Ɛksodɔs 27:9 - EBƆRƐ BE KAWƆL

⁹ Men lɔŋɛ Ebɔrɛ be wajɛbu na be kelɔnɛ gba nɛ kumo be kelargato be kaseto be kaba so be nteŋ to e fo fanɛ ayadra kalfa nɛ adunu, nseŋ ta ago lueso lela be patisa ŋ kulti kumo.

Ɛksodɔs 27:9 ပူးပေါင်းရင်းမြစ်များ

1 Bewura 6:36

Ajembu nɛ b shɛl na nɛ b daŋ ta m pɔr bɔrɛlambu na be kelɔnɛ nɛ k wɔ kumo be anishito na be egbal asa m bɛ abar so nseŋ ta sida be ndibi n deŋi so.

1 Bewura 8:64

Ewura Sɔlɔmɔn daŋ ta kelɔnɛ na be nferinto a mata bɔrɛlambu na be anishito ase na nna m bɔɔ Ebɔrɛ enɔ nseŋ lara sarga chɔɔso nɛ kɔnɔkoŋwuleso be sarga be asɔbɔya be nfɔ nɛ ajibi nɛ asɔnuuso be sarga. E daŋ wora loŋ nna ŋkpal danyaŋ be bɔrɛsure nɛ e daŋ pɔr bɔrɛlambu na be anishito na ka daa maŋ shibi ga nɛ b baa lara esarga na kikɛ kumo so so.

2 Kronikɛls 33:5

E daŋ pɔr ebɔrɛsure bɔrɛlambu na be alɔnɛ anyɔ na so nna a shuŋ achɛkpabi.

2 Kronikɛls 4:9

B daŋ wora kelɔnɛ laŋ na be epunto nna n sa bɔrɛmatapoana nawule nseŋ wora kuko malɛ kowushina. B daŋ ta danyaŋ nna m mata akuloŋ nɛ a wɔ alɔnɛ anyɔ na be kefɛato na so.

Nshɛ 100:4

Men bɔla mbe bɔrɛlambu na be mbunagboŋ to n luri mbe kelɔnɛ so m ba di mo epaŋ, nseŋ kpaŋ mo.

Nshɛ 84:10

Keji kachɛ koŋwule ashi fo bɔrɛlambu to bɔ keji nchɛ kagboŋ ashi kakpa pɔtɛ. Ŋ ka yili ma Ebɔrɛ be lambu be kabuna to bɔ ŋ ka wɔ kumukpakpasowura pe.

Nshɛ 92:13

Baaŋ mur achin ashi fo, Enyɛnpe Ebɔrɛ na be laŋ to, nseŋ nyalɛ ashi anyi be Ebɔrɛ na be bɔrɛlambu to.

Ɛksodɔs 27:10

Men shin nɛ kumo be kelargato be esoso be kaba so be nteŋ to e baa la ayadra kalfa nɛ adunu nɛ mba anyɔ na kikɛ e nya ndibi yuuso adunyɔnyɔ nɛ amo be danyaŋ be atɔl adunyɔnyɔ. Men ta gbiti n lɔŋɛ ndibi yuuso be anyembi nɛ akɔltobi nɛ a kɔl patisa na to na.

Ɛksodɔs 35:17

nɛ kelɔnɛ na be epatisa nɛ kumo be ndibi yuuso nɛ amo be atɔl nɛ kumo be kabuna to be patisa

Ɛksodɔs 36:17

nseŋ baa asɔ kulkulbi fanɛ afirgi na be adununu n chɛ m mata m mata epatisagboŋ anyɔ na be akel so.

Ɛksodɔs 39:40

nɛ kelɔnɛ na be epatisa nɛ kumo be ndibi yuuso nɛ amo be atɔl nɛ kelɔnɛ be kabunato be patisa nɛ wajɛbu nɛ kelɔnɛ na be ayir nɛ amo be afɔlana.

Ɛksodɔs 40:33

Ade kikɛ be kaman nɛ Mosis shin nɛ b yuu kelɔnɛ ŋ kulti Ebɔrɛ be wajɛbu na nɛ bɔrɛsure na nseŋ chɛ kelɔnɛ na be kabunato be patisa na n shiga. Ndoŋ nna nɛ Mosis be kushuŋ loge.

Ɛksodɔs 40:8

Kumo alɛ be kaman nɛ fo yuu kelɔnɛ na be ndibi yuuso na nseŋ kre epatisa na ŋ kulti kumo, nseŋ chɛ kumo be kabuna to be patisa na n shiga.

Ezikɛl 40:14

Kumo be kaman nɛ e naŋ karga ebu nɛ k wɔ kedɛdɛ na be lalaloge to, nɛ baa bɔla kumo to a lar kelɔnɛ so na nseŋ wu fanɛ kumo be mparto daa sa fanɛ ayadra adesa nɛ ana nna.

Ezikɛl 40:17

Ade kikɛ be kaman, nɛ kanyɛn na naŋ keta ma m bɔla kedɛdɛ na to n yɔ bɔrɛlambu na be kowushina be kelɔnɛ na so. Ebu adesa e wɔ kowushina be egbal na to nɛ b ta ajembu n yuu n dulgi kakpa nɛ baa nite na

Ezikɛl 40:20

Kumo be kaman nɛ kanyɛn na naŋ karga kelargato be esoso be kabunagboŋ nɛ k bee bugi a lar kowushina be kelɔnɛ so na.

Ezikɛl 40:23

Kabuna ko daa wɔ kelɔnɛ na be kelargato be esoso be kaba so nɛ baa bɔla kumo to a yɔ epunto be kelɔnɛ na so, fanɛ kananɛ kuko daa wɔ epeŋilarkpa be kaba so na. Nɛ kanyɛn na yili kowushina be kabuna na ŋ karga n ya fo epunto be kabuna na ase nɛ kekoso fanɛ ayadra kalfa nɛ adeshe nɛ aburwa.

Ezikɛl 40:28

Ade kikɛ be kaman, nɛ kanyɛn na naŋ keta ma m bɔla kelargato be kaseto be kabunagboŋ na to n luri epunto be kelɔnɛ na to nseŋ ya karga kabunagboŋ na. Kumo nɛ kowushina be kabunagboŋ na kikɛ sasa nna.

Ezikɛl 40:32

Ndoŋ nna nɛ kanyɛn na naŋ ta ma m bɔla epeŋilarkpa be kabunagboŋ na to n yɔ epunto be kelɔnɛ na so nseŋ ya karga kabuna to na. Kumo nɛ amo nɛ a ka na kikɛ sasa nna.

Ezikɛl 40:44

Ndoŋ nna nɛ kanyɛn na naŋ keta ma n luri epunto be kelɔnɛ na to nɛ n ya wu ebu anyɔ ko nɛ amo be mbuna daa bugi a yɔ epunto be kelɔnɛ na so. Kuko daa wɔ kabunagboŋ nɛ k wɔ kelargato be esoso be kaba so na ase nseŋ kilgi n shoŋi kelargato be kaseto be kaba so nna, nɛ kenyɔsopo malɛ wɔ kabunagboŋ nɛ k wɔ kelargato be kaseto be kaba so na ase nseŋ kilgi n shoŋi kelargato be esoso be kaba so.

Ezikɛl 42:3

Kowu na be kaba ko daŋ kilgi n shoŋi efuli ko nɛ k dese bɔrɛlambu na ase nɛ kumo be mparto daa sa fanɛ ayadra adesa nɛ ana, nɛ kaba ko malɛ bee shoŋi ekpabi nɛ k chambɔ kowushina be kelɔnɛ na. B daŋ pɔr ebuana na nna m bɛ abar so esoso, nɛ kekama nɛ k bɛ kumo barkasa so na laŋɛ kaman a chɔ kumo nɛ k wɔ kaseto na.

Nɔmbɛs 4:26

nɛ kelɔnɛ na be epatisa nɛ a chambɔ wajɛbu na, nɛ bɔrɛsure na nɛ kumo be efɔlana nɛ kelɔnɛ na be kabuna to be patisa na, nɛ asɔ kama nɛ baa ta a wora kumo be asheŋ na kikɛ. Gɛshɔn be kabuna ebi na e naaŋ baa shuŋ le be ashuŋ ere kikɛ.

Nɔmbɛs 4:32

nɛ wajɛbu na be kelɔnɛ nɛ k kulti kumo na be ndibi yuuso nɛ amo be atɔl nɛ ayirbi nɛ efɔlana. Mɛrariebi na be ekama daga fanɛ e baa nyi kusɔ nɛ e bee sulɔ.