Ɛksodɔs 3:7 - EBƆRƐ BE KAWƆL

⁷ Ndoŋ nna nɛ Enyɛnpe Ebɔrɛ kaŋɛ mo le: “N wu tɔrɔ mo nɛ ma basa bee ji ashi Ijipt be efuli so, ma alɛ nseŋ naŋ nu b ka bee shu ŋkpal awurfoŋ nɛ baa ji ashi anyakenipoana be enɔ to na so. Bumo be asheŋ tir ma ga.

Ɛksodɔs 3:7 ပူးပေါင်းရင်းမြစ်များ

Jɛnesis 16:11

Feeŋ kurge ebinyɛn fo kedampo ere to nseŋ nase mo ketre Ishmaɛl, ŋkpal manɛ so, Enyɛnpe na nu fo awurfoŋ be kushu na.

Jɛnesis 18:21

Amoso nɛ mee yɔ nɛ n ya keni fanɛ asheŋ nɛ b yɛ baa wora na kikɛ la kashenteŋ nna a. Saŋɛ na so meeŋ pin kusɔ nɛ k wɔtɔ.”

Jɛnesis 21:17

Ndoŋ nna nɛ Ebɔrɛ nu kebia na be kushu na nɛ Ebɔrɛ be malaika shi ebɔrɛso n tre Heega m bishi mo le: “Heega, manɛ nna? Sa maa lɔ kufu. Ebɔrɛ nu kebia na be kushu ashi kakpa nɛ e dese na.

Jɛnesis 29:32

Amoso Lia daŋ di kedampo nna ŋ kurge ebinyɛn nseŋ kaŋɛ le: “Enyɛnpe na wu ma kagbenejija nseŋ chɛ ma to, amoso naniere bre ŋ kul beeŋ baa sha ma.” Ŋkpal loŋ so nɛ e nase kebia na Ruben.

Jɛnesis 31:12

Nɛ malaika na kaŋɛ: ‘Maŋ kumu so ŋ keni, feeŋ wu fanɛ mboelote nɛ baa dii becheso na kikɛ du chɛchɛrɛ nna, ŋko muchɛr muchɛr ŋko ŋ chaŋɛ eyur so fanɛ chaŋkplaŋ nna, ŋkpal manɛ so, n wu kusɔ nɛ Leeban bee wora fo kikɛ.

Jɛnesis 31:42

Nɛ Ebɔrɛ nɛ n tuto Aizek bee bunyaŋ nɛ e la Eebraham gba be Ebɔrɛ na daa maŋ wɔ ma kutɔ nna, fo daa beeŋ ju ma fo laŋ to nɛ enɔfuloŋ. Ama Ebɔrɛ wu ma awurfoŋ nɛ kegben nɛ ŋ gben na kikɛ nna nseŋ fiɛ fo so edare na to.”

2 Samuɛl 22:28

Bumo nɛ baa bar bumo be amu kaseto na nɛ fee mɔlga, ama bekama nɛ baa maŋ bumo be amu so na bre fee bar bumo kaseto nna.

2 Bewura 13:4

Jehowahaz ka wu kananɛ Siriya be ewura na bee tɔrɔ bumo nsaa mɛaŋ bumo na nseŋ kule Enyɛnpe Ebɔrɛ nɛ e nu mbe kekule,

2 Bewura 20:5

fanɛ e naŋ bɛta n yɔ ewura Hɛzekaya kutɔ n ya kaŋɛ mo le: “Ma, Enyɛnpe, fo nananyɛn ewura Deevid be Ebɔrɛ na, nu fo kabɔrɛkule nseŋ wu fo anishichubi na. Nchɛ asa be kefɛato, meeŋ chɛ fo nseŋ shin nɛ fo naŋ bɛta n yɔ bɔrɛlambu na to.

Nehemaya 9:9

An nanaana ka daa wɔ Ijipt be efuli so na, fo daŋ wu awurfoŋ nɛ b daa ji. B ka ya fo Teku Peper na ase nɛ b shu a fin fo kechɛto, nɛ fo alɛ nu bumo be kushu nseŋ chɛ bumo to.

Nshɛ 106:44

Ama b ka shu n tre Enyɛnpe Ebɔrɛ kagbenejijaso, e daŋ nu bumo be kushu na nna.

Nshɛ 12:6

Enyɛnpe be nnɔ naseso la kashenteŋ nna. A du fanɛ gbiti nɛ b ta n wɔtɔ edɛ to ale shunu n lara amo to be eyurpi kikɛ na nna.

Nshɛ 142:3

M baa pɔ aba kiyoyu to, mo e naa ŋini ma kusɔ nɛ k daga fanɛ n wora. Bedoŋ ŋana n sho ma kejigbelɛ ashi ekpa nɛ mee nite so nna.

Nshɛ 145:19

Mo alɛ bee sa bekama nɛ baa bunyaŋ mo na asɔ nɛ a tir bumo nna nsaa nu bumo be kekule a mɔlga bumo ashi etɔrɔ to.

Nshɛ 22:24

Ŋkpal manɛ so e maŋ pal kaman n sa bumo nɛ b wɔ awurfoŋ to na. E maŋ kplaŋ bumo so saŋɛ so nɛ b shu n tre mo na. E nu bumo be kushu nna.

Nshɛ 34:4

Ŋ kule Enyɛnpe Ebɔrɛ na nɛ e nu ma kekule, nseŋ sɔ ma n yige ashi asɔ nɛ a bee da ma kufu na to.

Nshɛ 34:6

Mo nɛ betentaŋasepo bee shu a tre, nɛ e bee nu bumo be kushu, nsaa mɔlga bumo ashi bumo be etɔrɔ to na.

Nshɛ 35:22

Enyɛnpe Ebɔrɛ, fo gbagba wu kesheŋ ere. Amoso sa maŋ lo to. Enyɛnpe Ebɔrɛ, sa maŋ yɔ kufɔ ŋ ka ma.

Nshɛ 9:14

nɛ n yili Jerusalɛmebi be anishito n fur fo ŋ kaŋɛ asɔ nɛ fo wora, nseŋ ji eyur ŋkpal fo kumɔlga so.

Ɛksodɔs 1:11

Ndoŋ nna nɛ Ijiptebi na lara basa fanɛ benyɛnpe nɛ baaŋ baa keni Israɛlebi na so fanɛ anya. Ndoŋ nna nɛ b ta kanyaŋ be kushuŋ a tɔrɔ Israɛlebi na nseŋ shin nɛ b pɔr nde nɛ baa tre Pitɔm nɛ Rameses na n sa ewura Fɛɛro nɛ e baa ta mbe asɔ a yili to ndoŋ.

Ɛksodɔs 1:8

Ndoŋ nna nɛ esa popɔr ko nɛ e daa maŋ nyi Josɛf ba ji Ijipt be efuli so be kuwura.

Ɛksodɔs 22:23

nɛ mannɛ aloŋ nɛ b shu n tre ma, Enyɛnpetale na, ma nɛ n nu bumo kushu na kashenteŋto

Ɛksodɔs 33:13

To, nɛ ma shɛŋ bee par fo bre, ŋini ma fo ekpaana nɛ m pin fo nfɛra, nsaa shuŋ fo a wora fo aparsheŋ. Baa nyiŋi fanɛ fo gbagba e lara basa ere nɛ b la feya.”

Ɛksodɔs 5:10

Ndoŋ nna nɛ basa nɛ baa keni anya na so na nɛ kushuŋ na be bejuŋkparpoana yɔ n ya kaŋɛ Israɛlebi na le: “Ewura Fɛɛro yɛ e maaŋ naŋ sa menyi afitiri nɛ baa ta a wɔtɔ eshii to a kuya ebirkesi na kikɛ.

Ɛksodɔs 5:6

Kumo be kamɔnchɛ kikɛ nɛ ewura Fɛɛro kaŋɛ basa nɛ baa keni anya na so na nɛ kushuŋ na be bejuŋkparpoana na le:

Aizaaya 63:9

Enyɛnpe Ebɔrɛ na ka wu mbe basa ka wɔ etɔrɔ to nɛ k tɔrɔ mo ga nɛ e shuŋi mbe malaika nɛ e ba mɔlga bumo ashi awurfoŋ na to. Kashenteŋto Enyɛnpe Ebɔrɛ na bee wu kuwɔr pasaa, amoso nɛ e kɔ n suge mbe basa na. Mbe enɔ to nɛ e keta bumo nfɛ damta nɛ a choŋ ere kikɛ na.

Nɔmbɛs 20:16

Nɛ an shu ŋ ŋini Enyɛnpe Ebɔrɛ nɛ e nu anyi be kushu nseŋ shuŋi malaika nɛ e ba lara anyi ashi Ijipt be kasawule so. Naniere an fo kade nɛ baa tre Kadɛsh nɛ k wɔ fo kasawule be egbaŋ be ekar na.

Ashuŋ Shunso 7:34

N wu kekɔrfɛ nɛ tɔrɔ damta nɛ ma basa wɔ Ijipt be efuli so a nya. N nu bumo be kushu m ba nɛ m ba mɔlga bumo. Nu nfe, meeŋ shuŋi fo Ijipt.’

Hibruwebi 4:15

Ŋkpal manɛ so, mannɛ fanɛ anyi be bɔrɛmatapo nimuso na la esa nɛ e maa wu anyi be asheŋ gbenso kuwɔr nna, ama e la esa nɛ e luri kechɔŋkeni kama to nna n lar fanɛ kananɛ anyi alɛ gba bee luri amo to na. Ama mo ere maŋ wora kulubi kikɛ.

1 Samuɛl 9:16

“N wu kananɛ ma basa bee ji awurfoŋ. Ma alɛ nu bumo be kushu nɛ baa shu a fin kechɛto na. Echefo saŋɛ ere so gbagba, meeŋ shuŋi esa ko nɛ e shi Bɛnjamin be kanaŋ to nɛ fo duga ŋku n do mbe kumu so n lara mo ŋ ki Israɛl be ejuŋkparpo. Mo e naaŋ mɔlga bumo ashi Filistiebi na be enɔ to.”