Ɛksodɔs 3:6 - EBƆRƐ BE KAWƆL

⁶ Ma e la fo tutoana, Eebraham nɛ Aizek nɛ Jeekɔb be Ebɔrɛ na.” Ndoŋ nna nɛ Mosis kurgi kumu n yuu to, ŋkpal e ka daa ŋana kekeni Ebɔrɛ na so.

Ɛksodɔs 3:6 ပူးပေါင်းရင်းမြစ်များ

Jɛnesis 12:1

Kachako nɛ Enyɛnpetale na kaŋɛ Eebram: “Lar fo efuli so nɛ fo basa to nɛ fo tuto be kowu to nseŋ yɔ kasawule nɛ mee sha keŋini fo ere so.

Jɛnesis 12:7

Ndoŋ nɛ Enyɛnpe na lar Eebram so ŋ kaŋɛ mo: “Meeŋ ta kasawule ere n sa fo kanaŋ to ebi.” Kumo be kaman nɛ Eebram yuu bɔrɛsure ndoŋ n lara sarga n sa Enyɛnpe Ebɔrɛ nɛ e lar mo so ndoŋ na.

Jɛnesis 17:3

Ndoŋ nna nɛ Eebram gbir ŋ kurgi kumu n yuu. E ka wora loŋ na nɛ Ebɔrɛ kaŋɛ le:

Jɛnesis 24:12

Kumo be kaman nɛ e kule Ebɔrɛ ŋ kaŋɛ: “O, Enyɛnpe, n nyɛnpe Eebraham be Ebɔrɛ, sa ma kumulela kabre n wora n nyɛnpe Eebraham kelela.

Jɛnesis 26:24

Kumo be kamɔnchɛ be kanyɛso nɛ Enyɛnpe na lar mo so ŋ kaŋɛ mo: “Ma e la fo tuto Eebraham be Ebɔrɛ na, sa maa lɔ kufu, ŋkpal manɛ so, n wɔ fo kutɔ. Meeŋ nɛfa fo nseŋ shin nɛ fo kaman to ebi e wora keshi ŋkpal ma kenya Eebraham so.”

Jɛnesis 28:13

E daŋ wu fanɛ Enyɛnpe na e daa yil kumo be kumu so gbagba na. Ndoŋ nɛ Enyɛnpe na daa yil nseŋ kaŋɛ mo le: “Ma e la Enyɛnpetale, fo nananyɛn Eebraham be Ebɔrɛ nɛ Aizek be Ebɔrɛ na. Meeŋ ta kasawule mo nɛ fo dese so ere n sa fo nɛ fo kaman to ebi.

Jɛnesis 28:17

Ndoŋ nna nɛ kufu pɛ mo nɛ e kaŋɛ: “Cha, daŋga be kakpa e la kaboŋ ere pasaa! K baŋ fuli nna fanɛ kaboŋ ere la Enyɛnpe na pe nna. Kumo alɛ nseŋ naa la kakpa nɛ kabuna mo nɛ k bee bugi a yɔ ebɔrɛso na gba wɔ!”

Jɛnesis 31:42

Nɛ Ebɔrɛ nɛ n tuto Aizek bee bunyaŋ nɛ e la Eebraham gba be Ebɔrɛ na daa maŋ wɔ ma kutɔ nna, fo daa beeŋ ju ma fo laŋ to nɛ enɔfuloŋ. Ama Ebɔrɛ wu ma awurfoŋ nɛ kegben nɛ ŋ gben na kikɛ nna nseŋ fiɛ fo so edare na to.”

Jɛnesis 32:9

Kumo be kaman nɛ Jeekɔb kule Ebɔrɛ ŋ kaŋɛ: “N tuto Eebraham nɛ Aizek be Ebɔrɛ, n Nyɛnpe, fo e kaŋɛ ma fanɛ m bɛta n yɔ ma efuli so nɛ ma basa pe nɛ fo shin nɛ ŋ ki asɔwura.

1 Bewura 18:36

Kaaseso be saŋɛ nɛ baaŋ lara sarga na ka fo, nɛ anebi Elaija yɔ bɔrɛsure na ase n ya kule Ebɔrɛ ŋ kaŋɛ le: “O Enyɛnpe, Eebraham nɛ Aizek nɛ Jeekɔb be Ebɔrɛ, shin nɛ basa ere e pin fanɛ fo e la Israɛl be Ebɔrɛ nɛ ma alɛ la fo kayɛrbi nsaa bɛ fo kɔnɔ so a wora asheŋ ere kikɛ.

1 Bewura 19:13

Anebi Elaija ka nu loŋ be ebɔl na nɛ e ta mbe piŋi m buu mbe anishi so nseŋ lar kebeelaŋ na to n ya yili kumo be kabuna to. Ndoŋ nna nɛ Enyɛnpe Ebɔrɛ naŋ bishi mo le: “Elaija manɛ nɛ fee wora nfe?”

Nehemaya 9:9

An nanaana ka daa wɔ Ijipt be efuli so na, fo daŋ wu awurfoŋ nɛ b daa ji. B ka ya fo Teku Peper na ase nɛ b shu a fin fo kechɛto, nɛ fo alɛ nu bumo be kushu nseŋ chɛ bumo to.

Ɛsta 3:4

Saŋkama nɛ b baŋ kaŋɛ Mɔdikaya fanɛ e jɔŋɛ Heman ase, e bee kini nna nseŋ kaŋɛ fanɛ mo ere la Juw be esa nna, amoso e maaŋ jɔŋɛ Heman ase. Ndoŋ nna nɛ b kaŋɛ Heman kumo be asheŋ nsaa keni ŋko e beeŋ yige Mɔdikaya ŋkpal e ka la Juw so.

Nshɛ 132:2

Nyiŋi kɔnɔ nɛ e daŋ nase n sa fo, Enyɛnpetale Ebɔrɛ nɛ an nananyɛn Jeekɔb daŋ shuŋ dra dra na:

Ɛksodɔs 15:2

Enyɛnpe Ebɔrɛ na e la ma elempo nɛ ma emɔlgapo. Meeŋ boŋ kashɛ ŋ dele mo. Mo e la ma Ebɔrɛ, amoso meeŋ di mo epaŋ. N tuto be Ebɔrɛ e la mo, amoso meeŋ fur mo.

Ɛksodɔs 29:45

Saŋɛ na so, nɛ ŋ gbelge m baa kaa wɔ Israɛlebi na to a la bumo be Ebɔrɛ.

Ɛksodɔs 3:16

Yɔ n ya tre Israɛlebi na be bejuŋkparpo kikɛ n shɛr ŋ kaŋɛ bumo fanɛ Enyɛnpe Ebɔrɛ nɛ e la men nananyɛnana, Eebraham nɛ Aizek nɛ Jeekɔb be Ebɔrɛ na e lar ma so ŋ kaŋɛ: ‘Ŋ keni n wu kusɔ nɛ baa wora menyi ashi Ijipt be efuli so nɛ menyi be asheŋ tir ma ga.’

Ɛksodɔs 33:20

Ama m maaŋ shin nɛ fo wu ma anishito bre, ŋkpal manɛ so, esa kama maaŋ tiŋ n wu ma anishito nseŋ ji efute.

Ɛksodɔs 4:5

Nɛ Enyɛnpe Ebɔrɛ kaŋɛ Mosis: “Fo baŋ wora loŋ, baaŋ yirda fanɛ Enyɛnpe Ebɔrɛ, bumo nananyɛnana Eebraham nɛ Aizek nɛ Jeekɔb be Ebɔrɛ na e lar fo so.”

Jɛremaya 24:7

Meeŋ naŋ sa bumo ŋgbene nɛ e beeŋ baa sha kebaanyi ma, Enyɛnpe Ebɔrɛ na. Kumo be kaman nɛ b pin fanɛ b la ma basa nna nɛ ma alɛ la bumo be Ebɔrɛ. Ŋkpal manɛ so, baaŋ laŋɛ bumo be ŋgbene kikɛ m bɛ ma so.

Jɛremaya 31:33

Kɔnɔkoŋwule be ŋkre popɔr nɛ ma nɛ Israɛl be basa beeŋ wora na e la fanɛ, meeŋ ta ma mbra n wɔtɔ bumo be nfɛra to nseŋ sibɛ kumo n wɔtɔ bumo be ŋgbene to. Meeŋ baa la bumo be Ebɔrɛ nɛ bumo alɛ e baa la ma basa.

Jɛremaya 32:38

Saŋɛ na so baaŋ baa kraa la ma basa nɛ ma alɛ e baa kraa la bumo be Ebɔrɛ.

Ezikɛl 11:20

Ndoŋ nɛ baaŋ bɛ ma mbraana so nsaa wora asɔ nɛ mee ŋini bumo na. Baaŋ baa la ma basa nɛ ma alɛ e baa la bumo be Ebɔrɛ.

Zakareya 8:8

nseŋ bɛta bumo m ba chena Jerusalɛm to. Baaŋ ba kaa la ma basa nɛ ma alɛ e baa la bumo be Ebɔrɛ nsaa ji kuwura bumo so kashenteŋ nɛ kumo be ekpa so.”

Matiu 17:6

Bebɛsopo na ka nu loŋ nɛ kufu pɛ bumo nɛ b tɔr m pugi bumo be anishi so.

Matiu 22:32

Ebɔrɛ yɛ: ‘Ma e la Eebraham be Ebɔrɛ nɛ Aizek be Ebɔrɛ nɛ Jeekɔb be Ebɔrɛ.’ Ebɔrɛ maŋ la bubuni be Ebɔrɛ. E la basa nɛ b wɔ ŋkpa to be Ebɔrɛ nna.”

Maak 12:26

To, basa be ketiŋi luwu to na malɛ be asheŋ, men maŋ naŋ kraŋ kupumbi be kechɔɔ na be asheŋ ashi anebi Mosis be kawɔl na to a? Le nɛ Ebɔrɛ daŋ kaŋɛ Mosis ndoŋ: ‘Ma e la Eebraham be Ebɔrɛ nɛ Aizek be Ebɔrɛ nɛ Jeekɔb be Ebɔrɛ.’

Luuk 20:37

To, anebi Mosis gba ŋini basa be ketiŋi luwu to na be asheŋ ashi kupumbi be asheŋ to, ndoŋ nɛ e daŋ tre Enyɛnpe fanɛ Eebraham be Ebɔrɛ nɛ Aizek be Ebɔrɛ nɛ Jeekɔb be Ebɔrɛ na.

Luuk 5:8

Saimɔn Pita ka wu asheŋ nɛ a wora na kikɛ nɛ e ya gbir Yesu be anishito nseŋ kaŋɛ: “Enyɛnpe, yige ma, ŋkpal manɛ so, n la alubiworapo nna.”

Ashuŋ Shunso 7:32

‘Ma e la fo nanaana be Ebɔrɛ na, Eebraham nɛ Aizek nɛ Jeekɔb be Ebɔrɛ.’ Nɛ kufu pɛ Mosis ga nɛ e chicha a maŋ naŋ tiŋ nɛ e keni kakpa na.

Ashuŋ Shunso 7:34

N wu kekɔrfɛ nɛ tɔrɔ damta nɛ ma basa wɔ Ijipt be efuli so a nya. N nu bumo be kushu m ba nɛ m ba mɔlga bumo. Nu nfe, meeŋ shuŋi fo Ijipt.’

Ditɛronɔmi 6:3

Israɛlebi, men nu amo nɛnɛ nseŋ wora amo kasonu! Aloŋ e naaŋ shin nɛ asheŋ e nyalɛ n sa menyi nɛ men ki efuligboŋ nseŋ naŋ tiŋ n chena kasawule lela nɛ k bee wora adɔjibi ga na so, fanɛ kananɛ Enyɛnpe, an nanaana be Ebɔrɛ na, nase kɔnɔ na.

Hibruwebi 11:16

Ama kashenteŋto, efuli mo nɛ k bɔ ade kikɛ ere nɛ b daa fin. Kumo e la fanɛ ebɔrɛso be efuli na. Amoso nɛ ketre Ebɔrɛ bumo be Ebɔrɛ na maa keta Ebɔrɛ anishinyɔr na, ŋkpal manɛ so, mo e pɔr kadegboŋ na n yili bumo.

Hibruwebi 12:21

Kashenteŋto, kakpa na kikɛ daŋ ba ki kanaŋ ko nna hale nɛ Mosis gba kaŋɛ: “Kufu pɛ ma nna nɛ mee chicha.”

Kelaraŋŋini 1:17

Ŋ ka wu mo na nɛ n tɔr mbe anishito fanɛ ŋ ka wu na. Ndoŋ nna nɛ e ta mbe enɔjiso n deŋi ma so nseŋ kaŋɛ: “Sa maa lɔ kufu, ma e la Faraŋko nɛ Lalaloge,

Demujipoana 13:22

Kumo be kaman nɛ Manoa kaŋɛ mbe eche: “Anyee shin nɛ an wu nna na, ŋkpal manɛ so, an wu Ebɔrɛ kenishiso!”