraana na n deŋi so na malɛ kikɛ daa wɔ deka na to nna.

Kelaraŋŋini 8:3

Nɛ malaika ko malɛ ka kɔ shuwa be kusɔjɔduwu to m ba yili bɔrɛsure na akpa. B daŋ ta duwu damta ko nna fanɛ e ta n wea Ebɔrɛ be basa be kabɔrɛkuleana to n ta m ba deŋi shuwa be bɔrɛsure na so ashi kuwurputi na be anishito.