Ɛksodɔs 28:41 - EBƆRƐ BE KAWƆL

⁴¹ Ade kikɛ be kaman nɛ men ta le be asɔbuuso ere m buu fo da Ɛɛrɔn nɛ mbe bibinyɛn na nseŋ ta ŋku ŋ gbiti bumo n ta bumo m bɔɔ Ebɔrɛ enɔ, saŋɛ na so baaŋ ki bɔrɛmatapoana cheembi a shuŋ ma.

Ɛksodɔs 28:41 ပူးပေါင်းရင်းမြစ်များ

Ɛksodɔs 28:1

Naniere shin nɛ fo da Ɛɛrɔn nɛ mbe mbinyɛnso Nadab nɛ Abihu nɛ Eliazaa nɛ Itama e lar Israɛlebi na to m ba fo kutɔ, saŋɛ na so baaŋ ba kaa la bɔrɛmatapoana a shuŋ ma.

Ɛksodɔs 28:4

Shin nɛ b lɔŋɛ kusɔ kuŋ kagbeneso fanɛ kɔlgu, nɛ kale nɛ k maŋ kɔ mbre nɛ baa tre ɛfɔd na nɛ piŋi tenteŋ nɛ k bee fo aya so nɛ danshiki nɛ b ta jese n lue nɛnɛ nɛ neemu nɛ kreso peŋgeleŋ. Loŋ be asɔbuuso na e daga fanɛ b lɔŋɛ n sa fo da Ɛɛrɔn nɛ mbe mbinyɛnso, a ŋini fanɛ b la bɔrɛmatapoana nna a shuŋ ma.

Ɛksodɔs 29:24

Men shin nɛ Ɛɛrɔn nɛ mbe bibinyɛn na e maŋ amo so ma, Enyɛnpe Ebɔrɛ na be anishito fanɛ kakɛ cheembi be sarga.

Ɛksodɔs 29:35

Ta nchɛnshunu dede n wora Ɛɛrɔn nɛ mbe bibinyɛn be keta m bɔɔ Ebɔrɛ enɔ be kasheŋwora na fanɛ kananɛ ŋ kaŋɛ fo na gbagba chap.

Ɛksodɔs 29:7

Asɔ buuso na be kaman, nɛ men ta ŋku nɛfaso na n do Ɛɛrɔn be kumu so nɛ e ki Ebɔrɛ be esa laraso.

Ɛksodɔs 29:9

nseŋ buu bumo nwuro n ta ekreso ŋ kre bumo so. Nɛ men wora loŋ Ɛɛrɔn nɛ mbe bibinyɛn nɛ bumo be kaman to ebi kikɛ beeŋ ki bɔrɛmatapoana a shuŋ ma hale mbaanaayɔ.

Ɛksodɔs 30:35

Shin nɛ esa nɛ e nyi tulale be kewora e ta amo n wea abar to n wora duwu nɛ a baa dufɛ fanɛ tulale. Kumo be kaman nɛ men ta nfɔl n wea amo to n lara amo be eyurpi nɛ a baa du cheembi.

Ɛksodɔs 40:13

Kumo be kaman nɛ fo ta asɔbuuso cheembi na m buu Ɛɛrɔn n ta ŋku na n do mo so n ta mo m bɔɔ ma, Ebɔrɛ enɔ nɛ e baa shuŋ ma fanɛ bɔrɛmatapo.

Ɛksodɔs 40:15

nseŋ ta ŋku nɛfaso na n do bumo so fanɛ kananɛ fo wora bumo tuto na, saŋɛ na so bumo nɛ bumo be kaman to ebi beeŋ baa shuŋ ma fanɛ bɔrɛmatapoana mbaanaayɔ.

Aizaaya 10:27

Jemanɛ na kaŋ fo meeŋ shin nɛ men suge menyi be amu ashi Asiriya be eleŋgboŋ to nɛ b maaŋ naa ji menyi so kuwura a tɔrɔ menyi. Asheŋ beeŋ naŋ nyalɛ n sa menyi.”

Aizaaya 61:1

Enyɛnpetale Ebɔrɛ na be Kiyoyu wɔ ma so. E lara ma nna n nɛfa ma nɛ m bɔ baru lela na n sa betirpo, nseŋ chɛ bumo nɛ kagbenejija tɔr so na. Mo e shuŋi ma nɛ n ya bɔ kesɔnyige be baru n sa bumo nɛ b ki beko be anya, nseŋ sɔ bumo nɛ b wɔ kabuti to n yige.

Ezikɛl 43:26

Nchɛ ashunu nɛ bɔrɛmatapoana na beeŋ ta n lɔŋɛ bɔrɛsure na so nɛ k nyalɛ so n sa ma.

Levitikɔs 10:7

Menyi e sa maŋ kaŋ lar wajɛbu ere be kabuna ase n yɔ kaplɛkama, nɛ men wora loŋ menyeeŋ wu. Ŋkpal manɛ so, menyi ere la basa nɛ Enyɛnpe Ebɔrɛ na lara n yili n sa mbe kumu nna n shin nɛ men ki mbe bɔrɛmatapoana.” Ndoŋ nna nɛ Ɛɛrɔn nɛ mbe mbinyɛnsobi anyɔ na nu nseŋ bɛ Mosis be kɔnɔ so.

Levitikɔs 16:24

A daga e yili kakpa cheembi na nna m bɛr nchu pɔɛŋ nseŋ ta mbe asɔbuuso gbagba m buu. Kumo be kaman nɛ e lar m ba lara sarga chɔɔso nɛ k beeŋ kpra mo nɛ basa na kikɛ be alubi na.

Nɔmbɛs 16:5

Kumo be kaman nɛ e kaŋɛ Koora nɛ mo braana na le: “Echefo kachipurso Enyɛnpe Ebɔrɛ beeŋ ŋini anyi esa nɛ mo gbagba lara fanɛ e ki bɔrɛmatapo. Amodoŋwura malɛ beeŋ shuŋ mo kashenteŋto.

Nɔmbɛs 3:3

Bumo be amu so nɛ b daŋ chulgi ŋku n wurgeso n lara bumo n yili fanɛ bɔrɛmatapoana nna.

Baru lela nɛ Jɔn kute na 3:34

Emo nɛ Ebɔrɛ shuŋi na bee malga Ebɔrɛ be mmalga nna, ŋkpal manɛ so, Ebɔrɛ shin nɛ mbe Kiyoyu na bɔlɔ mo to felɛlɛ.

Hibruwebi 5:4

Esa kama maaŋ tiŋ n ta le be bunyaŋ be kushuŋ ere n sa mo gbagba be kumu. Ebɔrɛ nawule e naaŋ tre esa n ta loŋ be kushuŋ m bɔɔ mo enɔ fanɛ kananɛ e daŋ tre Ɛɛrɔn na nɛ e daŋ juŋkpar ŋ ki bɔrɛmatapo nimuso na.

Hibruwebi 7:28

Basa nɛ asheŋ ere gben bumo nɛ mbra na bre daa lara nɛ baa ki bɔrɛmatapo nimusoana. Ebɔrɛ be ntaŋ nɛ k bɛ mbra na so m ba na bre lara Ebinyɛn nɛ e ki cheembi mbaanaayɔ na nna.

1 Jɔn 2:20

Ama menyi ere, Yesu Kristo ta Kiyoyu Cheeŋ na nna n wɔtɔ menyi to nɛ menyi kikɛ e pin kashenteŋ na.

1 Jɔn 2:27

Ama menyi ere, Yesu Kristo ta Kiyoyu Cheeŋ na nna n wɔtɔ menyi to nɛ e shir a wɔ menyi to. A maŋ daga fanɛ men naŋ nya esa ko nɛ e ŋini menyi, ŋkpal manɛ so, mbe Kiyoyu na e naa ŋini menyi asɔ kikɛ. Kusɔ kama malɛ nɛ e bee ŋini la kashenteŋ nna, mannɛ efɛ. Amoso, men baa bɛ Kiyoyu na be keŋini so nseŋ shir a wɔ Kristo na to.