Ɛksodɔs 29:7 - EBƆRƐ BE KAWƆL

⁷ Asɔ buuso na be kaman, nɛ men ta ŋku nɛfaso na n do Ɛɛrɔn be kumu so nɛ e ki Ebɔrɛ be esa laraso.

Ɛksodɔs 29:7 ပူးပေါင်းရင်းမြစ်များ

Nshɛ 133:2

K du fanɛ b ka daŋ duga ɔlif be ŋku n wurge bɔrɛmatapo Ɛɛrɔn be kumu so nɛ a gbelge to m bɔla mbe katɔl so m ba mbe piŋi be kubɔ to nna.

Nshɛ 89:20

Ma e lara ma kayɛrbi Deevid nseŋ duga ma ŋku cheembi n do mbe kumu so n ta mo ŋ ki ewura.

Ɛksodɔs 28:41

Ade kikɛ be kaman nɛ men ta le be asɔbuuso ere m buu fo da Ɛɛrɔn nɛ mbe bibinyɛn na nseŋ ta ŋku ŋ gbiti bumo n ta bumo m bɔɔ Ebɔrɛ enɔ, saŋɛ na so baaŋ ki bɔrɛmatapoana cheembi a shuŋ ma.

Ɛksodɔs 40:13

Kumo be kaman nɛ fo ta asɔbuuso cheembi na m buu Ɛɛrɔn n ta ŋku na n do mo so n ta mo m bɔɔ ma, Ebɔrɛ enɔ nɛ e baa shuŋ ma fanɛ bɔrɛmatapo.

Aizaaya 61:1

Enyɛnpetale Ebɔrɛ na be Kiyoyu wɔ ma so. E lara ma nna n nɛfa ma nɛ m bɔ baru lela na n sa betirpo, nseŋ chɛ bumo nɛ kagbenejija tɔr so na. Mo e shuŋi ma nɛ n ya bɔ kesɔnyige be baru n sa bumo nɛ b ki beko be anya, nseŋ sɔ bumo nɛ b wɔ kabuti to n yige.

Levitikɔs 10:7

Menyi e sa maŋ kaŋ lar wajɛbu ere be kabuna ase n yɔ kaplɛkama, nɛ men wora loŋ menyeeŋ wu. Ŋkpal manɛ so, menyi ere la basa nɛ Enyɛnpe Ebɔrɛ na lara n yili n sa mbe kumu nna n shin nɛ men ki mbe bɔrɛmatapoana.” Ndoŋ nna nɛ Ɛɛrɔn nɛ mbe mbinyɛnsobi anyɔ na nu nseŋ bɛ Mosis be kɔnɔ so.

Levitikɔs 21:10

Ŋkpal b ka chulgi ŋku nɛfaso cheembi na n wurge mbe kumu so nɛ e ki Bɔrɛmatapo Nimuso nɛ e beeŋ baa ta kabɔrɛmata be epiŋi a buu na so, a maŋ daga e yige mbe emin nɛ e maa mɔ amo to. A maŋ daga fanɛ e kpɛa mbe asɔbuuso to a ŋini fanɛ e bee shu keeli nna.

Levitikɔs 7:35

Ayu be sargajibi nɛ baa lara a sa Enyɛnpe Ebɔrɛ na be amo nɛ a daga a baa yɔ Ɛɛrɔn nɛ mbe kaman to ebi kutɔ nna na.

Zakareya 4:14

Ndoŋ nna nɛ e kaŋɛ: “A yili nna n sa basa anyɔ na nɛ Enyɛnpe Ebɔrɛ na shin nɛ b duga ŋku n do bumo be amu so nseŋ lara bumo n yili fanɛ b baa shuŋ mo ere Ebɔrɛ nɛ e la durnya kikɛ be Enyɛnpe na.”

Nɔmbɛs 35:25

K daga b ka kuŋ emɔpo na ashi esa nɛ e bee fin mo nɛ e mɔ n tal to na kutɔ n yɛr mo kesɔnyige be kade to nɛ e ya ka wɔ ndoŋ hale nɛ bɔrɛmatapo nimuso na e ya wu.

Baru lela nɛ Jɔn kute na 3:34

Emo nɛ Ebɔrɛ shuŋi na bee malga Ebɔrɛ be mmalga nna, ŋkpal manɛ so, Ebɔrɛ shin nɛ mbe Kiyoyu na bɔlɔ mo to felɛlɛ.

1 Jɔn 2:27

Ama menyi ere, Yesu Kristo ta Kiyoyu Cheeŋ na nna n wɔtɔ menyi to nɛ e shir a wɔ menyi to. A maŋ daga fanɛ men naŋ nya esa ko nɛ e ŋini menyi, ŋkpal manɛ so, mbe Kiyoyu na e naa ŋini menyi asɔ kikɛ. Kusɔ kama malɛ nɛ e bee ŋini la kashenteŋ nna, mannɛ efɛ. Amoso, men baa bɛ Kiyoyu na be keŋini so nseŋ shir a wɔ Kristo na to.