Ɛksodɔs 28:4 - EBƆRƐ BE KAWƆL

⁴ Shin nɛ b lɔŋɛ kusɔ kuŋ kagbeneso fanɛ kɔlgu, nɛ kale nɛ k maŋ kɔ mbre nɛ baa tre ɛfɔd na nɛ piŋi tenteŋ nɛ k bee fo aya so nɛ danshiki nɛ b ta jese n lue nɛnɛ nɛ neemu nɛ kreso peŋgeleŋ. Loŋ be asɔbuuso na e daga fanɛ b lɔŋɛ n sa fo da Ɛɛrɔn nɛ mbe mbinyɛnso, a ŋini fanɛ b la bɔrɛmatapoana nna a shuŋ ma.

Ɛksodɔs 28:4 ပူးပေါင်းရင်းမြစ်များ

2 Samuɛl 6:14

Deevid daŋ dela wajɛ fuful nawule mbe kashɛr to nna nseŋ ta mbe eleŋ kikɛ n cha m maŋkura Enyɛnpe Ebɔrɛ.

Ɛksodɔs 25:7

nɛ yawu kpakpaso be awarabi nyɛkpɛso nɛ baa tre ɔniks na nɛ yawu kpakpaso be ajembu nyɛkpɛso fanɛ amaŋkanibi nɛ baa ta a mata bɔrɛmatapo nimuso be piŋi tenteŋ nɛ baa tre ɛfɔd na so na nɛ ajembu nɛ baa ta a mata demuji be kɔlgu na so.

Ɛksodɔs 29:6

Amo be kaman nɛ men ta neemu na m mɛa mbe kumu so nseŋ naŋ ta kusɔ paŋgelambi nɛ b sibɛ so na m mata neemu na so.

Ɛksodɔs 39:28

nɛ Ɛɛrɔn be neemu nɛ mbe bibinyɛn be nwuro nɛ bumo be ewondoŋ.

Aizaaya 11:5

Kashenteŋji nɛ keji asheŋ nɛ amo be ekpa so nɛ e beeŋ ta n ji kuwura mbe basa so.

Aizaaya 59:17

E beeŋ ta keji asheŋ nɛ amo be ekpa so m buu fanɛ enapo be kebɛlso be kekpaŋkale nɛ kumɔlga malɛ gba m buu fanɛ enapo be kebɛlso be kekpaŋwuro. Mo alɛ beeŋ naŋ ta kewora asheŋ ekpa nɛ k daga so kenishipereso fanɛ kusɔbuuso m buu nseŋ sɔ basa nɛ baa ji awurfoŋ be kɔnɔ so ŋ ka kulubi kukɔ.

Hoziya 3:4

Loŋ koŋwule na nɛ k beeŋ chɛr ga pɔɛŋ nɛ Israɛl be basa e nya ewura ŋko basa nɛ baaŋ ba juŋkpar bumo. K beeŋ chɛr pɔɛŋ nɛ b naaŋ bɔla esarga ŋko ajembu cheembi ŋko kabɔrɛmata be piŋi ŋko agbir so n fin Ebɔrɛ be nɛfa.

Ɛfesesebi 6:14

Amoso, men yili to nɛnɛ n ta kashenteŋ ŋ kre kashɛr to kpakpa fanɛ kreso nseŋ ta alelasheŋ malɛ fanɛ kebɛlso be kekpaŋkale.

1 Tɛsalɔnikaebi 5:8

Amoso, a daga fanɛ an baa du boeŋ a maa boo nsa. An baa shin nɛ yirda nɛ kasha e baa buu anyi so fanɛ kebɛlso be kekpaŋkale nseŋ naa shin nɛ anyi be kumɔlga be tama malɛ gba e baa buu anyi so fanɛ kebɛlso be kekpaŋwuro.

Kelaraŋŋini 9:17

Egbaŋɛ nɛ bediipo mo nɛ n daŋ wu bɔrɛdare na to na daa du le nna: Bumo be ŋgbene so be asɔ kuŋso daŋ pere nna kpaiŋ fanɛ ŋklaŋ nseŋ naŋ nyɔɔ tuum fanɛ gra n naa la kachɔnɔnyifu fanɛ jɛrbi. Egbaŋɛ na be amu daa du fanɛ ebuluŋ be amu nna nɛ edɛ nɛ edishi nɛ asɔ chɔɔso ko fanɛ jɛrbi shi bumo be nnɔ to n lar.

1 Samuɛl 2:18

Le be saŋɛ so kikɛ nɛ kebinyɛnsobi Samuɛl bee shuŋ Enyɛnpe Ebɔrɛ na nna, nsaa buu kabɔrɛmata be piŋi nɛ baa tre ɛfɔd na.

1 Samuɛl 22:18

Nɛ Sɔɔl kilgi ŋ kaŋɛ Duɛg nɛ e shi Edɔm na le: “Mɔ bɔrɛmatapoana na kikɛ!” Kumo be kamɔnchɛ bɔrɛmatapoana nɛ b fo kabɔrɛmata be epiŋi nɛ baa tre Ɛfɔd na be kebuu na be basa aduburwa nɛ anu nɛ Duɛg mɔ.

1 Samuɛl 23:6

Ahimɛlɛk pibinyɛn Abiata ka shile n ya tu Deevid ashi Kiila na, e daŋ ta kabɔrɛmata be piŋi nɛ baa tre Ɛfɔd na nna n ti so n yɔ.

1 Samuɛl 30:7

Nɛ Deevid kaŋɛ Ahimɛlɛk pibinyɛn bɔrɛmatapo Abiata le: “Ta bɔrɛmatapo be kale nɛ baa tre Ɛfɔd na m bar ma.” Nɛ Abiata ta kumo n ya sa mo.