Ɛksodɔs 3:11 - EBƆRƐ BE KAWƆL

¹¹ Ndoŋ nna nɛ Mosis kaŋɛ Ebɔrɛ le: “Ma alɛ e la wanɛ nɛ n tiŋ n yɔ Ijipt be ewura Fɛɛro be anishito, hale n ya lara Israɛlebi na ashi Ijipt be efuli so!”

Ɛksodɔs 3:11 ပူးပေါင်းရင်းမြစ်များ

2 Samuɛl 7:18

Ndoŋ nna nɛ ewura Deevid yɔ wajɛbu na to ashi Enyɛnpe Ebɔrɛ be anishito n ya kule Ebɔrɛ ŋ kaŋɛ le: “Enyɛnpetale Ebɔrɛ, kusɔ nɛ fo wora n sa ma ere maŋ daga ma nɛ ma kanaŋ to ebi kuraa.

1 Bewura 3:7

O Enyɛnpe Ebɔrɛ, fo shin nɛ n sɔ n tuto so n ji kuwura. Ama n du fanɛ kebibi nna nsaa maŋ nyi kananɛ kejuŋkpar basa be asheŋ du.

1 Bewura 3:9

amoso jande sa ma kanyiasheŋ nɛ nfɛra nɛ meeŋ ta a pin kulubi nɛ kelela. Saŋɛ na so meeŋ tiŋ n ji bumo so kuwura nɛnɛ; nɛ mannɛ aloŋ, nuso nɛ meeŋ tiŋ n wora n ji fo basa damta ere kikɛ so kuwura?”

1 Kronikɛls 29:14

Ma nɛ ma basa maŋ kɔ ekpa nɛ an ji eyur ŋkpal ŋkɛ nɛ an sa fo ere so, ŋkpal manɛ so asɔ na kikɛ chɛr a la fo peya nna.

Ɛksodɔs 6:12

Nɛ Mosis kaŋɛ Enyɛnpe Ebɔrɛ: “Keni, Israɛlebi na gba e kini kenu n sa ma na nɛ nuso nɛ ewura Fɛɛro bre beeŋ nu n sa ma nɛ m maŋ nyi kamalga ere?”

Jɛremaya 1:6

Ndoŋ nna ŋ nɛ kaŋɛ le: “Enyɛnpetale Ebɔrɛ, nuso nɛ meeŋ wora m pin fo mmalga to ŋ kaŋɛ basa? N la kebifɔlbi gbagba nna.”

2 Kɔrintebi 2:16

Bumo nɛ baa mur na, k la fanɛ kɔrtɔ lubi nna a mɔ, ama bumo nɛ baa nya kumɔlga na bre, k la fanɛ efɛa belbelso nna a bar ŋkpa. To, nɛ wanɛ e naaŋ tiŋ n wora le be kesheŋ ere?

2 Kɔrintebi 3:5

Ama mannɛ fanɛ an gbagba ka kɔ eleŋ ko fanɛ an gbagba e wora kushuŋ na, Ebɔrɛ kutɔ nɛ anyi be eleŋ na bee shi.

Demujipoana 6:15

Nɛ Gidiɔn kaŋɛ: “Enyɛnpe Ebɔrɛ, nuso nɛ ma alɛ le beeŋ tiŋ n yɔ n ya mɔlga Israɛl? Ma kabuna e maŋ kɔ eleŋ ashi Manase be yiri ebi kikɛ to. Ma alɛ e la kebibi ashi ma kanaŋ to.”

1 Samuɛl 18:18

Nɛ Deevid kaŋɛ le: “Nuso nɛ ma alɛ le beeŋ tiŋ n ta ewura lelemu pibiche ŋ ki ma eche? M maŋ la esa gboŋ ko ashi ma laŋ to nɛ n tutoana be kanaŋ gba maŋ la shɛŋ ashi Israɛl be kasawule so.”