Ɛksodɔs 3:18 - EBƆRƐ BE KAWƆL

¹⁸ “Nɛ fo wora loŋ, Israɛl be benimu na beeŋ nu n sa fo nɛ fo keta bumo n yɔ Ijipt be ewura Fɛɛro kutɔ n ya kaŋɛ mo le: ‘Enyɛnpe Ebɔrɛ nɛ e la Israɛlebi be Ebɔrɛ na e lara mbe kumu ŋ ŋini anyi, amoso jande, sa anyi ekpa naniere nɛ an ta nchɛ asa n nite n yɔ keshishɛrsawule na so n ya lara sarga n sa Enyɛnpe Ebɔrɛ nɛ anyi be Ebɔrɛ na.’

Ɛksodɔs 3:18 ပူးပေါင်းရင်းမြစ်များ

Jɛnesis 12:1

Kachako nɛ Enyɛnpetale na kaŋɛ Eebram: “Lar fo efuli so nɛ fo basa to nɛ fo tuto be kowu to nseŋ yɔ kasawule nɛ mee sha keŋini fo ere so.

Jɛnesis 14:13

Ama kanyɛn ko bre daŋ nya mbe kumu n shile nseŋ ya kaŋɛ Eebram, Hibruw be esa na, asheŋ nɛ a daŋ wora na kikɛ. Eebram malɛ daŋ chena m mata ndibigboŋ ko nɛ a daa la Amɔriebi be esa ko nɛ baa tre Mamre na peya. Mamre nɛ mo sipoana Ɛshkɔl nɛ Anɛr nɛ Eebram daŋ yili kumo nna fanɛ baaŋ baa chɛ abar to.

Jɛnesis 15:1

Ade kikɛ be kaman nɛ Eebram ku bɔrɛdare nseŋ nu Enyɛnpe Ebɔrɛ na ka kaŋɛ mo: “Eebram, sa maa lɔ kufu. Ma e la fo ekumpo meeŋ ka fo kukɔ gboŋgboŋi.”

Jɛnesis 17:1

Eebram be nfɛ adekpanu nɛ akpanu be saŋɛ nɛ Enyɛnpe lar mo so ŋ kaŋɛ mo le: “Ma e la Enyɛnpetale na. Wora ma kasonu a bɛ ma ekpaana so nsaa la esa nɛ e maŋ kɔ amoso basa be anishito.

Jɛnesis 48:3

“Enyɛnpetale Ebɔrɛ lar ma so nna ashi Bɛtɛl nɛ k wɔ Keenan be kasawule so na n nɛfa ma,

2 Kronikɛls 30:12

Ebɔrɛ daŋ shuŋ mbe kushuŋ ashi Juda nna nseŋ leŋ basa na to nɛ b nya kɔnɔkoŋwule a wora ania a wora mo kasonu nsaa bɛ ewura na nɛ mbe benimuana na malɛ be mbra so.

Nshɛ 110:3

Kachɛ nɛ feeŋ kɔ fo doŋana kena na, fo basa gbagba e naŋ shuli n tu fo ŋ kɔ bumo. Fo mbrantiɛfɔlbi beeŋ ba fo kutɔ fanɛ kachipurdidi be bunyaŋ.

Ɛksodɔs 10:3

Ndoŋ nna nɛ Mosis nɛ Ɛɛrɔn naŋ yɔ Fɛɛro kutɔ n ya kaŋɛ mo fanɛ Enyɛnpe Ebɔrɛ, Israɛlebi be Ebɔrɛ na yɛ: “Shin nɛ ma basa e yɔ, saŋɛ na so, baaŋ ya bunyaŋ ma.

Ɛksodɔs 17:5

Ndoŋ nna nɛ Enyɛnpe Ebɔrɛ kaŋɛ Mosis le: “Ta fo kekpabi nɛ fo daŋ ta ŋ ŋmɛa Nail be lɔr na so na nseŋ keta Israɛlebi be benimu na be beko n ti fo kumu so n choŋ basa na so n yɔ anishito.

Ɛksodɔs 19:1

Ndoŋ nna nɛ Israɛlebi na lar Refidim. B ka daŋ lar Ijipt be kasawule so na be afɔl anyɔ nɛ b fo Sainai be keshishɛrsawule na so

Ɛksodɔs 25:22

Ndoŋ nɛ ma nɛ menyi beeŋ baa shɛr nɛ m baa bɔla chɛrubim anyɔ na be nferinto ashi buuso na so a ta ma mbra nɛ ma mmalga a sa fo nɛ fo alɛ e baa ta amo a sa Israɛlebi na.

Ɛksodɔs 3:12

Nɛ Ebɔrɛ kaŋɛ mo le: “Meeŋ baa wɔ fo kutɔ. Fo kaŋ ya lara basa na ashi Ijipt be efuli so m ba kebee ere so nfe m ba bunyaŋ ma na nɛ feeŋ pin fanɛ ma e shin nɛ loŋ wora.”

Ɛksodɔs 3:16

Yɔ n ya tre Israɛlebi na be bejuŋkparpo kikɛ n shɛr ŋ kaŋɛ bumo fanɛ Enyɛnpe Ebɔrɛ nɛ e la men nananyɛnana, Eebraham nɛ Aizek nɛ Jeekɔb be Ebɔrɛ na e lar ma so ŋ kaŋɛ: ‘Ŋ keni n wu kusɔ nɛ baa wora menyi ashi Ijipt be efuli so nɛ menyi be asheŋ tir ma ga.’

Ɛksodɔs 30:36

Shin nɛ b kɔr ako nɛ a pe fanɛ nyifu na n ta amo ŋ ŋmenyaŋ kɔnɔkoŋwule be ŋkre be deka na be anishito ashi Enyɛnpe be wajɛbu na to be kakpa nɛ ma nɛ fo beeŋ baa tu abar na. A daga fanɛ men baa ta duwu na fanɛ asɔ cheembi.

Ɛksodɔs 30:6

Kede be kaman nɛ men ta bɔrɛsure na n yili kakpa nɛ ma nɛ fo beeŋ baa shɛr na be patisa nɛ k kuŋ kɔnɔkoŋwule be ŋkre be deka na nɛ kumo be buuso nɛ baa tre kuwɔr be kakpa na be anishito na.

Ɛksodɔs 4:1

Ndoŋ nna nɛ Mosis kaŋɛ Enyɛnpe Ebɔrɛ le: “To, nɛ b ka maŋ yirda ma ŋko n nu n sa kusɔ nɛ meeŋ kaŋɛ bumo na nseŋ kaŋɛ le: ‘Enyɛnpe maŋ lar fo so a?’ ”

Ɛksodɔs 4:23

Amoso nɛ n yɛ fo shin nɛ ma basa e yɔ n ya bunyaŋ ma na. Nɛ fo baŋ kini, kumo ere, meeŋ mɔ fo wurkoŋnyɛn.’ ”

Ɛksodɔs 4:24

B ka bee yɔ Ijipt nseŋ ya fo kakpa ko n dese ŋklade nɛ Enyɛnpe Ebɔrɛ lar Mosis so ndoŋ a shin nɛ e mɔ mo.

Ɛksodɔs 4:31

nɛ b yirda kusɔ nɛ e kaŋɛ na. Kumo be buushi, Israɛlebi na ka nu fanɛ Enyɛnpe Ebɔrɛ wu kananɛ baa tɔrɔ bumo na nsaa shin nɛ e chɛ bumo to nɛ b gbir m bunyaŋ mo.

Ɛksodɔs 5:1

Ade kikɛ be kaman nɛ Mosis nɛ Ɛɛrɔn yɔ Ijipt be ewura Fɛɛro kutɔ n ya kaŋɛ mo le: “Enyɛnpe Ebɔrɛ nɛ e la Israɛlebi be Ebɔrɛ na yɛ: ‘Shin nɛ ma basa e yɔ n ya wora kejigboŋ m bunyaŋ ma ashi keshishɛrsawule na so.’ ”

Ɛksodɔs 5:3

Ndoŋ nna nɛ Mosis nɛ Ɛɛrɔn kaŋɛ: “Israɛlebi be Ebɔrɛ na e lara mbe kumu ŋ ŋini anyi. Amoso sa anyi ekpa nɛ an ta nchɛ asa n nite n yɔ keshishɛrsawule na so n ya lara sarga ndoŋ n sa Enyɛnpe Ebɔrɛ nɛ e la anyi be Ebɔrɛ na. Nɛ mannɛ aloŋ e beeŋ shin nɛ alɔ ŋko kena e ba mɔ anyi.”

Ɛksodɔs 7:16

E kaŋ ba nɛ fo kaŋɛ mo le: ‘Enyɛnpe Ebɔrɛ, Israɛlebi be Ebɔrɛ na e shuŋi ma fo kutɔ fanɛ ŋ kaŋɛ fo fanɛ fo shin nɛ mbe basa e yɔ keshishɛrsawule so n ya bunyaŋ mo’, ama hale mbre fo maŋ naŋ nu n sa ma.

Ɛksodɔs 8:1

Nɛ e kaŋɛ Mosis le: “Yɔ Fɛɛro kutɔ n ya kaŋɛ mo: ‘Kusɔ nɛ Enyɛnpe Ebɔrɛ kaŋɛ e la fanɛ fo shin nɛ mbe basa e yɔ, saŋɛ na so baaŋ ya bunyaŋ mo.’

Ɛksodɔs 8:20

Nɛ Enyɛnpe Ebɔrɛ naŋ kaŋɛ Mosis: “Wule ŋ koso echefo chipurso n ya tu Fɛɛro saŋɛ nɛ e bee yɔ lɔr ase na ŋ kaŋɛ mo fanɛ Enyɛnpe Ebɔrɛ yɛ: ‘Shin nɛ ma basa e yɔ n ya bunyaŋ ma.

Ɛksodɔs 8:23

Meeŋ barga ma basa ashi fo basa to. Echefo nɛ le be kemamachisheŋ ere malɛ beeŋ wora.’ ”

Ɛksodɔs 9:1

Ade kikɛ be kaman nɛ Enyɛnpe Ebɔrɛ naŋ kaŋɛ Mosis: “Yɔ Fɛɛro kutɔ n ya kaŋɛ mo fanɛ Enyɛnpe Ebɔrɛ, Israɛlebi be Ebɔrɛ na yɛ: ‘Shin nɛ ma basa e yɔ, saŋɛ na so baaŋ ya bunyaŋ ma.

Ɛksodɔs 9:13

Kumo be kaman nɛ Enyɛnpe Ebɔrɛ naŋ kaŋɛ Mosis le: “Echefo kachipurdidi, fo wule ŋ koso n ya tu ewura Fɛɛro ŋ kaŋɛ mo fanɛ Enyɛnpe Ebɔrɛ Israɛlebi be Ebɔrɛ na yɛ: ‘Shin nɛ ma basa e yɔ, saŋɛ na so baaŋ ya bunyaŋ ma.

Aizaaya 64:5

Bekama nɛ baa ta kagbenefuli a wora fo kasonu nsaa wora asɔ nɛ fee sha na, fo alɛ bee chɛ bumo to nna. Ama kulubi bre bee shin nɛ fo kagbene bee kaa nna. Fo nawule e naaŋ tiŋ n chɛ anyi to n shin nɛ an nya kumɔlga.

Jɛremaya 2:2

n ya bɔ kubɔya ere n sa Jerusalɛm to be basa kikɛ. E yɛ: “N nyiŋi kananɛ men daa ji kashenteŋ a sa ma jemanɛ nɛ men daa du fanɛ mbifɔlbi na be asheŋ. Ma alɛ naŋ nyiŋi kananɛ men daa sha ma jemanɛ nɛ ma nɛ menyi daŋ ba abar so fanɛ basa nɛ b kraŋ luri kakil to sososo na gba be asheŋ. Menyi alɛ daŋ bɛ ma so n nite keshishɛrsawule fuloŋ so.

Jɛremaya 2:6

Ŋ ka daŋ mɔlga bumo ashi Ijipt be efuli so nseŋ juŋkpar bumo m bɔla kasawule fuloŋ nɛ k la eshishɛr nɛ e biti abar so nawule nseŋ naa la kasawule wɔlso nɛ k kɔ kufu nɛ esa kikɛ maŋ wɔ kumo so ŋko a sha kenite kumo so na be kaman, men nananyɛnana be shɛŋ daa maŋ wɔ ma to.

Jɛremaya 26:5

nsaa ta menyi be lakal a wɔtɔ ma mmalga nɛ mee ta a sa ma anya, anebiana, nɛ mee shuŋi bumo menyi kutɔ jemanɛ kikɛ na to. Menyi maŋ naŋ wora asɔ nɛ baa kaŋɛ menyi na kasonu kikɛ.

Nɔmbɛs 17:4

Nɛ fo ta akpabi na n ya yili ŋkre be deka na be anishito, ashi Enyɛnpe be wajɛbu na be kakpa nɛ mee kaa tu fo na.

Joshuwa 1:17

Kananɛ an baŋ nu n sa Mosis na, loŋ nɛ anyeeŋ nu n sa fo alɛ gba. Enyɛnpe Ebɔrɛ na e ba wɔ fo kaman fanɛ kananɛ e daa wɔ Mosis be kaman na.