Ɛksodɔs 3:2 - EBƆRƐ BE KAWƆL

² Ndoŋ nɛ Enyɛnpe Ebɔrɛ be malaika lar mo so fanɛ edɛ be adondulombi na ashi kupumbi ko to. Mosis daŋ wu kupumbi na ka bee suse edɛ ama kumo alɛ daa maa chɔɔ a mur.

Ɛksodɔs 3:2 ပူးပေါင်းရင်းမြစ်များ

Jɛnesis 21:17

Ndoŋ nna nɛ Ebɔrɛ nu kebia na be kushu na nɛ Ebɔrɛ be malaika shi ebɔrɛso n tre Heega m bishi mo le: “Heega, manɛ nna? Sa maa lɔ kufu. Ebɔrɛ nu kebia na be kushu ashi kakpa nɛ e dese na.

Jɛnesis 22:11

Ndoŋ nna nɛ Enyɛnpe be malaika shi ebɔrɛso m ponte n tre: “Eebraham, Eebraham!” Nɛ Eebraham shuli so: “Ma nde.”

Jɛnesis 48:16

Malaika mo nɛ e tu ma ŋ kɔ emaŋ na e nɛfa bumo. Ebɔrɛ e shin nɛ ma ketre nɛ n tuto Aizek be ketre nɛ n nananyɛn Eebraham be ketre e bɔla mbia ere so a wɔtɔ mbaanaayɔ. Ebɔrɛ e sa bumo mbia damta nɛ kanaŋ to ebi damta durnya to.”

Nshɛ 66:12

Fo shin nɛ an doŋana pɔɔ anyi so nɛ an luri edɛ nɛ nchu to, ama fo bar anyi kasawule nɛ k kɔ asɔ damta so.

Ɛksodɔs 19:18

Kumo be kachɛ na, Sainai be kebeegboŋ na so kikɛ daŋ baa la edishi nna, ŋkpal manɛ so, Enyɛnpe Ebɔrɛ daŋ bɔla edɛ to nna m ba kumo so. Nɛ kumo be edishi na daŋ yɔ awɔlto fanɛ edishi nɛ a shi edɛ nɛ baa chɔɔ nɛ a shi ga na nɛ kebeegboŋ na kikɛ gbuŋgbuŋ to eleŋso.

Ɛksodɔs 23:20

Ade kikɛ be kaman nɛ Ebɔrɛ kaŋɛ bumo le: “Meeŋ shin nɛ malaika ko e baa juŋkpar menyi ŋ kuŋ menyi ekpa to loŋ n ya fo kaboŋ nɛ n lɔŋɛ n yili menyi na.

Ɛksodɔs 24:17

Israɛlebi na bre kutɔ, Enyɛnpe Ebɔrɛ be kemaŋkura nɛ k daŋ nyaŋɛ n yuu kebee na so daa du fanɛ edɛgboŋ ko ka bee chɔɔ na.

Ɛksodɔs 3:16

Yɔ n ya tre Israɛlebi na be bejuŋkparpo kikɛ n shɛr ŋ kaŋɛ bumo fanɛ Enyɛnpe Ebɔrɛ nɛ e la men nananyɛnana, Eebraham nɛ Aizek nɛ Jeekɔb be Ebɔrɛ na e lar ma so ŋ kaŋɛ: ‘Ŋ keni n wu kusɔ nɛ baa wora menyi ashi Ijipt be efuli so nɛ menyi be asheŋ tir ma ga.’

Aizaaya 43:2

Nɛ men bɔla lɔr chiŋgeliŋ to gba, ma nɛ menyi e naaŋ baa la. Etɔrɔ nɛ e beeŋ ba menyi so maaŋ pɔɔ menyi so. Nɛ men bɔla edɛ to gba, a maaŋ chɔɔ menyi. Kechɔŋkeni kpakpaso kama nɛ k beeŋ ba menyi so maaŋ pɔɔ menyi so.

Aizaaya 63:9

Enyɛnpe Ebɔrɛ na ka wu mbe basa ka wɔ etɔrɔ to nɛ k tɔrɔ mo ga nɛ e shuŋi mbe malaika nɛ e ba mɔlga bumo ashi awurfoŋ na to. Kashenteŋto Enyɛnpe Ebɔrɛ na bee wu kuwɔr pasaa, amoso nɛ e kɔ n suge mbe basa na. Mbe enɔ to nɛ e keta bumo nfɛ damta nɛ a choŋ ere kikɛ na.

Danɛl 3:27

Nɛ ewura na be benimuana na nɛ gomena be benimuana na ba kulti mbrantiɛbia asa na n wɔtɔ, nseŋ wu fanɛ edɛ na daa maŋ wora bumo shɛŋ. Bumo be emin koŋwule gba daa maŋ chɔɔ. Bumo be epiŋi malɛ gba maŋ chɔɔ. Bumo be ekama malɛ daa maa dufɛ edishi gba.

Zakareya 13:7

Kede be kaman nɛ Enyɛnpetale Ebɔrɛ na kaŋɛ: “Tokobi, koso ŋ kɔ mbolpɔkpapo nɛ e bee shuŋ a sa ma na m mɔ mo nɛ mbolpɔ na e yeŋ to m pesaŋ to. Saŋɛ na so meeŋ nya ŋ kɔ ma basa.

Malakai 3:1

Enyɛnpetale na yɛ: “Meeŋ shuŋi ma kabɔ nɛ e ya lɔŋɛ ekpa n yili ma. Nɛ Enyɛnpe Ebɔrɛ nɛ menyee fin na e ba mbe lambu to epul to. Ma kabɔ nɛ menyee jo na beeŋ ba bɔ ma kɔnɔ nase nɛ ma nɛ menyi kre na be kubɔya na n sa menyi.”

Maak 12:26

To, basa be ketiŋi luwu to na malɛ be asheŋ, men maŋ naŋ kraŋ kupumbi be kechɔɔ na be asheŋ ashi anebi Mosis be kawɔl na to a? Le nɛ Ebɔrɛ daŋ kaŋɛ Mosis ndoŋ: ‘Ma e la Eebraham be Ebɔrɛ nɛ Aizek be Ebɔrɛ nɛ Jeekɔb be Ebɔrɛ.’

Luuk 20:37

To, anebi Mosis gba ŋini basa be ketiŋi luwu to na be asheŋ ashi kupumbi be asheŋ to, ndoŋ nɛ e daŋ tre Enyɛnpe fanɛ Eebraham be Ebɔrɛ nɛ Aizek be Ebɔrɛ nɛ Jeekɔb be Ebɔrɛ na.

Baru lela nɛ Jɔn kute na 1:14

Esa nɛ baa tre Kamalga na daŋ ki dimɛdi nna m ba kaa wɔ anyi to. An wu mbe kemaŋkura nɛ kuwɔr be kakɛ nɛ kashenteŋ bɔlɔ kemaŋkura na to. Le be kemaŋkura ere la mo peya nna ŋkpal e ka la Ebɔrɛ Pibinyɛn koŋwule na so.

Romebi 8:3

Ŋkpal manɛ so, kusɔ nɛ mbra na daa maaŋ tiŋ n wora ŋkpal dimɛdi be kapɔr lubi ere ka maŋ kɔ eleŋ na so, Ebɔrɛ bre wora kumo. E shuŋi mo Pibinyɛn gbagba nna n ji m bri kulubi nɛ k wɔ dimɛdi be eyur to na. Mo Pibinyɛn na ta eyur fanɛ dimɛdi be alubi be eyur ere nna m ba lara kulubi ashi to.

Ditɛronɔmi 33:16

Ebɔrɛ e shin nɛ bumo be kasawule e baa kɔ asɔ lela. Enyɛnpe Ebɔrɛ na e ta mbe alelasheŋ n nɛfa bumo. Ŋkpal manɛ so, mo e la Enyɛnpe Ebɔrɛ nɛ e bɔla kupuŋ chɔɔso to m malga na. Ebɔrɛ e shin nɛ enɛfa ere e baa wɔ Efreim nɛ Manase be eyiriana so. Ŋkpal manɛ so, b la Josɛf nɛ e la mo niopibiana to be ejuŋkparpo na be mbia nna.

Ditɛronɔmi 4:20

Ama menyi ere la basa nɛ Enyɛnpe Ebɔrɛ na kɔ m mɔlga ashi Ijipt, kakpa nɛ kebaawɔtɔ daa du kpakpa ga n sa menyi na nna. E bar menyi nna nɛ men baa kaa la mo gbagba be basa, fanɛ kananɛ men tea la kabre ere.

2 Tɛsalɔnikaebi 1:7

Mo e naaŋ sa anyi nɛ menyi nɛ menyee ji awurfoŋ ere ewushi kachɛ nɛ Enyɛnpe Yesu beeŋ lara mbe kumu ŋ ŋini durnya saŋɛ nɛ mo nɛ mbe emalaika lempo beeŋ shi ebɔrɛso m ba nɛ edɛ chɔɔso

Demujipoana 13:13

Nɛ Enyɛnpe Ebɔrɛ be malaika na kaŋɛ le: “Fo eche daga fanɛ e wora m bɛ asheŋ nɛ ŋ kaŋɛ mo na kikɛ so nɛnɛ.