Ɛksodɔs 27:2 - EBƆRƐ BE KAWƆL

² Men wora kumo be esoso be abonfu ana na nɛ a baa du fanɛ alambɛ n shin nɛ bɔrɛsure na nɛ alambɛ na kikɛ e chɔga abar so a la kukoŋwule. Kumo be kaman nɛ men ta danyaŋ m mata bɔrɛsure na kikɛ so.

Ɛksodɔs 27:2 ပူးပေါင်းရင်းမြစ်များ

1 Bewura 1:50

Nɛ kufu pɛ Adonija, ŋkpal e ka bee fɛ fanɛ Sɔlɔmɔn beeŋ mɔ mo so nɛ e shile n yɔ Enyɛnpe be wajɛbu na ase n ya pɛ bɔrɛsure na be abonfu nɛ a duli alambɛ na to ŋ keta ŋ kuŋ mbe kumu.

1 Bewura 2:28

Adonija nɛ Jɔab daa chɛ to nɛ e ki ewura, mannɛ Absalɔm, amoso e ka nu fanɛ Adonija wu nɛ e shile n yɔ Enyɛnpe be wajɛbu na ase n ya pɛ bɔrɛsure na be abonfu to be asɔ nɛ a duli alambɛ na to ŋ keta nɛ e kuŋ mbe kumu.

1 Bewura 8:64

Ewura Sɔlɔmɔn daŋ ta kelɔnɛ na be nferinto a mata bɔrɛlambu na be anishito ase na nna m bɔɔ Ebɔrɛ enɔ nseŋ lara sarga chɔɔso nɛ kɔnɔkoŋwuleso be sarga be asɔbɔya be nfɔ nɛ ajibi nɛ asɔnuuso be sarga. E daŋ wora loŋ nna ŋkpal danyaŋ be bɔrɛsure nɛ e daŋ pɔr bɔrɛlambu na be anishito na ka daa maŋ shibi ga nɛ b baa lara esarga na kikɛ kumo so so.

2 Bewura 16:14

Danyaŋ be bɔrɛsure nɛ b daŋ ta m bɔɔ Enyɛnpe Ebɔrɛ enɔ na daa yil bɔrɛsure popɔr na nɛ bɔrɛlambu na be kefɛato nna, amoso ewura Ahaz daŋ shin nna nɛ b lɔŋɛ danyaŋ be bɔrɛsure na n yili bɔrɛsure popɔr na be kekilto ashi kelargato be esoso be kaba so.

2 Kronikɛls 4:1

Ewura Sɔlɔmɔn daŋ shin nɛ b lɔŋɛ danyaŋ be bɔrɛsure nɛ kumo be nteŋ daa la ayadra adesa nɛ kumo be mpar gba la ayadra adesa nɛ kumo be jeŋgreŋ malɛ la ayadra kuduanu nna.

Nshɛ 118:27

Enyɛnpe Ebɔrɛ na e la Ebɔrɛ, mo e shin nɛ mbe kefulto nyaŋɛ n yuu anyi so! Men shin nɛ an ta abii be ayabi ŋ keta enɔ to nseŋ bɛ abar so a ji eyur a kulti bɔrɛsure na.

Ɛksodɔs 27:3

Kumo be kaman nɛ men ta danyaŋ n lɔŋɛ asɔ nɛ b kɔ a shuŋ kumo so fanɛ nsunɔ be mpuliya nɛ eshabɔl nɛ ntishaŋgboŋ, nɛ kusɔ nɛ baa ta a chule eblaŋ nɛ kusɔ chɔ edɛ.

Ɛksodɔs 29:12

nɛ fo ta keshilbi n nyɔ gbolu fɔlbi na be ŋklaŋ na to n do n do bɔrɛsure na be alambɛ na so nseŋ chulgi ŋklaŋ na be amo nɛ a ka na malɛ kikɛ n wurge bɔrɛsure na be kaseto.

Ɛksodɔs 38:30

B daŋ ta danyaŋ na be ako nna n lɔŋɛ Enyɛnpe be wajɛbu na be kabuna to be atɔl, nɛ danyaŋ be bɔrɛsure nɛ kumo be kusɔ ŋeseasɔ nɛ asɔwurbi kikɛ.

Ezikɛl 43:15

Bɔrɛsure nɛ k bɛ so esoso na so nɛ b daa ta esarga na a deŋi so a chɔɔ. Kumo alɛ daŋ fo fanɛ ayadra ashunu. Kumo be akel to be nnɔso ana na daŋ dii a chɔ kumo be esoso na kikɛ nseŋ daŋ duli gbolu be alambɛ.

Levitikɔs 16:18

e beeŋ lar m ba lara sarga chɔɔso n lɔŋɛ bɔrɛsure nɛ k yil Enyɛnpe Ebɔrɛ na be anishito na so. A daga e wora gbolu na nɛ kaboe na be ŋklaŋ na be ako ŋ gbiti bɔrɛsure na be alambɛ ana na be nnɔso so.

Levitikɔs 4:18

Kumo be kaman nɛ e ta ŋklaŋ na be eko ŋ gbiti bɔrɛsure na be mba ana na be nnɔso pɔɛŋ nseŋ chulgi amo nɛ a ka na n wurge bɔrɛsure nɛ k wɔ wajɛbu na be kabuna ase nɛ baa chɔɔ esarga kumo so na be kaseto.

Levitikɔs 4:25

Kumo be kaman nɛ bɔrɛmatapo na e suse ŋklaŋ na be eko n ta mbe keshilbi n nyɔ amo to ŋ gbiti bɔrɛsure na be mba ana na be nnɔso nseŋ chulgi amo nɛ a ka na n wurge bɔrɛsure na be kaseto.

Levitikɔs 4:7

Kumo be kaman nɛ e wora ŋklaŋ na be ako ŋ gbiti bɔrɛsure nɛ baa chɔɔ duwu kumo so na be mba ana be nnɔso na be kekama so, ashi wajɛbu na to na nseŋ chulgi ŋklaŋ nɛ a ka na n wurge bɔrɛsure nɛ baa chɔɔ esarga kumo so na be kaseto ashi wajɛbu na be kabuna ase.

Levitikɔs 8:15

Kumo be kaman nɛ Mosis mɔ kumo n suse ŋklaŋ na nseŋ ta mbe keshilbi n nyɔ amo to n do n do bɔrɛsure na be alambɛ ana na be nnɔso so nɛ k ki cheembi. Kumo be kaman nɛ e chulgi ŋklaŋ nɛ a ka na n wurge bɔrɛsure na be kaseto. Kananɛ e wora nɛ bɔrɛsure na ki cheembi nɛ b baa lara kulubi be esarga kumo so nna na.

Zakareya 9:15

Enyɛnpetale Ebɔrɛ na beeŋ baa kuŋ mbe basa, nɛ b kɔ m pɔɔ bumo doŋana so m mur bumo. Baaŋ baa wora awɔr kena to fanɛ basa boo so nseŋ shin nɛ ŋklaŋ e lar bumo doŋana be eyurana so a shile fanɛ kananɛ bɔrɛmatapo bee chulgi sarga be asɔbɔya be ŋklaŋ a wurge bɔrɛsure na so na.

Nɔmbɛs 3:31

Bumo e naa keni ŋkre be deka nɛ k wɔ acheembiana to be kakpa cheembi na so, nɛ teebɔl na nɛ kefitilatɔl na nɛ ebɔrɛsureana na nɛ ntishaŋ nɛ bɔrɛmatapoana na bee ta a wora asheŋ ashi Enyɛnpe be wajɛbu na to nɛ patisa nɛ k wɔ acheembiana to be kakpa cheembi na be kabuna to na kikɛ so. Bumo e naa bela le be asɔ ere a yili mboŋ nseŋ naa bela amo ashi to.

Hibruwebi 6:18

Naniere an nya asɔ anyɔ nɛ a maaŋ tiŋ n chɛrga, ŋkpal manɛ so, Ebɔrɛ maaŋ tiŋ ŋ ku efɛ kikɛ. Asɔ anyɔ na so nɛ anyi nɛ an shuli m mata Ebɔrɛ na beeŋ nya kagbene a kɔ kumɔlga be tama nɛ k wɔ anishito na to kpakpa.