Ɛksodɔs 3:15 - EBƆRƐ BE KAWƆL

¹⁵ Kede be kaman nɛ Ebɔrɛ naŋ kaŋɛ Mosis fanɛ e kaŋɛ Israɛlebi na le: “Enyɛnpe Ebɔrɛ nɛ e la men nananyɛnana Eebraham nɛ Aizek nɛ Jeekɔb be Ebɔrɛ na e shuŋi ma menyi kutɔ. Ketre ere malɛ e naaŋ baa la ma ketre hale mbaanaayɔ. Loŋ nɛ men be kaman to ebi kikɛ gba beeŋ ba kaa tre ma.

Ɛksodɔs 3:15 ပူးပေါင်းရင်းမြစ်များ

Jɛnesis 24:12

Kumo be kaman nɛ e kule Ebɔrɛ ŋ kaŋɛ: “O, Enyɛnpe, n nyɛnpe Eebraham be Ebɔrɛ, sa ma kumulela kabre n wora n nyɛnpe Eebraham kelela.

1 Kronikɛls 16:16

loŋ be ŋkre na nɛ mo nɛ Eebraham kre, nɛ e nase kumo be kɔnɔ n sa Aizek malɛ na.

1 Kronikɛls 29:18

Enyɛnpe Ebɔrɛ nɛ fo la an nananyɛn Eebraham nɛ Aizek nɛ Jeekɔb be Ebɔrɛ na, shin nɛ fo basa e baa kɔ kakɛ be ŋgbene nsaa ji kashenteŋ a sa fo loŋ mbaanaayɔ.

2 Kronikɛls 28:9

Kede be kaman nɛ kanyɛn ko nɛ baa tre Odɛd nɛ e la Enyɛnpe Ebɔrɛ be anebi a wɔ Samɛria be kade to na lar n ya shɛr Israɛlebi be benapo nɛ b keta Juda b basa nɛ b pɛ kena to a ba Samɛria na to, saŋɛ so nɛ b daa shin nɛ b luri kade to na, nseŋ kaŋɛ bumo le: “Enyɛnpe men nananyɛnana be Ebɔrɛ na daŋ nya agbo nna n wɔtɔ Juda nseŋ shin nɛ men kɔ m pɔɔ bumo so, ama mo alɛ naŋ wu kananɛ men maŋ wu bumo kuwɔr nseŋ mɔ bumo alegaiso.

Nshɛ 102:12

Ama fo, Enyɛnpe Ebɔrɛ na la ewura nna mbaanaayɔ; nɛ yili kenana ko m ba tu kenana ko to ebi bee nyiŋi fo asheŋ.

Nshɛ 102:13

Fo e naaŋ shu Jerusalɛmebi so, ŋkpal manɛ so, jemanɛ fo nɛ feeŋ wu bumo kuwɔr.

Nshɛ 135:13

O Enyɛnpe Ebɔrɛ, fo ketre wɔtɔ nna mbaanaayɔ, kekurgeto kikɛ to be basa beeŋ baa nyiŋi kumo.

Nshɛ 30:4

Menyi nɛ menyee ji kashenteŋ na e boŋ nshɛ n chɔrɔ Enyɛnpe Ebɔrɛ, ŋkpal asɔ lela nɛ e wora n sa anyi na so.

Nshɛ 30:5

E maa nya agbo a chɛr; Mbe kelela bre wɔtɔ nna n sa esa saŋɛ nɛ e wɔ ŋkpa to kikɛ. Kushu beeŋ tiŋ m ba kanyɛso, ama kare tea ka chɛ nɛ kagbenefuli ba.

Nshɛ 68:5

Mo e wɔ mbe kakpa cheembi, nsaa la amunibi bumo tuto a kuŋ bekulpoche na.

Nshɛ 72:17

Shin nɛ basa e baa nyiŋi ewura na be ketre mbaanaayɔ, n shin nɛ mbe kemaŋkura e baa fulto fanɛ epeŋi. Shin nɛ efuliana na be basa e bɔla mo so n dii kedama nseŋ kule Ebɔrɛ be nɛfa n sa mo.

Nshɛ 72:19

Anyeeŋ baa kpaŋ fo ketre nɛ k kɔ kemaŋkura na jemanɛ kikɛ. Shin nɛ fo kemaŋkuragboŋ na e dii efuli durnya ere be kaplɛkama. Amɛn! Amɛn!

Ɛksodɔs 15:2

Enyɛnpe Ebɔrɛ na e la ma elempo nɛ ma emɔlgapo. Meeŋ boŋ kashɛ ŋ dele mo. Mo e la ma Ebɔrɛ, amoso meeŋ di mo epaŋ. N tuto be Ebɔrɛ e la mo, amoso meeŋ fur mo.

Ɛksodɔs 15:3

Mbe ketre e la Enyɛnpe Ebɔrɛ na. Mo e la enakɔpo na.

Ɛksodɔs 3:13

Ndoŋ nna nɛ Mosis naŋ kaŋɛ: “Nɛ ŋ kaŋ yɔ Israɛlebi na kutɔ n ya kaŋɛ bumo le: ‘Men nananyɛnana be Ebɔrɛ e shuŋi ma menyi kutɔ.’ Nɛ b kaŋ bishi ma fanɛ: ‘Mbe ketre e la nuso?’ Nuso nɛ meeŋ kaŋɛ bumo?”

Ɛksodɔs 3:6

Ma e la fo tutoana, Eebraham nɛ Aizek nɛ Jeekɔb be Ebɔrɛ na.” Ndoŋ nna nɛ Mosis kurgi kumu n yuu to, ŋkpal e ka daa ŋana kekeni Ebɔrɛ na so.

Ɛksodɔs 4:1

Ndoŋ nna nɛ Mosis kaŋɛ Enyɛnpe Ebɔrɛ le: “To, nɛ b ka maŋ yirda ma ŋko n nu n sa kusɔ nɛ meeŋ kaŋɛ bumo na nseŋ kaŋɛ le: ‘Enyɛnpe maŋ lar fo so a?’ ”

Ɛksodɔs 4:5

Nɛ Enyɛnpe Ebɔrɛ kaŋɛ Mosis: “Fo baŋ wora loŋ, baaŋ yirda fanɛ Enyɛnpe Ebɔrɛ, bumo nananyɛnana Eebraham nɛ Aizek nɛ Jeekɔb be Ebɔrɛ na e lar fo so.”

Ɛksodɔs 6:2

Ebɔrɛ ka kaŋɛ loŋ n loge na nɛ e naŋ kaŋɛ Mosis le: “Ma e la Enyɛnpe Ebɔrɛ na.

Aŋasa 18:10

Enyɛnpe Ebɔrɛ du fanɛ ketempreŋ kuŋso nna nɛ basa nɛ baa wora asheŋ niŋiso bee shile a yɔ mo kutɔ n ya kaa nya kekuŋ.

Aizaaya 26:8

Anyee bɛ fo aparsheŋ so nna nsaa ta anyi be tama a to fo so. Fo nawule be ketre nɛ anyee sha fanɛ k baa nya kemaŋkura ashi anyi be ŋgbene to.

Aizaaya 42:8

N nawule kpeŋ e la Enyɛnpe Ebɔrɛ na. M maaŋ shuli nɛ agbir ŋko edimɛdi e sɔ kemaŋkura nɛ bunyaŋ nɛ e daga ma na.

Aizaaya 63:12

Nnɛ nɛ Enyɛnpe Ebɔrɛ nɛ e bɔla Mosis so n ta mbe eleŋ n wora asheŋgboŋ n shin nɛ teku peper barga to anyɔ nɛ ekpa dese kumo to nɛ mbe ketre dii mbaanaayɔ na wɔ?”

Aizaaya 9:6

Ebɔrɛ sa anyi ebi ko! E sa anyi ebinyɛn! Mo e naŋ baa la anyi be ewura. Baaŋ tre mo Mamachi be asoetojipo, nɛ Ebɔrɛ Lempo nɛ Etuto nɛ e wɔtɔ Mbaanaayɔ nɛ Kayurwushi be Ewurbi.

Jɛremaya 33:2

“Ma, e la Enyɛnpe Ebɔrɛ nɛ n to durnya n yili kakpa nɛ k wɔ ere. Ma ketre e la Enyɛnpe Ebɔrɛ na.

Danɛl 2:23

N nananyɛnana be Ebɔrɛ, mee di fo epaŋ nsaa bunyaŋ fo. Fo e sa ma kanyiasheŋ nɛ eleŋ; fo alɛ nu ma kabɔrɛkule nseŋ ŋini ma ewura na be edare na be kifito.”

Hoziya 12:5

Mo e la Enyɛnpetale Ebɔrɛ nɛ e daga bunyaŋ na.

Hoziya 12:6

Amoso menyi Jeekɔb be kanaŋ to ebi, men yirda menyi be Ebɔrɛ nseŋ bɛta m ba mo kutɔ. Men ta kasha nɛ kashenteŋji a jo menyi be Ebɔrɛ na kanyitiso nɛ e ba kɔ n sa menyi.

Maika 4:5

Efuli kama so ebi bee bunyaŋ nsaa wora bumo be kegbir kasonu nna, ama anyi ere beeŋ baa bunyaŋ nsaa wora Enyɛnpe anyi be Ebɔrɛ na kasonu nna mbaanaayɔ.

Malakai 3:6

Ma e la Enyɛnpe Ebɔrɛ nɛ maa chɛrga kikɛ na. Amoso menyi nɛ men la Jeekɔb be kaman to ebi na maaŋ mur cheche.

Matiu 22:32

Ebɔrɛ yɛ: ‘Ma e la Eebraham be Ebɔrɛ nɛ Aizek be Ebɔrɛ nɛ Jeekɔb be Ebɔrɛ.’ Ebɔrɛ maŋ la bubuni be Ebɔrɛ. E la basa nɛ b wɔ ŋkpa to be Ebɔrɛ nna.”

Ashuŋ Shunso 3:13

An nananyɛnana Eebraham nɛ Aizek nɛ Jeekɔb nɛ anyi be kanaŋ to ebi kikɛ be Ebɔrɛ na e sa mbe Kenya Yesu kemaŋkura. Mo nɛ men daŋ ta m bɔɔ belempo enɔ nseŋ kini mo Pailat be anishito, saŋɛ nɛ Pailat gbagba daa sha keyige mo na.

Ashuŋ Shunso 7:32

‘Ma e la fo nanaana be Ebɔrɛ na, Eebraham nɛ Aizek nɛ Jeekɔb be Ebɔrɛ.’ Nɛ kufu pɛ Mosis ga nɛ e chicha a maŋ naŋ tiŋ nɛ e keni kakpa na.

Ditɛronɔmi 1:11

Enyɛnpe, men nananyɛnana be Ebɔrɛ na e shin nɛ men naŋ wora keshi alegaiso gba n ti so nseŋ shin nɛ kusɔ kama bee nite nɛnɛ a sa menyi fanɛ kananɛ e nase kɔnɔ na!

Ditɛronɔmi 1:35

‘Menyi ere be kekurgeto be basa lubi ere be esa koŋwule gba maaŋ yɔ kasawule lela nɛ n nase kɔnɔ fanɛ meeŋ ta n sa men nananyɛnana na so kikɛ.

Ditɛronɔmi 4:1

Ade kikɛ be kaman, nɛ Mosis kaŋɛ basa na le: “Nɛ menyee wora mbraana nɛ mee ŋini menyi ere kikɛ kasonu, menyeeŋ baa wɔtɔ nseŋ tiŋ n ya chena kasawule nɛ Enyɛnpe Ebɔrɛ nɛ men nananyɛnana shuŋ na, bee ta a sa menyi na so.

Hibruwebi 11:16

Ama kashenteŋto, efuli mo nɛ k bɔ ade kikɛ ere nɛ b daa fin. Kumo e la fanɛ ebɔrɛso be efuli na. Amoso nɛ ketre Ebɔrɛ bumo be Ebɔrɛ na maa keta Ebɔrɛ anishinyɔr na, ŋkpal manɛ so, mo e pɔr kadegboŋ na n yili bumo.

Hibruwebi 13:8

Ndere nɛ kabre nɛ saŋkikɛ, Yesu Kristo wɔ ŋkpa to nna mbaanaayɔ. E maa chɛrga kikɛ.