Ɛksodɔs 3:13 - EBƆRƐ BE KAWƆL

¹³ Ndoŋ nna nɛ Mosis naŋ kaŋɛ: “Nɛ ŋ kaŋ yɔ Israɛlebi na kutɔ n ya kaŋɛ bumo le: ‘Men nananyɛnana be Ebɔrɛ e shuŋi ma menyi kutɔ.’ Nɛ b kaŋ bishi ma fanɛ: ‘Mbe ketre e la nuso?’ Nuso nɛ meeŋ kaŋɛ bumo?”

Ɛksodɔs 3:13 ပူးပေါင်းရင်းမြစ်များ

Jɛnesis 32:29

Kumo be kaman nɛ Jeekɔb kule mo fanɛ e ti mbe ketre ŋ ŋini mo. Nɛ kanyɛn na kaŋɛ: “Manɛ nɛ fee sha ma ketre nɛ fo wora?” Kumo be kaman nɛ e nɛfa Jeekɔb.

Ɛksodɔs 15:3

Mbe ketre e la Enyɛnpe Ebɔrɛ na. Mo e la enakɔpo na.

Ɛksodɔs 3:12

Nɛ Ebɔrɛ kaŋɛ mo le: “Meeŋ baa wɔ fo kutɔ. Fo kaŋ ya lara basa na ashi Ijipt be efuli so m ba kebee ere so nfe m ba bunyaŋ ma na nɛ feeŋ pin fanɛ ma e shin nɛ loŋ wora.”

Ɛksodɔs 3:14

Nɛ Ebɔrɛ kaŋɛ Mosis le: “Kaŋɛ bumo fanɛ ma ketre e la: ‘Ma Nɛ N La Ma Na.’ Amoso kusɔ nɛ feeŋ ya kaŋɛ Israɛlebi na e la fanɛ: ‘Ma Nɛ N La Na’ e shuŋi ma menyi kutɔ.”

Ɛksodɔs 3:15

Kede be kaman nɛ Ebɔrɛ naŋ kaŋɛ Mosis fanɛ e kaŋɛ Israɛlebi na le: “Enyɛnpe Ebɔrɛ nɛ e la men nananyɛnana Eebraham nɛ Aizek nɛ Jeekɔb be Ebɔrɛ na e shuŋi ma menyi kutɔ. Ketre ere malɛ e naaŋ baa la ma ketre hale mbaanaayɔ. Loŋ nɛ men be kaman to ebi kikɛ gba beeŋ ba kaa tre ma.

Ɛksodɔs 7:16

E kaŋ ba nɛ fo kaŋɛ mo le: ‘Enyɛnpe Ebɔrɛ, Israɛlebi be Ebɔrɛ na e shuŋi ma fo kutɔ fanɛ ŋ kaŋɛ fo fanɛ fo shin nɛ mbe basa e yɔ keshishɛrsawule so n ya bunyaŋ mo’, ama hale mbre fo maŋ naŋ nu n sa ma.

Aŋasa 30:4

Wanɛ e dii n yɔ Ebɔrɛ so m bɛta m ba? Wanɛ e tiŋ m pɛ afu n wɔtɔ enɔ to? Ŋko ŋ gbargbar nchu n wɔtɔ mbe kusɔbuuso to? Wanɛ e ta kasawule n yili kumo be eyilikpa? Loŋ be esa be ketre ŋko mo pibi be ketre e la nuso? Nɛ fo nyi, fo kaŋɛ ma.

Aizaaya 52:6

Jemanɛ ko bee ba nɛ men pin fanɛ ma e la Ebɔrɛ nɛ ŋ kaŋɛ menyi asheŋ ere kikɛ pɔɛŋ nɛ a wora.”

Aizaaya 7:14

To, kumo ere Enyɛnpe Ebɔrɛ na gbagba e naaŋ sa anyi tɔɔnɛ. Kasuŋgurbia nɛ e maŋ nyi enyɛn ŋ ku so beeŋ di kedampo ŋ kurge ebinyɛn nseŋ nase mo ketre Immanuɛl. Kumo be kifito e la fanɛ Ebɔrɛ wɔ anyi kutɔ.

Aizaaya 9:6

Ebɔrɛ sa anyi ebi ko! E sa anyi ebinyɛn! Mo e naŋ baa la anyi be ewura. Baaŋ tre mo Mamachi be asoetojipo, nɛ Ebɔrɛ Lempo nɛ Etuto nɛ e wɔtɔ Mbaanaayɔ nɛ Kayurwushi be Ewurbi.

Jɛremaya 23:6

E kaŋ m ba ji kuwura, Juda be basa kikɛ beeŋ nya bumo be amu nɛ shɛŋ shɛŋ maaŋ naa tɔrɔ bumo nɛ Israɛl be basa e baa wɔ kayurwushi be kebaawɔtɔ to. Le be ewura ere be ketre e naŋ baa la Enyɛnpe Ebɔrɛ e la anyi be Emɔlgapo.”

Matiu 1:21

E beeŋ kurge ebinyɛn nɛ men nase mo ketre Yesu, ŋkpal manɛ so, mo e naaŋ mɔlga mbe basa ashi bumo be alubi to.”

Matiu 1:23

E yɛ: “Kasuŋgurbia nɛ e maŋ nyi enyɛn beeŋ di kedampo ŋ kurge ebinyɛn nɛ b nase mo ketre Emanuɛl. Kumo be kifito e la fanɛ Ebɔrɛ wɔ anyi kutɔ.”

Ashuŋ Shunso 3:13

An nananyɛnana Eebraham nɛ Aizek nɛ Jeekɔb nɛ anyi be kanaŋ to ebi kikɛ be Ebɔrɛ na e sa mbe Kenya Yesu kemaŋkura. Mo nɛ men daŋ ta m bɔɔ belempo enɔ nseŋ kini mo Pailat be anishito, saŋɛ nɛ Pailat gbagba daa sha keyige mo na.

Demujipoana 13:17

Ndoŋ nna nɛ Manoa kaŋɛ malaika na: “Kaŋɛ anyi fo ketre, saŋɛ na so kusɔ nɛ fo kaŋɛ ere kaŋ bɔlɔ so, anyeeŋ ta kumo be bunyaŋ n sa fo.”

Demujipoana 13:6

Ndoŋ nna nɛ kache na yɔ mo kul kutɔ n ya kaŋɛ mo le: “Ebɔrɛ be esa ko ba ma kutɔ nna. E duli Ebɔrɛ be malaika nna nɛ mbe asheŋ bee keta ma kufu. N daa maŋ bishi mo kakpa nɛ e shi, mo alɛ daa maŋ kaŋɛ ma mbe ketre.