Ɛksodɔs 3:10 - EBƆRƐ BE KAWƆL

¹⁰ Amoso mee shuŋi fo Ijipt be ewura Fɛɛro kutɔ nna naniere nɛ fo ya lara ma basa Israɛlebi ashi efuli na so.”

Ɛksodɔs 3:10 ပူးပေါင်းရင်းမြစ်များ

Jɛnesis 15:13

Kumo be kaman nɛ Enyɛnpe Ebɔrɛ kaŋɛ mo: “Eebram, baa nyi geeŋ fanɛ kachako fo kanaŋ to ebi beeŋ ki befɔ ashi kasawule nɛ b maŋ nyi so nseŋ ki anya ndoŋ nɛ b tɔrɔ bumo ga nfɛ alfa ana.

Jɛnesis 15:14

Ama meeŋ gberge loŋ be basa nɛ baaŋ ta bumo ŋ ki anya na kusoe. Kumo be kaman baaŋ lar ndoŋ nɛ kanya damta.

Nshɛ 105:26

Kumo be kaman nɛ e shuŋi mbe kayɛrbi Mosis nɛ Ɛɛrɔn nɛ mo gbagba daŋ lara na mbe basa kutɔ.

Nshɛ 77:20

Fo daŋ bɔla Mosis nɛ Ɛɛrɔn so nna n juŋkpar fo basa fanɛ mbolpɔkpapo na.”

Ɛksodɔs 12:40

Nfɛ alfa ana nɛ adesa nɛ Israɛlebi na daŋ ji ashi Ijipt to.

Ɛksodɔs 12:41

Nfɛ alfa ana nɛ adesa na be kachɛ lalalogesopo gbagba nɛ Enyɛnpe Ebɔrɛ be basa kikɛ lar Ijipt be kasawule so.

Ɛksodɔs 33:12

Ade kikɛ be kaman nɛ Mosis kaŋɛ Enyɛnpe Ebɔrɛ le: “Kashenteŋ nna fanɛ fo e kaŋɛ ma fanɛ n ya keta basa ere n yɔ kɔnɔ naseso be kasawule na so, ama fo alɛ maŋ ŋini ma esa nɛ e beeŋ ba chɛ ma to. Fo baŋ kaŋɛ ma nna fanɛ: ‘N nyi fo nɛnɛ nɛ fo asheŋ bee par ma.’

Ɛksodɔs 33:13

To, nɛ ma shɛŋ bee par fo bre, ŋini ma fo ekpaana nɛ m pin fo nfɛra, nsaa shuŋ fo a wora fo aparsheŋ. Baa nyiŋi fanɛ fo gbagba e lara basa ere nɛ b la feya.”

Ɛksodɔs 6:26

To, loŋ be Ɛɛrɔn ere gbagba nɛ Mosis e daa la basa nɛ Enyɛnpe Ebɔrɛ daŋ kaŋɛ le na: “Men ya lara Israɛl be basa kanaŋ kanaŋ so ashi Ijipt be kasawule so.”

Hoziya 12:13

Enyɛnpe Ebɔrɛ e shuŋi anebi Mosis fanɛ e ya mɔlga Israɛl be basa kenyaya to ashi Ijipt be kasawule so nseŋ keni bumo so nɛnɛ.

Maika 6:4

Ma e lara menyi nseŋ mɔlga menyi ashi kenyaya to ashi Ijipt be efuli so. Mosis nɛ Ɛɛrɔn nɛ Miriam nɛ n daŋ shuŋi fanɛ b ya juŋkpar menyi n lar ndoŋ.

Ashuŋ Shunso 7:34

N wu kekɔrfɛ nɛ tɔrɔ damta nɛ ma basa wɔ Ijipt be efuli so a nya. N nu bumo be kushu m ba nɛ m ba mɔlga bumo. Nu nfe, meeŋ shuŋi fo Ijipt.’

Ashuŋ Shunso 7:36

Mo e daŋ juŋkpar bumo n wora emamachisheŋ nɛ kashenteŋ be etɔɔnɛsheŋ damta ashi Ijipt nɛ Teku Peper na to nɛ jemanɛ nɛ b daa wɔ kiyi to nfɛ adena na kikɛ.

Ashuŋ Shunso 7:6

Le nɛ Ebɔrɛ daŋ kaŋɛ mo: ‘Fo kaman to ebi beeŋ ba kaa wɔ efuli pɔtɛ ko so, kakpa nɛ baaŋ baa la anya nɛ b tɔrɔ bumo ga nfɛ alfa ana.

Ashuŋ Shunso 7:7

Ama meeŋ gberge basa nɛ fo kaman to ebi beeŋ shuŋ na kusoe pɔɛŋ n shin nɛ fo basa na e lar efuli na so m ba nfe m ba kaa bunyaŋ ma.’

Demujipoana 6:14

Ndoŋ nna nɛ Enyɛnpe Ebɔrɛ na gbagba kaŋɛ mo: “Ta eleŋgboŋ nɛ fo kɔ ere n ya kɔ n sɔ Israɛlebi na ashi Midianebi na be enɔ to. Ma e naa shuŋi fo!”

1 Samuɛl 12:6

Nɛ Samuɛl kaŋɛ bumo le: “Enyɛnpe Ebɔrɛ na e lara Mosis nɛ Ɛɛrɔn nseŋ lara men nananyɛnana ashi Ijipt be efuli so dra dra na.

1 Samuɛl 12:8

Jeekɔb nɛ mbe laŋ to ebi ka daŋ yɔ Ijipt be kasawule so na, Ijiptebi na daa mɛaŋ bumo nna nɛ b shu ŋ ŋini Enyɛnpe Ebɔrɛ fanɛ e chɛ bumo to. Ndoŋ nna nɛ e shuŋi Mosis nɛ Ɛɛrɔn nɛ b ya lara bumo Ijipt be kasawule so m ba kasawule ere so.