Ɛksodɔs 27:21 - EBƆRƐ BE KAWƆL

²¹ Ɛɛrɔn nɛ mbe mbinyɛnso e daga fanɛ b baa chɔɔ efitila na so a yili patisa nɛ k kuŋ kɔnɔkoŋwule be ŋkre be deka na be anishito na. B baa chɔɔ efitila na so kaaseso kikɛ nɛ a baa fuli to ma, Enyɛnpe Ebɔrɛ be wajɛbu na to a klade. A daga fanɛ Israɛlebi nɛ bumo be kaman to ebi kikɛ e baa bɛ mbra ere so mbaanaayɔ.

Ɛksodɔs 27:21 ပူးပေါင်းရင်းမြစ်များ

Jɛnesis 1:5

E ka wora loŋ na nɛ e nase kefulto be saŋɛ na kapa nseŋ nase tentembiri be saŋɛ na malɛ kanyɛ. Ndoŋ nna nɛ kanyɛ biri nɛ kare chɛ ŋ ki kachɛ lelemu juŋkparso na.

Jɛnesis 1:8

Nɛ Ebɔrɛ nase kunji na awɔlpa. Ndoŋ nna nɛ kanyɛ biri nɛ kare chɛ ŋ ki kachɛ lelemu nyɔsopo na.

2 Kronikɛls 13:11

Kachipurso nɛ kaaseso kikɛ, baa chɔɔ duwu nɛ asɔbɔya be kechɔɔ m mur be esarga nna a sa Enyɛnpe Ebɔrɛ. Baa ta bodobodo be sarga na nna a deŋi teebɔl nɛ k du cheembi na so daŋkare be ekpa so nsaa chɔɔ efitila nɛ a yil shuwa be kefitilatɔl na malɛ so kaaseso kikɛ. Anyi ere bee bɛ Enyɛnpe Ebɔrɛ be mbra na so nna, ama menyi ere kini mo.

Nshɛ 134:1

Menyi nɛ men la Enyɛnpe Ebɔrɛ na be nyɛrbi a shuŋ mo ashi mbe bɔrɛlambu to kanyɛso na e baa di mo epaŋ.

Ɛksodɔs 12:14

“A daga fanɛ menyi nɛ men be kaman to ebi kikɛ e baa wora kejigboŋ kafɛ kikɛ a nyiŋi kusɔ nɛ ma, Enyɛnpe Ebɔrɛ wora n sa menyi ere. Men shin nɛ k ki mbra n sa menyi mbaanaayɔ.

Ɛksodɔs 16:34

Enyɛnpe Ebɔrɛ ka baŋ kaŋɛ Mosis na, nɛ e shin nɛ Ɛɛrɔn ta amo n yili kɔnɔkoŋwule be ŋkre be deka na be anishito, nɛ a baa yil ndoŋ.

Ɛksodɔs 25:16

B kaŋ lɔŋɛ deka na n loge nɛ fo ta ajembu pantraŋ pantrambi nɛ ma mbraana deŋi so nɛ meeŋ ta n sa fo ere n wɔtɔ kumo to.

Ɛksodɔs 28:43

A daga fanɛ Ɛɛrɔn nɛ mbe mbinyɛnso na e baa wɔtɔ loŋ be ewondoŋshiimbi ere saŋkama nɛ baa luri Enyɛnpe be wajɛbu na to ŋko saŋkama nɛ baa ba bɔrɛsure na ase nɛ b ba shuŋ ma ashi kakpa cheembi na to, saŋɛ na so b maaŋ wu ŋkpal b ka na kayurkpaŋ so. Le be mbra ere beeŋ baa dese n sa Ɛɛrɔn nɛ mbe kaman to ebi hale mbaanaayɔ.

Ɛksodɔs 29:28

Saŋkama nɛ menyi, ma basa Israɛlebi baŋ mɔ kusɔbɔya n lara kɔnɔkoŋwule be sarga, kusɔbɔya na be kagbene nɛ kebɛaŋ la Ɛɛrɔn nɛ mbe bibinyɛn peya nna. Loŋ be eblaŋ na la meya nna, ama bɔrɛmatapoana e naaŋ baa ji amo hale mbaanaayɔ.

Ɛksodɔs 29:42

Le be sarga chɔɔso ere beeŋ baa la sarga nɛ menyi nɛ men be kaman to ebi kikɛ beeŋ baa lara saŋkama mbaanaayɔ ashi Enyɛnpe be wajɛbu na be kabuna to ma, Enyɛnpe Ebɔrɛ na be anishito. Ndoŋ nɛ meeŋ baa tu menyi nsaa malga fo kutɔ.

Ɛksodɔs 29:44

Ma alɛ beeŋ shin nɛ Enyɛnpe be wajɛbu na nɛ bɔrɛsure na e ki ma asɔ cheembi. Nseŋ naŋ shin nɛ Ɛɛrɔn nɛ mbe bibinyɛn na malɛ gba e ki basa laraso cheembi a shuŋ ma fanɛ bɔrɛmatapoana.

Ɛksodɔs 30:36

Shin nɛ b kɔr ako nɛ a pe fanɛ nyifu na n ta amo ŋ ŋmenyaŋ kɔnɔkoŋwule be ŋkre be deka na be anishito ashi Enyɛnpe be wajɛbu na to be kakpa nɛ ma nɛ fo beeŋ baa tu abar na. A daga fanɛ men baa ta duwu na fanɛ asɔ cheembi.

Ɛksodɔs 30:8

Nɛ Ɛɛrɔn naŋ ba kaaseso malɛ nɛ e ba chɔɔ efitila na so, a daga fanɛ e naaŋ wora loŋ koŋwule na. Menyi nɛ men be kaman to ebi kikɛ beeŋ baa lara duwu be sarga ere a sa Enyɛnpe Ebɔrɛ kachɛ kama hale mbaanaayɔ.

Ɛksodɔs 40:3

nseŋ ta kɔnɔkoŋwule be ŋkre be deka nɛ mbra kudu na wɔtɔ na n yili kumo to n ta patisa kuŋso na ŋ kuŋ kumo so.

Levitikɔs 10:9

“Fo nɛ fo mbinyɛnsobi e sa maŋ kaŋ nuu yabra ŋko nsa booso be yiri kikɛ nseŋ ba luri wajɛbu na to kikɛ. Men baŋ wora loŋ menyeeŋ wu. Kede la mbra nna a dese n sa fo nɛ fo kaman to ebi kikɛ.

Levitikɔs 16:34

Mbraana ere wɔtɔ nna mbaanaayɔ nɛ b baa bɛ amo so jemanɛ kikɛ. Alubi be keyigempaŋ be sarga ere daga kelara kela koŋwule kafɛ kikɛ nna nɛ Israɛlebi na e baa nya bumo be alubi be ketampaŋ.” Ndoŋ nna nɛ Mosis wora kusɔ nɛ Enyɛnpe Ebɔrɛ na kaŋɛ mo na kikɛ.

Levitikɔs 17:7

Israɛlebi na e sa maa lar Enyɛnpe Ebɔrɛ na kaman n ya kaa mɔ bumo be asɔbɔya a lara esarga a sa agbir nɛ a bee ji mboe ŋko ayoyu lubi ashi bumo be ndɔana to. Mbra ere dese nna n sa bumo nɛ bumo be kaman to ebi kikɛ hale mbaanaayɔ.

Levitikɔs 23:14

Men sa maŋ kaŋ ji ajibi popɔr na kebumbuŋ to ŋko atɔso ŋko n ta amo n wora bodobodo n we, ama men juŋkpar m bar amo m ba lara sarga n sa Ebɔrɛ na nna pɔɛŋ. Kede la mbra nna a dese n sa menyi nɛ men be mbia ashi kaplɛkama nɛ men wɔ mbaanaayɔ.

Levitikɔs 23:21

Men sa maŋ kaŋ shuŋ kushuŋ kikɛ loŋ be kachɛ na, ama keshɛr m bunyaŋ Enyɛnpe Ebɔrɛ na nawule. Kaplɛkama nɛ men wɔ, a daga fanɛ men be kaman to ebi ka bee bɛ mbraana ere so hale mbaanaayɔ.

Levitikɔs 24:2

e ta mbraana n sa Israɛl be basa na. E yɛ: “Men bar ɔlif be ŋku gbagba nɛ a walɛ nɛnɛ m ba wɔtɔ efitilatɔl nɛ a wɔ wajɛbu na to na nɛ a baa chɔɔ a fulto jemanɛ kikɛ.

Levitikɔs 24:3

Kaase so kikɛ Ɛɛrɔn beeŋ chɔɔ efitila na so n yili patisa nɛ k bee kuŋ kɔnɔkoŋwule be ŋkre be deka nɛ k yil acheembiana to be kakpa cheembi na be anishito ashi wajɛbu na to hale nɛ kare e ya chɛ kachipurso. Kede la mbra nɛ k dese nna hale mbaanaayɔ, k maa chɛrga kikɛ.

Levitikɔs 24:9

Ebodobodo na la Ɛɛrɔn nɛ mbe kaman to ebi be kachige nna. Ŋkpal a ka la asɔ cheembi ashi esargajibi nɛ baa lara a sa Enyɛnpe Ebɔrɛ na so, a daga fanɛ b baa ji amo kaboŋ cheembi nna.”

Levitikɔs 3:17

Israɛl be esa kikɛ maŋ daga e ka ji nfɔ ŋko ŋklaŋ. K la mbra nɛ k dese nna n sa Israɛl be basa kikɛ ashi kaplɛkama nɛ b wɔ nna hale mbaanaayɔ.

Levitikɔs 3:8

e beeŋ ta mbe enɔ n deŋi kumo be kumu so nseŋ mɔ kumo ashi wajɛbu na be kabuna ase nɛ bɔrɛmatapoana na e suse ŋklaŋ na ŋ ŋmenyaŋ bɔrɛsure na be mba ana na so ŋ kulti.

Levitikɔs 6:15

Kumo be kaman nɛ bɔrɛmatapo na e jɔ nyifu nɛ b ta ɔlif be ŋku m baga na enɔ be bɔlɔ nseŋ ta duwu n ti so n chɔɔ bɔrɛsure na so shɛda so a ŋini fanɛ amo kikɛ la sarga nɛ amo be efɛa bee par Enyɛnpe Ebɔrɛ na nna.

Levitikɔs 7:36

Kachɛ nɛ b lara bumo n yili fanɛ bɔrɛmatapoana na nɛ Enyɛnpe Ebɔrɛ na yili kumo fanɛ Israɛlebi na e baa sa bumo amo nɛ a baa la bumo be kachige mbaanaayɔ.

Malakai 2:7

Menyi bɔrɛmatapoana e daga men ka bee malga Ebɔrɛ be asheŋ nɛ basa e baa ba men kutɔ nɛ men ŋini bumo Ebɔrɛ be asheŋ nɛ b pin mo nɛnɛ, ŋkpal manɛ so menyi so nɛ Enyɛnpetale bee bɔla a malga a sa basa.

Nɔmbɛs 18:23

Livaiebi na nawule e naa ba shuŋ wajɛbu na to nɛ kumo be kewora n da so be turju e ba bɛ bumo. Le be mbra ere dese nna n sa menyi nɛ men be kaman to ebi kikɛ mbaanaayɔ. Bumo alɛ maaŋ nya kapetɛ kikɛ ashi Israɛlebi na to,

Nɔmbɛs 18:5

Fo nɛ fo mbinyɛnsobi nawule e daga kebaashuŋ Enyɛnpe be wajɛbu na to nɛ bɔrɛsure na so, loŋ nɛ ma agbo maaŋ naŋ ba Israɛlebi na so.

Nɔmbɛs 19:21

Mbra ere maaŋ chɛrga kikɛ. Ekama nɛ e bee ŋmenyaŋ nchu na a fɔr basa so daŋkare be ekpa so gba, daga e fɔr mbe epiŋi. Ekama nɛ e beta nchu na malɛ beeŋ wora eyurpi daŋkare be ekpa so n ya fo kaaseso.

Nɔmbɛs 35:29

Le be mbra ere beeŋ baa wɔtɔ n sa menyi nɛ men be kaman to ebi kikɛ mbaanaayɔ.

Nɔmbɛs 8:9

Kumo be kaman nɛ fo tre Israɛlebi na kikɛ n shɛr nseŋ shin nɛ Livaiebi na e lar n yili ma Enyɛnpe be wajɛbu na be anishito,

Matiu 4:16

basa nɛ b wɔ tentembiri to na wu kefulto gboŋ ko. Kefulto na nyaŋɛ a yuu basa nɛ b wɔ luwu be tentembiri be kasawule so na.”

Luuk 12:35

“Men bela ase ŋ kre so nɛnɛ nseŋ chɔɔ efitila so n yili

Baru lela nɛ Jɔn kute na 5:35

Jɔn daa du fanɛ fitila nɛ k chɔɔ so nna a sa basa kefulto nɛ men daŋ shuli n wu kefulto na be ebel gbrɛbi.

2 Kɔrintebi 4:6

Ebɔrɛ mo nɛ e kaŋɛ fanɛ: “Men shin nɛ kefulto e shi tentembiri to n lar n nyaŋɛ,” koŋwule na e naa shin nɛ mbe kefulto bee nyaŋɛ anyi be ŋgbeneana to a bar anyi Ebɔrɛ be kemaŋkura be kanyiasheŋ be kefulto nɛ k bee nyaŋɛ Kristo be anishito na.

2 Pita 1:19

Amoso, anyee yirda asheŋ nɛ anebiana wu ŋ kaŋɛ ana an be ŋgbene to a ti so. Nɛ men baa bɛ amo so fanɛ fitila ka bee sa kefulto tentembiri be kakpa to na, menyeeŋ baa wora asɔ. Men baa kɔ to loŋ hale nɛ kachɛ na e ya kaa fo nɛ karechɛso be kechɛkpabi na e ya nyaŋɛ kefulto n wɔtɔ men be ŋgbene to.

Kelaraŋŋini 2:1

E yɛ: “Sibɛ kawɔl ere n sa Ɛfeses be kade to be asɔri be malaika na ŋ kaŋɛ mo le: ‘Mmalga ere shi esa nɛ e kɔ achɛkpabi ashunu mbe enɔjiso to nsaa na shuwa be kefitilatɔl ashunu na to na kutɔ nna.

1 Samuɛl 3:3

nɛ Samuɛl malɛ dese Ebɔrɛ be lambu to be kakpa nɛ Ebɔrɛ be ŋkre be deka na wɔ na. Saŋɛ so nɛ Ebɔrɛ be lambu to be fitila na maŋ naŋ duŋ na

1 Samuɛl 30:25

Amoso Deevid daŋ yili kumo fanɛ mbra nna n sa Israɛlebi na, nɛ bumo alɛ bɛ kumo so hale m ba fo nɛ mbre.