Ɛksodɔs 3:19 - EBƆRƐ BE KAWƆL

¹⁹ Ama n nyi Ijipt be ewura na ka maaŋ shin nɛ men yɔ, ama m baŋ ki mbe enɔ to nna pɔɛŋ nɛ e shuli.

Ɛksodɔs 3:19 ပူးပေါင်းရင်းမြစ်များ

Ɛksodɔs 10:20

Ama ade kikɛ be kaman nɛ Enyɛnpe Ebɔrɛ naŋ shin nɛ Fɛɛro be kagbene naŋ ki kpakpa nɛ e naŋ kini keshin nɛ Israɛlebi na e yɔ.

Ɛksodɔs 11:10

Kashenteŋ nɛ Mosis nɛ Ɛɛrɔn daŋ wora emamachisheŋ damta ere kikɛ ewura Fɛɛro be anishito, ama Enyɛnpe Ebɔrɛ daŋ shin nna nɛ Fɛɛro wora kagbene kpakpaso ŋ kini keshin nɛ Israɛl be basa na e lar mbe efuli so.

Ɛksodɔs 11:9

Ama Enyɛnpe Ebɔrɛ teŋ kaŋɛ Mosis fanɛ ewura Fɛɛro maaŋ nu n sa mo, saŋɛ na so, mo ere Ebɔrɛ be emamachisheŋ beeŋ wora keshi Ijipt to.

Ɛksodɔs 13:15

Ama saŋɛ nɛ Fɛɛro daŋ wora kagbene kpakpaso ŋ kini keshin nɛ an yɔ na, Enyɛnpe Ebɔrɛ daŋ mɔ Ijipt be kasawule so be ewurkoŋnyɛn kikɛ nna, edimɛdi nɛ asɔbɔya kikɛ peya. Ŋkpal loŋ so nɛ an ta asɔbɔya be bibinyɛn juŋkparso kikɛ a lara sarga a sa Enyɛnpe Ebɔrɛ na nsaa shin nɛ anyi be ewurkoŋnyɛn malɛ kikɛ bee ki cheembi a wɔtɔ a sa mo na.

Ɛksodɔs 4:21

Nɛ Enyɛnpe Ebɔrɛ naŋ kaŋɛ Mosis: “Fo kaŋ fo Ijipt, fo nyiŋi n wora emamachisheŋ nɛ n sa fo amo be eleŋ na kikɛ ashi ewura Fɛɛro be anishito. Ama meeŋ shin nɛ e wora mbe kagbene kpakpa ŋ kini fanɛ e maaŋ shin nɛ basa na e yɔ.

Ɛksodɔs 5:2

Ndoŋ nna nɛ ewura Fɛɛro bishi bumo le: “Wanɛ e la Enyɛnpe Ebɔrɛ ere nɛ k daga fanɛ n nu n sa mo n shin nɛ Israɛlebi e yɔ? Ma ere maŋ nyi Enyɛnpe Ebɔrɛ kama, ma alɛ maaŋ shin nɛ Israɛlebi na e yɔ.”

Ɛksodɔs 6:1

Ndoŋ nna nɛ Enyɛnpe Ebɔrɛ kaŋɛ Mosis le: “Naniere bre feeŋ wu kusɔ nɛ meeŋ wora ewura Fɛɛro. Ŋkpal ma eleŋ nɛ ŋ kɔ na so, e beeŋ shin nɛ ma basa e yɔ. Kashenteŋ nɛ mee kaŋɛ fo na fanɛ meeŋ tintiŋ mo hale nɛ e ju bumo nɛ b lar mbe kasawule ere so.”

Ɛksodɔs 8:28

Ade kikɛ be kaman nɛ Fɛɛro kaŋɛ: “To, n nu, meeŋ shin nɛ men yɔ keshishɛrsawule na so ya lara sarga n sa Enyɛnpe Ebɔrɛ nɛ e la men be Ebɔrɛ na, ama men sa maŋ yɔ kufɔ ga bre. Ama pɔɛŋ nɛ men yɔ men kule Ebɔrɛ nɛ ashushombi ere e yɔ ŋ ka anyi.”

Ɛksodɔs 9:35

Ndoŋ nna nɛ ewura Fɛɛro naŋ kini keshin nɛ Israɛl be basa na e yɔ fanɛ kananɛ Enyɛnpe Ebɔrɛ daŋ kaŋɛ fanɛ e beeŋ shin nɛ e wora na.

Ɛksodɔs 9:7

Ndoŋ nna nɛ Fɛɛro shuŋi m bishi Israɛlebi na kusɔ nɛ k wora bumo to nɛ b kaŋɛ mo fanɛ Israɛlebi na bre be asɔbɔya be kukoŋwule gba maŋ wu. Ama amo nɛ amo kikɛ nɛ Fɛɛro kraŋ wora kagbene kpakpaso ŋ kini keshin nɛ basa na e yɔ.