Ɛksodɔs 3:16 - EBƆRƐ BE KAWƆL

¹⁶ Yɔ n ya tre Israɛlebi na be bejuŋkparpo kikɛ n shɛr ŋ kaŋɛ bumo fanɛ Enyɛnpe Ebɔrɛ nɛ e la men nananyɛnana, Eebraham nɛ Aizek nɛ Jeekɔb be Ebɔrɛ na e lar ma so ŋ kaŋɛ: ‘Ŋ keni n wu kusɔ nɛ baa wora menyi ashi Ijipt be efuli so nɛ menyi be asheŋ tir ma ga.’

Ɛksodɔs 3:16 ပူးပေါင်းရင်းမြစ်များ

Jɛnesis 1:7

Loŋ ka wora nɛ Ebɔrɛ barga nchu na to ntunnyɔ, n shin nɛ katuŋ ko wɔ esoso nɛ kuko malɛ wɔ kasawule nɛ kunji wɔ amo be nferinto.

Jɛnesis 21:1

Eebraham nɛ mbe eche wɔtɔ loŋ nɛ Enyɛnpe na ba buu Sɛɛra wulo so fanɛ kananɛ e daŋ nase kɔnɔ fanɛ e beeŋ wora na.

Jɛnesis 28:13

E daŋ wu fanɛ Enyɛnpe na e daa yil kumo be kumu so gbagba na. Ndoŋ nɛ Enyɛnpe na daa yil nseŋ kaŋɛ mo le: “Ma e la Enyɛnpetale, fo nananyɛn Eebraham be Ebɔrɛ nɛ Aizek be Ebɔrɛ na. Meeŋ ta kasawule mo nɛ fo dese so ere n sa fo nɛ fo kaman to ebi.

Jɛnesis 48:15

E ka wora loŋ na be kaman nɛ e nɛfa Josɛf nseŋ kaŋɛ: “Ebɔrɛ mo nɛ n nananyɛn Eebraham nɛ n tuto Aizek daŋ shuŋ na e nɛfa fo mbia ere. Mo, Ebɔrɛ koŋwule mo nɛ e juŋkpar ma a keni ma so fanɛ asɔbɔyakpapo na e nɛfa bumo.

Jɛnesis 50:24

Kachako nɛ e kaŋɛ mo daana na le: “To, k maaŋ naŋ chɛr ko nɛ n wu, ama abaanaaworasheŋ Ebɔrɛ maaŋ yige menyi n to, e beeŋ keni menyi so nseŋ juŋkpar menyi, n lara menyi kasawule ere so n ta menyi n yɔ kakpa nɛ e daŋ nase kɔnɔ n sa Eebraham nɛ Aizek nɛ Jeekɔb fanɛ e beeŋ sa na.”

Nshɛ 102:21

Amoso Jerusalɛmebi kikɛ e ber mbe asheŋ be kubomboŋ, nseŋ kpaŋ Enyɛnpe Ebɔrɛ be ketre na,

Nshɛ 33:18

Enyɛnpe Ebɔrɛ na bee keni bekama nɛ baa wora mo kasonu so nna; nɛ mbe kasha nɛ k maa loge na malɛ wɔ bekama nɛ b yirda mo na so.

Nshɛ 8:4

kusɔ nɛ mee bishi e la fanɛ: “Manɛ bre e baa la dimɛdi nɛ mbe asheŋ tir fo, nɛ fee fɛ mbe asheŋ loŋ?”

Ɛksodɔs 1:8

Ndoŋ nna nɛ esa popɔr ko nɛ e daa maŋ nyi Josɛf ba ji Ijipt be efuli so be kuwura.

Ɛksodɔs 13:19

B ka daa lar Ijipt be kasawule so na Mosis muu Josɛf be awibi nna, ŋkpal Josɛf ka daŋ shin nɛ Jeekɔb be mbia nase kɔnɔ n sa mo pɔɛŋ nɛ e wu so. Le nɛ e daŋ kaŋɛ bumo: “Abaanaaworasheŋ Ebɔrɛ beeŋ ba mɔlga menyi kachako. Nɛ mo alɛ kaŋ mɔlga menyi, men ta ma kebuni be awibi n ti menyi be amu so n lar Ijipt.”

Ɛksodɔs 15:14

Efuli pɔtɛana so ebi gba kaŋ nu kesheŋ ere, kufu beeŋ pɛ bumo nɛ Filistiebi gba e fara a chicha kufuso ga.

Ɛksodɔs 17:5

Ndoŋ nna nɛ Enyɛnpe Ebɔrɛ kaŋɛ Mosis le: “Ta fo kekpabi nɛ fo daŋ ta ŋ ŋmɛa Nail be lɔr na so na nseŋ keta Israɛlebi be benimu na be beko n ti fo kumu so n choŋ basa na so n yɔ anishito.

Ɛksodɔs 18:12

Ndoŋ nna nɛ Jetro lara sarga chɔɔso nɛ esarga pɔtɛana ko n sa Ebɔrɛ. Ɛɛrɔn nɛ Israɛlebi be bejuŋkparpo na kikɛ daŋ ya tu Mosis mo shanyɛn Jetro nna n ji kejigboŋ Ebɔrɛ be anishito.

Ɛksodɔs 2:25

Israɛlebi na be asheŋ daŋ tir mo ga m pɛ mo kuwɔr ŋkpal kenyaya nɛ b daa wɔ to na so.

Ɛksodɔs 24:11

Ama Ebɔrɛ daa maŋ teŋi mbe enɔ m bar tɔrɔ Israɛl be bejuŋkparpo na be ekama so. B daŋ wu mo kenishiso nseŋ kraa wɔtɔ a ji a nuu.

Ɛksodɔs 3:2

Ndoŋ nɛ Enyɛnpe Ebɔrɛ be malaika lar mo so fanɛ edɛ be adondulombi na ashi kupumbi ko to. Mosis daŋ wu kupumbi na ka bee suse edɛ ama kumo alɛ daa maa chɔɔ a mur.

Ɛksodɔs 3:6

Ma e la fo tutoana, Eebraham nɛ Aizek nɛ Jeekɔb be Ebɔrɛ na.” Ndoŋ nna nɛ Mosis kurgi kumu n yuu to, ŋkpal e ka daa ŋana kekeni Ebɔrɛ na so.

Ɛksodɔs 4:1

Ndoŋ nna nɛ Mosis kaŋɛ Enyɛnpe Ebɔrɛ le: “To, nɛ b ka maŋ yirda ma ŋko n nu n sa kusɔ nɛ meeŋ kaŋɛ bumo na nseŋ kaŋɛ le: ‘Enyɛnpe maŋ lar fo so a?’ ”

Ɛksodɔs 4:29

Kumo be kaman nɛ Mosis nɛ Ɛɛrɔn yɔ Ijipt n ya shɛr Israɛlebi be benimu na kikɛ abar so.

Ɛksodɔs 4:31

nɛ b yirda kusɔ nɛ e kaŋɛ na. Kumo be buushi, Israɛlebi na ka nu fanɛ Enyɛnpe Ebɔrɛ wu kananɛ baa tɔrɔ bumo na nsaa shin nɛ e chɛ bumo to nɛ b gbir m bunyaŋ mo.

Ɛksodɔs 4:5

Nɛ Enyɛnpe Ebɔrɛ kaŋɛ Mosis: “Fo baŋ wora loŋ, baaŋ yirda fanɛ Enyɛnpe Ebɔrɛ, bumo nananyɛnana Eebraham nɛ Aizek nɛ Jeekɔb be Ebɔrɛ na e lar fo so.”

Matiu 26:3

Kumo be jemanɛ na so nɛ bɔrɛmatapowuraana nɛ basa na be benimuana shɛr bɔrɛmatapo nimuso nɛ baa tre Kayafas na be lambu na to

Luuk 1:68

“Men shin nɛ an di Enyɛnpe, Israɛl be Ebɔrɛ epaŋ. Mo e ba mbe basa be kechɛto to m ba sɔ bumo n yige.

Luuk 19:44

nseŋ da menyi be kade ere n lɛ kasawule nseŋ mur menyi kikɛ nɛ kumo to be egbalana ere kikɛ e buri to nyam n deŋi abar so le kululu. Ŋkpal manɛ so, men daa maŋ pin jemanɛ nɛ Ebɔrɛ daŋ ba nɛ e ba mɔlga menyi na.”

Ashuŋ Shunso 11:30

B ka wora toto na n loge nɛ b ta amansherbi na n shuŋi Baanabas nɛ Sɔɔl nɛ b ya sa ndoŋ be asɔriebi be benimuana na.

Ashuŋ Shunso 15:14

Naniere nɛ Saimɔn kute kananɛ Ebɔrɛ fara n sha nnyamase na n lara bumo to be basa nɛ baaŋ baa la mo peya.

Ashuŋ Shunso 20:17

Ndoŋ nna nɛ Pɔɔl yili Mailites n shuŋi kabɔ fanɛ e ya kaŋɛ ndoŋ be asɔriebi be benimuana fanɛ b shɛr mo to.

1 Pita 2:12

Men baa kɔ da lela a wɔ basa nɛ b maŋ la bebɛsopo na to, saŋɛ na so nɛ b kaa malga a gbiti menyi fanɛ alubiworapoana, baaŋ wu men be alelasheŋ nseŋ ta kemaŋkura n sa Ebɔrɛ kachɛ nɛ e beeŋ ba na.

1 Pita 5:1

To, naniere a ka menyi to be bejuŋkparpo nɛ b du fanɛ kananɛ ma alɛ gba la men barkasa ejuŋkparpo ere nsaa la esa nɛ n la Kristo be tɔrɔ be shɛdajipo nseŋ naa la esa nɛ meeŋ tu bumo nɛ baaŋ nya kemaŋkura na saŋɛ nɛ k lar efuli na.

Ruf be kawɔl 1:6

E wɔ Mowab nna nseŋ nu fanɛ Enyɛnpe Ebɔrɛ na wora mo ere Enyɛnpe Ebɔrɛ na be basa kechɛto n sa bumo ajibi. Nawomi ka nu loŋ na nɛ mo nɛ mo shacheana na bela ase nɛ b kaa Mowab m bɛta n yɔ Nawomi be efuli so.