Ɛksodɔs 3:1 - EBƆRƐ BE KAWƆL

¹ Mosis daa kpa mo shanyɛn Jetro nɛ e daa la Midian be bɔrɛmatapo na be mbolpɔ nna. Kachako nɛ e kpa bumo m bɔla kiyi to n ya fo Ebɔrɛ be kebeegboŋ nɛ baa tre Sainai na ase.

Ɛksodɔs 3:1 ပူးပေါင်းရင်းမြစ်များ

1 Bewura 19:19

Anebi Elaija ka lar a yɔ nɛ e ya tu Shafat pibinyɛn Elaisha nɛ e kɔ ana dɔso a dɔ: Ana dɔso nɛ b chɛ m mata abar benyɔnyɔ kudukako e daŋ juŋkpar mo a dɔ. Nɛ mo alɛ keta katuŋ kuduanyɔsopo na a bɛ so. Ndoŋ nna nɛ anebi Elaija lara mbe piŋi n deŋi Elaisha so.

1 Bewura 19:8

Nɛ anebi Elaija koso n ji nseŋ nuu nchu nɛ ajibi na sa mo eleŋ nɛ e nite nchɛ adena kikɛ hale n yɔ kebee cheembi nɛ baa tre Sainai na.

Nshɛ 106:19

B ka ya fo kebee nɛ baa tre Sainai na ase, b daŋ ta shuwa nna n lɔŋɛ gbolu fɔlbi nna a bunyaŋ kumo.

Ɛksodɔs 17:6

Meeŋ ya kaa yil Sainai be kebee na be kefalta na ase nɛ fo ta kekpabi na ŋ ŋmɛa kefalta na nɛ nchu e lar kumo to nɛ basa na e nuu.” Ndoŋ nna nɛ Mosis wora loŋ ashi Israɛlebi be benimu na be anishito.

Ɛksodɔs 18:12

Ndoŋ nna nɛ Jetro lara sarga chɔɔso nɛ esarga pɔtɛana ko n sa Ebɔrɛ. Ɛɛrɔn nɛ Israɛlebi be bejuŋkparpo na kikɛ daŋ ya tu Mosis mo shanyɛn Jetro nna n ji kejigboŋ Ebɔrɛ be anishito.

Ɛksodɔs 19:11

nseŋ wora shiriya a jo ma eklade. Kumo be kachɛ ma, Enyɛnpe Ebɔrɛ na beeŋ gbelge m ba Sainai be kebeegboŋ na so ashi basa na kikɛ be anishito.

Ɛksodɔs 19:2

nseŋ yuu bumo be ewajɛbu ndoŋ ashi Sainai be kebee na be kaseto.

Ɛksodɔs 19:3

Kumo be kaman nɛ Mosis dii kebeegboŋ na so n yɔ nɛ e ya tu Ebɔrɛ. Ndoŋ nna nɛ Enyɛnpe Ebɔrɛ tre mo ashi kebee na so ŋ kaŋɛ mo: “Kaŋɛ Israɛlebi nɛ b la Jeekɔb be kaman to ebi na le:

Ɛksodɔs 2:16

Nɛ Jetro nɛ e daa la bɔrɛmatapo ashi Midian na be mbichebi ashunu ba nɛ b ba jɔ nchu ketirbu na to n wɔtɔ asɔbɔya be asɔnuunchu to n sa bumo tuto be mbolpɔ nɛ mboe.

Ɛksodɔs 2:18

Mbichesobi na ka bɛta n yɔ bumo tuto Jetro kutɔ nɛ e bishi bumo: “Manɛ nna nɛ men bɛta m ba manaŋ kabre loŋ?”

Ɛksodɔs 2:21

Kumo be kaman nɛ Mosis shuli n chena Midian. Mosis nɛ bumo wɔtɔ loŋ nɛ Jetro ta mo pibiche Zipora n sa mo nɛ e ki mbe eche.

Ɛksodɔs 24:13

Ndoŋ nna nɛ Mosis nɛ mbe kayɛrbi Joshuwa wora shiriya nɛ Mosis dii n yɔ Ebɔrɛ be kebee na so.

Ɛksodɔs 3:12

Nɛ Ebɔrɛ kaŋɛ mo le: “Meeŋ baa wɔ fo kutɔ. Fo kaŋ ya lara basa na ashi Ijipt be efuli so m ba kebee ere so nfe m ba bunyaŋ ma na nɛ feeŋ pin fanɛ ma e shin nɛ loŋ wora.”

Ɛksodɔs 3:5

Nɛ Ebɔrɛ kaŋɛ mo: “Sa maŋ kaŋ naŋ firgi m ba n ti so. Lara fo asɛbta na, ŋkpal manɛ so, kasawule cheembi so nɛ fo yil na.

Ɛksodɔs 33:6

Amoso b ka baŋ lar Sainai be kebee na ase n yɔ anishito, Israɛlebi na maŋ naŋ wɔtɔ shuwa ŋko gbiti be abitasɔ.

Ɛksodɔs 4:18

Ndoŋ nna nɛ Mosis bɛta n yɔ mo shanyɛn Jetro kutɔ n ya kaŋɛ mo le: “Jande, sa ma ekpa nɛ m bɛta n yɔ ma basa kutɔ ashi Ijipt n ya keni b kraa wɔ ŋkpa to a.” Nɛ Jetro kaŋɛ Mosis le: “Ebɔrɛ e yɛr fo nɛ alenfia.”

Ɛksodɔs 4:27

Kede be kaman nɛ Enyɛnpe Ebɔrɛ kaŋɛ Ɛɛrɔn: “Yɔ keshishɛrsawule na ase n ya tu Mosis ndoŋ.” Ndoŋ nna nɛ Ɛɛrɔn yɔ n ya tu Mosis ashi Sainai be kebeegboŋ na so nseŋ ya ber mo to n chɔrɔ mo kashaso.

Eemɔs 1:1

Mmalaga nɛ Eemɔs nɛ e la mbolpɔkpapo nseŋ shi Tekua be kade to kaŋɛ fanɛ Enyɛnpe Ebɔrɛ ta n sa mo nfɛ anyɔ pɔɛŋ nɛ kasawule daŋ gbuŋgbuŋ na, nɛ jemanɛ nɛ Uziya daa la Juda be efuli so be ewura nɛ Jehɔash pibinyɛn Jeroboam malɛ daa ji Israɛl be efuli so be kuwura na nde.

Malakai 4:4

Men baa nyiŋi men nananyɛn ma kayɛrbi Mosis be keŋini na, nɛ mbra nɛ n ta n sa mo ashi kebeegboŋ nɛ baa tre Sainai na so fanɛ e ta n sa Israɛl be basa kikɛ nɛ b bɛ amo so na.

Nɔmbɛs 10:29

B ka bee bela ase nɛ b kaa na, nɛ Mosis kaŋɛ Jetro pibinyɛn Hobab nɛ e la mo ere Mosis mo churo na le: “Anyee bela ase nna nɛ an yɔ kakpa nɛ Enyɛnpe Ebɔrɛ nase kɔnɔ fanɛ e beeŋ sa anyi na. Mo e kaŋɛ fanɛ e beeŋ nɛfa Israɛl, amoso bɛ anyi so, asheŋ beeŋ ya nyalɛ n sa anyi kikɛ.”

Nɔmbɛs 10:33

Basa na ka lar kebeegboŋ cheembi nɛ baa tre Sainai na ase, nchɛ asa nɛ b wɔ enite to. Livaiebi na e daa sulɔ ŋkre be deka na a juŋkpar a fin kaboŋ nɛ k daga b wora bumo be keeyi to.

Luuk 2:8

Mbolpɔkpapoana ko daa wɔ efuli na so kiyi to be kakpa ko a keni bumo be mbolpɔ kanyɛso.

Ashuŋ Shunso 7:30

Mosis ka wɔ Midian be efuli na so kumo be nfɛ adena be kaman nɛ malaika lar mo so kiyi to ashi kupumbi chɔɔso ko to. Ndoŋ daŋ mata Sainai be kebee na so nna.

Ditɛronɔmi 1:2

Nchɛ kudukako nɛ esa beeŋ ta n shi kebee nɛ baa tre Sainai na ase m bɔla Edɔm be kebeesawule so be ekpa na n ya fo kakpa nɛ baa tre Kadɛsh Bania na.

Ditɛronɔmi 1:6

“Jemanɛ nɛ an daa wɔ Sainai be kebee na ase na, nɛ Enyɛnpe anyi be Ebɔrɛ na kaŋɛ anyi le: ‘Men chena kebee ere ase n chɛr ga.

Ditɛronɔmi 4:10

Menyi alɛ e baa nyiŋi kachɛ nɛ men daŋ yili Enyɛnpe, menyi be Ebɔrɛ na be anishito ashi kebeegboŋ nɛ baa tre Sainai na ase na jemanɛ nɛ e kaŋɛ ma le na: “Gama Israɛl be basa na abar so. Mee sha fanɛ b nu kusɔ nɛ ŋ kɔ nɛ ŋ kaŋɛ bumo nna, saŋɛ na so baaŋ koya kewora ma kasonu bumo be ŋkpa to kikɛ nseŋ ŋini bumo be mbia nɛ bumo alɛ gba e baa wora loŋ.”

Demujipoana 4:11

Jemanɛ ere so nɛ kanyɛn ko nɛ baa tre Heba, nɛ e shi Kɛn be kabuna na, malɛ yuu mbe wajɛbu ashi kadebi ko nɛ baa tre kumo Zaananim na be kedibi gboŋgboŋi ko ase m mata Kɛdesh. E daŋ lar mo kurgepoana Kɛnebi nɛ b la kanyɛn ko nɛ baa tre Hɔbab nɛ e la Mosis mo churo na be kaman to ebi na to nna n ya chena ndoŋ.

1 Samuɛl 16:11

Nseŋ bishi mo le: “Fo kraa kɔ mbia ko a?” Nɛ Jɛsi yɛ: “Mm, m pibi kekarkarso Deevid e ka, ama mo alɛ wɔ kupuŋ to a kpa mbolpɔ.” Nɛ Samuɛl kaŋɛ mo le: “Shuŋi nɛ b ya tre mo m ba. Nɛ mannɛ loŋ, anyi maaŋ lara sarga ere ama an baaŋ wu mo nna.”