Ɛksodɔs 28:1 - EBƆRƐ BE KAWƆL

¹ Naniere shin nɛ fo da Ɛɛrɔn nɛ mbe mbinyɛnso Nadab nɛ Abihu nɛ Eliazaa nɛ Itama e lar Israɛlebi na to m ba fo kutɔ, saŋɛ na so baaŋ ba kaa la bɔrɛmatapoana a shuŋ ma.

Ɛksodɔs 28:1 ပူးပေါင်းရင်းမြစ်များ

1 Kronikɛls 23:13

Amram nɛ e daa la mo pibinyɛn nimuso na be mbia e daa la Ɛɛrɔn nɛ Mosis. Ɛɛrɔn nɛ mbe kaman to ebi nɛ b daŋ lara n yili fanɛ b baa keni asɔ cheembi na so mbaanaayɔ. Bumo alɛ e naaŋ baa chɔɔ duwu saŋɛ so nɛ baa bunyaŋ Enyɛnpe Ebɔrɛ na, nsaa shuŋ mo a kule mo fanɛ e baa nɛfa mbe basa.

1 Kronikɛls 6:10

Azariya mo nɛ e daa shuŋ bɔrɛlambu nɛ Sɔlɔmɔn daŋ pɔr ashi Jerusalɛm na to na,

1 Kronikɛls 6:34

nɛ Samuɛl malɛ mo tuto daa la Ɛlkana nɛ Ɛlkana mo tuto daa la Jeroham nɛ Jeroham mo tuto daa la Eliɛl nɛ Eliɛl mo tuto daa la Toa,

2 Kronikɛls 11:14

Livaiebi na yige bumo be asɔbɔya be ejikpa nɛ nsawule ko nna n lɛ nseŋ koso n yɔ Juda nɛ Jerusalɛm ŋkpal ewura Jeroboam nɛ e bee ji Israɛl be kuwura na nɛ bewura nɛ b bɛ mo so na kikɛ ka maŋ shuli fanɛ b baa shuŋ fanɛ Enyɛnpe Ebɔrɛ be bɔrɛmatapoana so.

Nshɛ 115:10

Menyi nɛ men la Ɛɛrɔn be kanaŋ to ebi nsaa la bɔrɛmatapoana na, a daga fanɛ men yirda Enyɛnpe Ebɔrɛ na nɛ e baa chɛ menyi to nsaa kuŋ menyi.

Nshɛ 99:6

Mosis nɛ Ɛɛrɔn daa la mbe bɔrɛmatapoana nna, nɛ anebi Samuɛl malɛ daa la esa nɛ e daa bɔla Ebɔrɛ be ketre to a kule mo. Enyɛnpe Ebɔrɛ na nɛ bumo kikɛ daa shu a tre, nɛ e daa nu a sa bumo.

Ɛksodɔs 24:1

Kachako nɛ Enyɛnpe Ebɔrɛ kaŋɛ Mosis le: “Fo nɛ Ɛɛrɔn nɛ Nadab nɛ Abihu nɛ Israɛlebi be bejuŋkparpo adushunu e ba ma kutɔ ashi kebee ere ase nfe. Ama pɔɛŋ nɛ men fo kumo men feŋ n yili m bunyaŋ ma.

Ɛksodɔs 24:9

Asheŋ ere kikɛ be kaman nɛ Mosis nɛ Ɛɛrɔn nɛ Nadab nɛ Abihu nɛ Israɛlebi na be bejuŋkparpo adushunu dii kebee na be esoso.

Ɛksodɔs 28:41

Ade kikɛ be kaman nɛ men ta le be asɔbuuso ere m buu fo da Ɛɛrɔn nɛ mbe bibinyɛn na nseŋ ta ŋku ŋ gbiti bumo n ta bumo m bɔɔ Ebɔrɛ enɔ, saŋɛ na so baaŋ ki bɔrɛmatapoana cheembi a shuŋ ma.

Ɛksodɔs 29:1

Men kaa shin nɛ men ta Ɛɛrɔn nɛ mbe bibinyɛn na m bɔɔ ma enɔ fanɛ bɔrɛmatapoana, men ta gbolu fɔlbi koŋwule nɛ ekpakpa anyɔ nɛ a maŋ kɔ ndulgi kikɛ.

Ɛksodɔs 29:44

Ma alɛ beeŋ shin nɛ Enyɛnpe be wajɛbu na nɛ bɔrɛsure na e ki ma asɔ cheembi. Nseŋ naŋ shin nɛ Ɛɛrɔn nɛ mbe bibinyɛn na malɛ gba e ki basa laraso cheembi a shuŋ ma fanɛ bɔrɛmatapoana.

Ɛksodɔs 29:9

nseŋ buu bumo nwuro n ta ekreso ŋ kre bumo so. Nɛ men wora loŋ Ɛɛrɔn nɛ mbe bibinyɛn nɛ bumo be kaman to ebi kikɛ beeŋ ki bɔrɛmatapoana a shuŋ ma hale mbaanaayɔ.

Ɛksodɔs 30:30

Ade kikɛ be kaman nɛ men ta ŋku na n do n do Ɛɛrɔn nɛ mbe bibinyɛn na gba so n ta bumo m bɔɔ ma enɔ nɛ b ki bɔrɛmatapoana a shuŋ ma.

Ɛksodɔs 31:10

nɛ bɔrɛmatapo nimuso Ɛɛrɔn nɛ mbe bibinyɛn be asɔbuuso cheembi nɛ baa buu saŋkama a shuŋ kabɔrɛmata be kushuŋ na

Ɛksodɔs 35:19

nɛ epiŋi lueso lela cheembi nɛ bɔrɛmatapo nimuso Ɛɛrɔn nɛ mbe bibinyɛn beeŋ baa buu saŋɛ nɛ baa shuŋ wajɛbu cheembi na to na.”

Ɛksodɔs 6:23

Nɛ Ɛɛrɔn malɛ ta Elisheba nɛ e daa la Aminadab pibiche nsaa la Nashɔn malɛ mo sipoche na ŋ ki mbe eche nɛ mo nɛ mo kurge Nadab nɛ Abihu nɛ Eleazar nɛ Itama.

Levitikɔs 10:1

Nadab nɛ Abihu kikɛ daa la Ɛɛrɔn be mbinyɛnsobi nna nɛ b daŋ wora n da Enyɛnpe Ebɔrɛ na so ŋkpal b ka daŋ wora edɛ n wɔtɔ edɛtɔl to n chɔɔ duwu ekpa nɛ k maŋ daga so m ba Enyɛnpe Ebɔrɛ na be anishito so.

Levitikɔs 10:12

Nɛ Mosis kaŋɛ Ɛɛrɔn nɛ mbe mbinyɛnsobi anyɔ, Eliaza nɛ Itama, nɛ b ka na le: “Men ta ayu be sargajibi nɛ a ka ashi ajibi nɛ b ta n lara sarga n sa Enyɛnpe Ebɔrɛ na to na n wora ebodobodo nɛ a maŋ kɔ yiisi n chena bɔrɛsure na ase n we, ŋkpal manɛ so, k la sarga nɛ k du cheembi ga nna.

Levitikɔs 7:35

Ayu be sargajibi nɛ baa lara a sa Enyɛnpe Ebɔrɛ na be amo nɛ a daga a baa yɔ Ɛɛrɔn nɛ mbe kaman to ebi kutɔ nna na.

Levitikɔs 8:1

Nɛ Enyɛnpe Ebɔrɛ na kaŋɛ Mosis:

Levitikɔs 8:2

“Keta Ɛɛrɔn nɛ mbe mbinyɛnsobi m ba ma anishito ashi wajɛbu na be kabuna, nseŋ ta kabɔrɛmata be epiŋi na nɛ ŋku nɛfaso na m ba. Kumo be kaman nɛ fo ta kulubi be sarga be gbolu fɔlbi na nɛ ekpakpa anyɔ na nɛ bodobodo nɛ a maŋ kɔ yiisi na be kelantaŋɛ be bɔlɔ m ba.

Nɔmbɛs 18:7

Fo nɛ fo mbinyɛnsobi nawule e naaŋ baa shuŋ kabɔrɛmata be kushuŋ na ashi bɔrɛsure na so nɛ acheembiana to be kakpa cheembi na to. Ŋkpal manɛ so ma e ta kabɔrɛmata be kushuŋ ere n sa menyi. Amoso esa kama nɛ e ta kpramɛ n shuŋ kumo, daga b ka mɔ mo.”

Nɔmbɛs 26:61

Nadab nɛ Abihu e daŋ wu ŋkpal b ka chɔɔ sarga be edɛ nɛ k maŋ daga so n sa Enyɛnpe Ebɔrɛ na.

Luuk 1:8

Saŋko nɛ bɔrɛmatapoana be daŋkare be kushuŋ na tɔr katuŋ nɛ Zakareya daa wɔ na to ebi so nɛ k ba fanɛ Zakareya e ya kaa shuŋ mbe kushuŋ Ebɔrɛ be anishito ashi bɔrɛlambu na to.

Ditɛronɔmi 10:6

(Kede be kaman nɛ Israɛlebi na koso kanyɛn nɛ baa tre Jaakan na be basa be atirbu ase n yɔ kakpa nɛ baa tre Mosera na n ya wora bumo be keeyi to ndoŋ. Ndoŋ nɛ Ɛɛrɔn wu nɛ b puli mo nɛ mo pibinyɛn Eliaza sɔ mo so ŋ ki bɔrɛmatapowura.

Ditɛronɔmi 18:5

Menyeeŋ baa sa bumo ade kikɛ nna, ŋkpal manɛ so, Enyɛnpe Ebɔrɛ na e lara bumo nɛ bumo be kaman to ebi ashi Israɛl be eyiriana na to nɛ b baa shuŋ mo fanɛ bɔrɛmatapoana mbaanaayɔ.

1 Samuɛl 2:28

Mo nɛ n lara Israɛl be eyiri na kikɛ to, fanɛ e baa la bɔrɛmatapo nsaa chɔɔ duwu ashi bɔrɛsure na so a sa ma nsaa buu kabɔrɛmata be piŋi nɛ baa tre ɛfɔd na saŋkama nɛ e bee ba ma anishito, nseŋ sa mbe kaman to ebi ekpa fanɛ b baa ta sarga nɛ baa chɔɔ bɔrɛsure na so na be ako.