Ɛksodɔs 3:17 - EBƆRƐ BE KAWƆL

¹⁷ Ma alɛ yili kumo fanɛ meeŋ lara menyi ashi tɔrɔ nɛ menyee ji ashi Ijipt be efuli so na to n yɔ Keenanebi nɛ Hitebi nɛ Amɔriebi nɛ Pɛrizebi nɛ Hivebi nɛ Jebusiebi be nsawuleana so. Loŋ be nsawule na e kɔ kanya alegaiso nsaa wora ajibi nɛnɛ.”

Ɛksodɔs 3:17 ပူးပေါင်းရင်းမြစ်များ

Jɛnesis 46:4

Ma nɛ fo e naaŋ yɔ Ijipt, ama kachako abaanaaworasheŋ meeŋ naŋ bar fo kanaŋ to ebi kasawule ere so. Fo luwu achɛ, Josɛf beeŋ keta fo nɛ fo wu.”

Jɛnesis 50:24

Kachako nɛ e kaŋɛ mo daana na le: “To, k maaŋ naŋ chɛr ko nɛ n wu, ama abaanaaworasheŋ Ebɔrɛ maaŋ yige menyi n to, e beeŋ keni menyi so nseŋ juŋkpar menyi, n lara menyi kasawule ere so n ta menyi n yɔ kakpa nɛ e daŋ nase kɔnɔ n sa Eebraham nɛ Aizek nɛ Jeekɔb fanɛ e beeŋ sa na.”

Jɛnesis 50:25

Kede be kaman nɛ Josɛf kaŋɛ mo daana na le: “Ama, men nase kɔnɔ n sa ma fanɛ ŋ kaŋ wu nɛ Ebɔrɛ lara menyi nfe, menyeeŋ ta ma eyur n ti so n yɔ.”

1 Kronikɛls 1:15

nɛ Hivebi nɛ Aakebi nɛ Sinebi,

Nshɛ 102:21

Amoso Jerusalɛmebi kikɛ e ber mbe asheŋ be kubomboŋ, nseŋ kpaŋ Enyɛnpe Ebɔrɛ be ketre na,

Ɛksodɔs 13:5

Enyɛnpe Ebɔrɛ kaŋ baŋ yɛr menyi basa nɛ baa tre Keenanebi nɛ Hitebi nɛ Amɔriebi nɛ Hivebi nɛ Jebusiebi be kasawule nɛ e nase kumo be kɔnɔ n sa men nananyɛnana fanɛ e beeŋ ta n sa menyi na so, men baa kraa wora le be kesheŋ ere kufɔl ere to.

Ɛksodɔs 32:34

Amoso, bɛta n ya juŋkpar basa na n yɔ kakpa nɛ ŋ ŋini fo na nsaa nyi fanɛ meeŋ shin nɛ ma malaika e baa juŋkpar menyi, ama meeŋ gberge basa na kusoe kachako, ŋkpal bumo be kulubi na so.”

Ɛksodɔs 33:3

Ama ma ere gbagba bre maaŋ naŋ tu menyi n yɔ, nɛ mannɛ aloŋ meeŋ mur menyi ekpa to n loge, ŋkpal men be amukpakpaso so.”

Ɛksodɔs 6:6

Ŋkpal loŋ so, kaŋɛ Israɛl be basa na fanɛ ŋ kaŋɛ fanɛ: ‘Ma e la Enyɛnpe Ebɔrɛ na, ma alɛ beeŋ lara menyi ashi kenyaya nɛ men wɔtɔ ashi Ijipt to na to. Meeŋ bɔla ma eleŋgboŋ na so ŋ gberge Ijiptebi kusoe nɛ b shin nɛ men nya men be amu.

Jɛremaya 11:5

Kumo be kaman nɛ n wora m bɔlɔ kɔnɔ nɛ n nase n sa bumo nanaana na fanɛ meeŋ sa bumo kasawule lela nɛ k bee wora adɔjibi nɛnɛ nɛ b kɔ naniere na so.” Kede be kaman nɛ ŋ kaŋɛ le: “Mm, Enyɛnpe Ebɔrɛ, k la kashenteŋ nna.”

Jɛremaya 32:22

Kumo be kaman nɛ fo ta kasawule nɛ k kɔ eleŋ a wora adɔjibi nɛnɛ ga na n sa Israɛlebi bumo nananyɛnana.

Ezikɛl 20:6

Loŋ be kachɛ na nɛ e nase kɔnɔ fanɛ e beeŋ lara bumo Ijipt be efuli so n yɔ kasawule nɛ k kɔ kanya alegaiso nsaa wora adɔjibi ga nseŋ naa la kasawule nɛ k walɛ a chɔ nsawule kikɛ nɛ mo gbagba fin n yili bumo na so.

Levitikɔs 20:24

N nase kasawule nɛ kenya n ji nseŋ nuu yɛlyɛla so ere be kɔnɔ nna n sa menyi fanɛ k ki menyeya. Ma alɛ beeŋ ta kumo n sa menyi nɛ k baa la menyi be kapetɛsɔ. Ma e la Enyɛnpe Ebɔrɛ, men be Ebɔrɛ nɛ n lara menyi n yili nɛ men baa kɔr efuli pɔtɛana be basa to na.

Nɔmbɛs 13:27

Le nɛ b daŋ kaŋɛ Mosis: “An ya keni kasawule na nseŋ wu fanɛ k la kasawule lela nna. Kumo be asɔrso gba be ako nde.

Ditɛronɔmi 26:9

Kumo be kaman nɛ e bar anyi nfe m ba ta kasawule nɛ k walɛ nsaa kɔ eleŋ a wora adɔjibi ere n sa anyi.

Ditɛronɔmi 6:3

Israɛlebi, men nu amo nɛnɛ nseŋ wora amo kasonu! Aloŋ e naaŋ shin nɛ asheŋ e nyalɛ n sa menyi nɛ men ki efuligboŋ nseŋ naŋ tiŋ n chena kasawule lela nɛ k bee wora adɔjibi ga na so, fanɛ kananɛ Enyɛnpe, an nanaana be Ebɔrɛ na, nase kɔnɔ na.

Joshuwa 24:11

Men ka dii Jɔɔdan be lɔr na m ba Jɛriko, nɛ Jɛriko be basa na kɔ menyi kena. Loŋ gbagba nɛ Amɔriebi nɛ Pɛrizebi nɛ Keenanebi nɛ Hitebi nɛ Gɛgashebi nɛ Hivebi nɛ Jebusiebi daŋ kɔ menyi. Ama n shin nɛ men kɔ m pɔɔ bumo kikɛ so.

Joshuwa 5:6

Bumo be bekama nɛ b daŋ fo kena be kekɔ saŋɛ so nɛ Israɛlebi na daŋ lar Ijipt be kasawule so a na keshishɛrsawule na so nfɛ adena na bre kikɛ daŋ wu nna ŋkpal b ka maŋ wora Enyɛnpe Ebɔrɛ na kasonu so. Loŋ koŋwule na nɛ bumo nananyɛnana daŋ ta kusoe kpakpaso m paŋ kasawule lela nɛ Enyɛnpe Ebɔrɛ nase kɔnɔ fanɛ e beeŋ sa bumo na.

Joshuwa 9:1

Bewura nɛ b wɔ Jɔɔdan be lɔr na be epeŋitɔrkpa be efuli nɛ k wɔ abee be kaba so nseŋ kra Mɛditerenia be teku na be kepla n ya fo Lebanɔn na daŋ nu Israɛlebi be kekɔmpɔɔso na be asheŋ nna. B daa la Hitebi nɛ Amɔriebi nɛ Keenanebi nɛ Pɛrizebi, nɛ Hivebi nɛ Jebusiebi be bewura nna.