Ɛksodɔs 3:21 - EBƆRƐ BE KAWƆL

²¹ Ma alɛ beeŋ shin nɛ Ijiptebi na e bugi ŋgbene n chɛ Israɛlebi na to saŋɛ na so men kaa lar ndoŋ men maaŋ ta enɔfuloŋ n lar.

Ɛksodɔs 3:21 ပူးပေါင်းရင်းမြစ်များ

Jɛnesis 15:14

Ama meeŋ gberge loŋ be basa nɛ baaŋ ta bumo ŋ ki anya na kusoe. Kumo be kaman baaŋ lar ndoŋ nɛ kanya damta.

Jɛnesis 39:21

Enyɛnpe Ebɔrɛ na daa wɔ Josɛf kutɔ ashi kabuti na to gba nna a ŋini mo mbe kasha nseŋ shin nɛ Josɛf be asheŋ bee bɔlɔ kabutikenipo na kenishi.

1 Bewura 8:50

n ta fo basa be alubi nɛ b wora ŋ gbiti fo kikɛ m paŋ bumo n shin bumo doŋana e baa wora bumo kelela.

Nehemaya 1:11

O Enyɛnpe Ebɔrɛ, nu ma nɛ fo nyɛrbi nɛ b kɔ kasha n sa fo nsaa ŋana fo ketre na be kabɔrɛkule. Chɛ ma to nɛ n nya kusɔ nɛ mee tama kabre ere nseŋ shin nɛ ewura malɛ gba e wu ma kuwɔr.” Loŋ be jemanɛ nɛ ma e daa duga ewurgboŋ Atazɛzɛs be yabra a sa mo nɛ e bee nuu.

Nshɛ 105:37

Kumo be kaman nɛ e juŋkpar Israɛlebi na n lar Ijipt be efuli so. Bumo be eyiriana na to be esa koŋwule gba daa maŋ ka kaman. B daŋ sulɔ shuwa nɛ gbiti nna n lar.

Nshɛ 106:46

E daŋ shin nɛ bumo doŋana shu bumo so nna.

Ɛksodɔs 11:2

Amoso naniere ya malga n sa Israɛl be beche nɛ benyɛn fanɛ b kule ŋ kule bumo be bechenashapoana shuwa nɛ gbiti be abitasɔ.”

Ɛksodɔs 11:3

Ndoŋ nna nɛ Enyɛnpe Ebɔrɛ shin nɛ Ijiptebi na be ŋgbene pɛ Israɛlebi na ga nɛ ewura Fɛɛro be beyaasepo gba nɛ Ijipt be basa kikɛ fara a keni Mosis a bɔlɔ kenishi.

Ɛksodɔs 12:35

Kusɔ kama nɛ Mosis daŋ kaŋɛ Israɛlebi na, bumo alɛ wora. B daŋ kule ŋ kule Ijiptebi na shuwa nɛ gbiti be abitasɔ nɛ asɔbuuso nna.

Ɛksodɔs 12:36

Enyɛnpe Ebɔrɛ daŋ shin nɛ Israɛlebi na be asheŋ bɔlɔ Ijiptebi na kenishi nna nɛ b sa bumo kusɔ kama nɛ b daŋ kule bumo kikɛ. Loŋ be ekpa na so nɛ Israɛlebi na daŋ bɔla n sulɔ Ijiptebi na be asɔ damta n yɔ.

Aŋasa 16:7

Esa be asheŋ woraso baa bɔlɔ Enyɛnpe Ebɔrɛ kenishi, E bee shin nna nɛ amodoŋwura nɛ mo doŋana gba bee chena kagbenewushi so.

Ashuŋ Shunso 7:10

E daŋ lara mo ashi mbe etɔrɔ kikɛ to nseŋ sa mo kanyiasheŋ nɛ kebaawɔtɔ nɛ a par Ijipt be ewura Fɛɛro ga nɛ Fɛɛro shin nɛ Josɛf ki efuli na so be gomena nɛ mbe kowu to ebi kikɛ so be enimu.

Ditɛronɔmi 15:13

Nɛ menyi alɛ baŋ yige bumo fanɛ b baa yɔ, men sa maŋ shin nɛ b ta enɔfuloŋ a yɔ.