Ɛksodɔs 3:12 - EBƆRƐ BE KAWƆL

¹² Nɛ Ebɔrɛ kaŋɛ mo le: “Meeŋ baa wɔ fo kutɔ. Fo kaŋ ya lara basa na ashi Ijipt be efuli so m ba kebee ere so nfe m ba bunyaŋ ma na nɛ feeŋ pin fanɛ ma e shin nɛ loŋ wora.”

Ɛksodɔs 3:12 ပူးပေါင်းရင်းမြစ်များ

Jɛnesis 15:1

Ade kikɛ be kaman nɛ Eebram ku bɔrɛdare nseŋ nu Enyɛnpe Ebɔrɛ na ka kaŋɛ mo: “Eebram, sa maa lɔ kufu. Ma e la fo ekumpo meeŋ ka fo kukɔ gboŋgboŋi.”

Jɛnesis 15:8

Ndoŋ nna nɛ Eebram kaŋɛ: “Enyɛnpetale lela, manɛ e naaŋ baa la tɔɔnɛ fanɛ kasawule ere beeŋ baa la meya?”

Jɛnesis 26:3

Baa wɔ nfe n wora nchɛnnyɔ nɛ m baa wɔ fo kutɔ a nɛfa fo. Meeŋ bɛ kɔnɔ nɛ n nase n sa fo tuto Eebraham na so nseŋ ta kasawule ere kikɛ n sa fo nɛ fo kaman to ebi.

Jɛnesis 31:3

Ndoŋ nna nɛ Enyɛnpe Ebɔrɛ kaŋɛ Jeekɔb le: “Bɛta n yɔ fo basa pe ashi fo nanaana be kasawule so. Meeŋ baa wɔ fo kutɔ.”

2 Bewura 19:29

Ade kikɛ be kaman nɛ Aizaaya kaŋɛ Ewura Hɛzekaya le: “Kusɔ nɛ k beeŋ wora be tɔɔnɛ nna na. Kafɛ ere nɛ kafɛ a ba kikɛ menyi maaŋ dɔ n duu shɛŋ ama menyi alɛ beeŋ nya akɔrbua n teŋi n ji. Ama kafɛ nɛ k bɛ so kesasopo na bre menyeeŋ dɔ n duu ayu n teŋi nseŋ duu afeelebi nɛ a bee sɔr asɔrso nɛ baa tre amo greep na nseŋ nya amo be asɔrso n chuge n ji.

1 Kronikɛls 9:20

Jemanɛ nɛ Eliaza pibinyɛn Finihas daa keni mbunakumpoana na so na, Enyɛnpe Ebɔrɛ na daa wɔ mo kutɔ nna.

Nshɛ 86:17

Shin nɛ ekama e pin alelasheŋ nɛ fee wora a sa ma. Saŋɛ na so ma doŋana beeŋ wu kumo be loŋ nɛ nyɔmɔ e pɛ bumo. Ŋkpal manɛ so, fo Enyɛnpe Ebɔrɛ na, e chɛ ma to nseŋ lolo ma nɛ ma kagbene wushi ma.

Ɛksodɔs 18:5

Jetro daŋ keta Mosis be eche nɛ mbe mbinyɛnsobi anyɔ na nna nɛ b yɔ Mosis kutɔ keshishɛrsawule na so, kakpa nɛ Mosis daŋ yuu mbe ewajɛbu m mata Ebɔrɛ be kebeegboŋ nɛ baa tre Sainai na.

Ɛksodɔs 3:1

Mosis daa kpa mo shanyɛn Jetro nɛ e daa la Midian be bɔrɛmatapo na be mbolpɔ nna. Kachako nɛ e kpa bumo m bɔla kiyi to n ya fo Ebɔrɛ be kebeegboŋ nɛ baa tre Sainai na ase.

Ɛksodɔs 3:13

Ndoŋ nna nɛ Mosis naŋ kaŋɛ: “Nɛ ŋ kaŋ yɔ Israɛlebi na kutɔ n ya kaŋɛ bumo le: ‘Men nananyɛnana be Ebɔrɛ e shuŋi ma menyi kutɔ.’ Nɛ b kaŋ bishi ma fanɛ: ‘Mbe ketre e la nuso?’ Nuso nɛ meeŋ kaŋɛ bumo?”

Ɛksodɔs 33:14

Ndoŋ nna nɛ Enyɛnpe Ebɔrɛ kaŋɛ: “Meeŋ tu fo n yɔ, nɛ fo kagbene e wushi.”

Ɛksodɔs 4:12

Amoso baa yɔ! Meeŋ ya bugi fo kɔnɔ nseŋ ŋini fo kusɔ nɛ feeŋ kaŋɛ bumo.”

Ɛksodɔs 4:15

E kaŋ ba, fo kaŋɛ mo kusɔ nɛ e beeŋ malga. Meeŋ chɛ menyi benyɔ kikɛ to ŋ ŋini menyi kusɔ nɛ menyeeŋ wora, saŋɛ na so, menyeeŋ tiŋ m malga.

Ɛksodɔs 8:27

K daga fanɛ an ta nchɛ asa n nite n yɔ keshishɛrsawule na so n ya lara sarga na n sa Enyɛnpe anyi be Ebɔrɛ na fanɛ kananɛ mo gbagba yili anyi na.”

Aizaaya 37:30

Ade kikɛ be kaman nɛ anebi Aizaaya kaŋɛ ewura Hɛzekaya le: “Kusɔ nɛ k beeŋ wora be tɔɔnɛ nde. Kafɛ ere nɛ kafɛ a ba kikɛ menyi maaŋ dɔ n duu shɛŋ ama menyi alɛ beeŋ nya akɔrbua n teŋi n ji. Ama kafɛ nɛ k bɛ so kesasopo na bre, menyeeŋ dɔ n duu ayu n teŋi nseŋ duu ndibi sɔrso n nya amo be asɔrso n chuge n ji.

Aizaaya 41:10

Amoso men sa maa lɔ kufu. Ma nɛ menyi e wɔtɔ! Ma e la menyi be Ebɔrɛ. Men sa maŋ shin nɛ kufu e pɛ menyi nɛ men baa chicha! Meeŋ sa menyi eleŋ nseŋ chɛ menyi to. Ma alɛ beeŋ kuŋ menyi nseŋ mɔlga menyi.

Aizaaya 43:2

Nɛ men bɔla lɔr chiŋgeliŋ to gba, ma nɛ menyi e naaŋ baa la. Etɔrɔ nɛ e beeŋ ba menyi so maaŋ pɔɔ menyi so. Nɛ men bɔla edɛ to gba, a maaŋ chɔɔ menyi. Kechɔŋkeni kpakpaso kama nɛ k beeŋ ba menyi so maaŋ pɔɔ menyi so.

Aizaaya 7:14

To, kumo ere Enyɛnpe Ebɔrɛ na gbagba e naaŋ sa anyi tɔɔnɛ. Kasuŋgurbia nɛ e maŋ nyi enyɛn ŋ ku so beeŋ di kedampo ŋ kurge ebinyɛn nseŋ nase mo ketre Immanuɛl. Kumo be kifito e la fanɛ Ebɔrɛ wɔ anyi kutɔ.

Jɛremaya 1:8

Sa maa ŋana bumo, ŋkpal manɛ so, meeŋ baa wɔ fo kutɔ nsaa kuŋ fo. Ma, Enyɛnpe Ebɔrɛ e kaŋɛ na!”

Nɔmbɛs 16:28

Nɛ Mosis kaŋɛ basa na le: “Kede e naaŋ shin nɛ men pin fanɛ Enyɛnpe Ebɔrɛ na e shuŋi ma fanɛ n wora asɔ ere kikɛ, mannɛ fanɛ ŋ gbagba be keparso nɛ mee wora amo.

Nɔmbɛs 23:21

Mee keni a wu fanɛ Israɛl be echefoso be kebaawɔtɔ maaŋ ba kɔ kumulubi nɛ tɔrɔ. Ŋkpal manɛ so Enyɛnpe, bumo be Ebɔrɛ na, wɔ bumo kutɔ nna. B yɛ, mo e la bumo be ewura.

Matiu 28:20

Menyi alɛ e baa nyiŋi fanɛ ma nɛ menyi e naaŋ baa la hale jemanɛ ere e ya fo kumo be ekar.”

Maak 16:20

Bebɛsopo na ya bɔ bumo be kubɔya kaplɛkama nɛ bumo nɛ Enyɛnpe shuŋ nɛ Enyɛnpe ta etɔɔnɛsheŋ ŋ ŋini fanɛ bumo be kubɔya na la kashenteŋ nna. Amɛn.]

Ashuŋ Shunso 11:21

Enyɛnpe be eleŋ ka daa wɔ bumo to na so, basa damta daŋ yirda bumo be kubɔya na nseŋ fara a bɛ Enyɛnpe na so.

Ashuŋ Shunso 7:7

Ama meeŋ gberge basa nɛ fo kaman to ebi beeŋ shuŋ na kusoe pɔɛŋ n shin nɛ fo basa na e lar efuli na so m ba nfe m ba kaa bunyaŋ ma.’

Romebi 8:31

To, asheŋ nɛ an nu ere kikɛ be kaman, nuso nɛ anyeeŋ kaŋɛ? Nɛ Ebɔrɛ baa wɔ anyi be kaman, wanɛ e naaŋ tiŋ m pɔɔ anyi so?

Ditɛronɔmi 31:23

Kumo be kaman nɛ Enyɛnpe Ebɔrɛ na naŋ kaŋɛ Nun pibinyɛn, Joshuwa, le: “Baa kɔ kenyɛn nseŋ yili fo kagbene kukoŋwule. Ŋkpal manɛ so, ŋ gbagba e naaŋ chɛ fo to nɛ fo tiŋ n juŋkpar Israɛl be basa ere n yɔ kasawule nɛ n nase kumo be kɔnɔ n sa bumo na so.”

Hibruwebi 13:5

Men lara menyi be ŋgbeneana ashi kemansherbisha to nseŋ shin nɛ asɔ nɛ men kɔ na e baa kukwe menyi, ŋkpal manɛ so, Ebɔrɛ kaŋɛ fanɛ: “M maaŋ yige menyi kikɛ, ma alɛ maaŋ kplaŋ menyi so kikɛ.”

Joshuwa 1:5

Esa kama malɛ maaŋ tiŋ m pɔɔ fo so fo kebaawɔtɔ to kikɛ. Kananɛ n daa wɔ Mosis be kaman na, loŋ nɛ meeŋ baa wɔ fo alɛ gba be kaman. M maaŋ yige fo ŋko ŋ kplaŋ fo so kikɛ.

Demujipoana 6:12

Ndoŋ nna nɛ malaika na lar Gidiɔn so nseŋ kaŋɛ mo: “Enapo lempo, Enyɛnpe Ebɔrɛ na wɔ fo kutɔ!”

Demujipoana 6:16

Ndoŋ nna nɛ Enyɛnpe Ebɔrɛ na naŋ kaŋɛ mo le: “Ma e naaŋ chɛ fo to nɛ fo tiŋ m pɔɔ Midianebi na kikɛ so fanɛ b ka la esa koŋwule na.”

Demujipoana 6:17

Nɛ Gidiɔn naŋ kaŋɛ: “Nɛ k la kashenteŋ fanɛ fo e naaŋ chɛ ma to bre, kumo ere fo sa ma tɔɔnɛ ko nɛ m pin fanɛ fo Enyɛnpe Ebɔrɛ na gbagba e naa malga ŋ kutɔ na.

Demujipoana 6:21

Ndoŋ nna nɛ Enyɛnpe Ebɔrɛ na be malaika na teŋi mbe kekpabi nɛ k bɔɔ mo enɔ na m beta eblaŋ na nɛ bodobodo na nɛ edɛ shi kefalta na to n suse m pɛ amo nɛ a chɔɔ m mur. Epul na to, Gidiɔn maŋ naŋ wu malaika na.

Demujipoana 7:11

Feeŋ ya nu asheŋ nɛ baa malga nɛ a sa fo kenyɛn nɛ fo ya kɔ bumo.” Ndoŋ nna nɛ Gidiɔn nɛ Pura pete n yɔ Midianebi na be keeyi na be laŋgar.

1 Samuɛl 14:10

Ama nɛ b baŋ kaŋɛ fanɛ an ba bumo kutɔ bre, anyeeŋ yɔ, ŋkpal manɛ so, kumo be loŋ e naaŋ ŋini fanɛ Enyɛnpe Ebɔrɛ na beeŋ shin nɛ an kɔ m pɔɔ bumo so.”