Ɛksodɔs 29:9 - EBƆRƐ BE KAWƆL

⁹ nseŋ buu bumo nwuro n ta ekreso ŋ kre bumo so. Nɛ men wora loŋ Ɛɛrɔn nɛ mbe bibinyɛn nɛ bumo be kaman to ebi kikɛ beeŋ ki bɔrɛmatapoana a shuŋ ma hale mbaanaayɔ.

Ɛksodɔs 29:9 ပူးပေါင်းရင်းမြစ်များ

Ɛksodɔs 27:21

Ɛɛrɔn nɛ mbe mbinyɛnso e daga fanɛ b baa chɔɔ efitila na so a yili patisa nɛ k kuŋ kɔnɔkoŋwule be ŋkre be deka na be anishito na. B baa chɔɔ efitila na so kaaseso kikɛ nɛ a baa fuli to ma, Enyɛnpe Ebɔrɛ be wajɛbu na to a klade. A daga fanɛ Israɛlebi nɛ bumo be kaman to ebi kikɛ e baa bɛ mbra ere so mbaanaayɔ.

Ɛksodɔs 28:1

Naniere shin nɛ fo da Ɛɛrɔn nɛ mbe mbinyɛnso Nadab nɛ Abihu nɛ Eliazaa nɛ Itama e lar Israɛlebi na to m ba fo kutɔ, saŋɛ na so baaŋ ba kaa la bɔrɛmatapoana a shuŋ ma.

Ɛksodɔs 32:29

Kumo be kaman nɛ Mosis kaŋɛ Livaiebi na: “Kabre men lara men be amu n sa Enyɛnpe Ebɔrɛ na nna. Ŋkpal men ka tiŋ m mɔ men be mbinyɛnbi nɛ men daana nɛ men sipoana so, Enyɛnpe Ebɔrɛ na nɛfa menyi kabre.”

Ɛksodɔs 40:15

nseŋ ta ŋku nɛfaso na n do bumo so fanɛ kananɛ fo wora bumo tuto na, saŋɛ na so bumo nɛ bumo be kaman to ebi beeŋ baa shuŋ ma fanɛ bɔrɛmatapoana mbaanaayɔ.

Levitikɔs 8:1

Nɛ Enyɛnpe Ebɔrɛ na kaŋɛ Mosis:

Levitikɔs 8:13

Kumo be kaman nɛ Mosis shin nɛ Ɛɛrɔn be mbinyɛnsobi na ba anishito nɛ e ta edanshiki m buu bumo nseŋ ta ekreso paŋgelambiana ŋ kre bumo be nshɛr to nseŋ naŋ ta nwuro m buu bumo fanɛ kananɛ Enyɛnpe Ebɔrɛ na ŋini na.

Levitikɔs 8:33

Menyi alɛ e sa maŋ kaŋ lar Enyɛnpe be wajɛbu na be kabuna to n yɔ kaplɛkama hale nɛ bɔrɛmatapoana be kebuu be kesheŋ wora nɛ k fara kabre ere a ya loge nchɛ ashunu be kefɛato.

Nɔmbɛs 16:10

E ta bunyaŋ be kushuŋ tumase ere n sa fo nɛ Livaiebi na kikɛ, ama amo nɛ amo kikɛ nɛ fo kraa kɔ a fin kabɔrɛmata be kushuŋ gba a!

Nɔmbɛs 16:35

Kede be kaman nɛ Enyɛnpe Ebɔrɛ na shin nɛ edɛ wuloŋ wuloŋ ko ba chɔɔ benyɛn alfa anyɔ nɛ adunu nɛ b ta eduwu n ya ka lara sarga na m mɔ.

Nɔmbɛs 16:40

nɛ k baa la kanyiŋi n sa Israɛlebi na fanɛ esa kama nɛ e maŋ shi Ɛɛrɔn be kanaŋ to, maŋ daga e ka chɔɔ duwu n lara sarga bɔrɛsure na so n sa Enyɛnpe Ebɔrɛ na. Esa kama nɛ e wora loŋ beeŋ wu fanɛ kananɛ Koora nɛ mbe basa wu na.

Nɔmbɛs 18:7

Fo nɛ fo mbinyɛnsobi nawule e naaŋ baa shuŋ kabɔrɛmata be kushuŋ na ashi bɔrɛsure na so nɛ acheembiana to be kakpa cheembi na to. Ŋkpal manɛ so ma e ta kabɔrɛmata be kushuŋ ere n sa menyi. Amoso esa kama nɛ e ta kpramɛ n shuŋ kumo, daga b ka mɔ mo.”

Nɔmbɛs 25:13

Mo nɛ mbe kaman to ebi beeŋ baa la bɔrɛmatapoana hale mbaanaayɔ ŋkpal e ka bee kɔ kukɔrkɔ a sa ma nseŋ shin nɛ Israɛlebi na nya alubi be ketampaŋ so.”

Nɔmbɛs 3:10

Lara Ɛɛrɔn nɛ mbe bibinyɛn nɛ b baa la bɔrɛmatapoana. Esa pɔtɛ kama nɛ e pɛl n shuŋ bɔrɛmatapo be kushuŋ b mɔ mo.”

Ditɛronɔmi 18:5

Menyeeŋ baa sa bumo ade kikɛ nna, ŋkpal manɛ so, Enyɛnpe Ebɔrɛ na e lara bumo nɛ bumo be kaman to ebi ashi Israɛl be eyiriana na to nɛ b baa shuŋ mo fanɛ bɔrɛmatapoana mbaanaayɔ.

Hibruwebi 5:10

Nɛ Ebɔrɛ malɛ ta mo ŋ ki bɔrɛmatapo nimuso ashi Mɛlkizedɛk be ekpa so.

Demujipoana 17:5

Maika ere daa kɔ lambu nna a shuŋ agbir ashi mbe laŋ to. Ŋkpal loŋ so nɛ e ya baa bɔrɛmatapo be piŋi nseŋ fin agbir damta n ti so. Kumo be kaman nɛ e lara mo pibinyɛn ko m buu mo kegbirwura.

1 Samuɛl 2:30

Ma, Enyɛnpe, Israɛl be Ebɔrɛ na e daŋ nase kɔnɔ fanɛ fo kanaŋ e naaŋ baa la bɔrɛmatapoana mbaanaayɔ, ama mee kaŋɛ fo nna fanɛ loŋ maaŋ naŋ wora kikɛ. Basa kama nɛ baa bunyaŋ ma na nɛ mee sa bunyaŋ nsaa sho bekama nɛ b kishi ma na kɔnɔ.